Matthaiga 1
1
1Hokijhu wagax Jesus Kristus harnira Dawid hinigra, Abraham hinigra.
2Abraham Isaak hagarninena, egi Isaak Jakob hagarninena, egi Jakob Judas egi wakhinubra wagarninena,
3Egi Judas hijawira Thamarga Phares egi Sara wagarnina, egi Phares Esrom hagarninena, egi Esrom Aram hagarninena,
4Egi Aram Aminadab hagarninena, egi Aminadab Nahasson hagarninena, egi Nahasson Salmon hagarninena,
5Egi Salmon hijawira Rahabga Boas hagarnina, egi Boas hijawira Ruthga Obed hagarnina, egi Obed Jesse hagarninena,
6Egi Jesse Dawid hungra hagarninena, egi Dawid hungra Urias hijawihinihera Salomon hagarnina,
7Egi Salomon Roboam hagarninena, egi Roboam Abia hagarninena, egi Abia Asa hagarninena,
8Egi Asa Josaphat hagarninena, egi Josaphat Joram hagarninena, egi Joram Osias hagarninena,
9Egi Osias Joatham hagarninena, egi Joatham Axas hagarninena, egi Axas Esekias hagarninena,
10Egi Esekias Manasse hagarninena, egi Manasse Amon hagarninena, egi Amon Josias hagarninena,
11Egi Josias Jexonias egi wakhinubra wagarninena egi wauinena Babilon eja warni hahirera.
12Egi Babilon eja warni hahiranaga hageja Jexonias Salathiel hagarninena, egi Salathiel Sorobabel hagarninena,
13Egi Sorobabel Abiud hagarninena, egi Abiud Eliakim hagarninena, egi Eliakim Asor hagarninena,
14Egi Asor Sadok hagarninena, egi Sadok Axim hagarninena, egi Axim Eliud hagarninena,
15Egi Eliud Eleasar hagarninena, egi Eleasar Matthan hagarninena, egi Matthan Jakob hagarninena,
16Egi Jakob Joseph hagarninena Maria hikanara, eja Jesus harninena E Kristus higairena.
17Hokijhura harnajra Abraham eja hura Dawid ejipara hokijhu kerepanaishanaga‐jop‐hashanana. Egi Dawid eja hura Babilon eja warni hahirega ejipara hokijhu kerepanaishanaga‐jop‐hashanana. Egi Babilon eja warni hahirera Kristus ejipara hokijhu kerepanaishanaga‐jop‐hashanana.
18Egi Jesus Kristus jhuinera deshesge hirena: Jaja hiunira Maria Joseph khanaikjane manajgi, kheni khikanag hirani, hinugjega waujganag‐jau hierena, Naxirag Wakanjangra wauna.
19Egi Joseph hinugjega hikanara wang‐phisha herege, esge inke harnaj janti wagigianaga hiroshig hinikjege, eshi nuxawa t’unekje hirena.
20Egi washa de‐e wewijau, horuxujre Hirukanara waxopiniwarajire harnira jantingikhina hihantehina, wagairena: Joseph Dawid hinigra neninena, inke nakawanine Maria hijawinaga rusre, waujganagjega Naxirag Wakanjangra wauna.
21Egi hojinjinig hisha jhunkjanena, egi rashra Jesus hiragekjena, wankshig warnira niambwahikjanena washa woishana warnineja nagre esge.
22Washa de‐e harnaj uinena, exji herekjege jagu Hirukanara era, prophet hisha egigina, wena:
23Horuxujwire, hinugwajeg hisha waujganaikjanena, egi hojinjinig hisha harnikjanena, egi rash harnira Emmanuel higairekjanena, de‐e hiroragra herena Maura wangakishu uwina ewairena.
24Egi Joseph nanakhi kikawa‐ana, Hirukanara waxopiniwarajire harnira jagu ushira, shesge hina, egi hijawina kurussana.
25Egi inke hiperesnina jaja ninkjang‐jorni harnira jhungi ejipa. Egi rashra Jesus higena.
Currently Selected:
Matthaiga 1: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
