Maroko 11

O Kacihrang ni Yis a Micomod i Yirusalim

(Matay 21.1-11; Luka 19.28-40; Yohani 12.12-19)

1Nanoya, miraod ca Yis to Yirusalim. Yo tayra cangra i Pitifaci ato Pitani a niyaro', i Olif a lotok, sowalen ni Yis ko tatosa a nisawawaan Ningra a miocor. 2<<Katayra kamo to:ra niyaro'. Ano tahira kamo i, o mama'araw namo itira ko mapaktingay a toforho a lofa o caayho ka dakawen no nimanima. Tdalen namo caira a mikiting a patayni i Takowanan. 3<Nawiro haenen namo saw?> Ano saan ko cima a milicay i tamowanan i, <O papakatayalen no Tapang#11.3 Tapang -- ano ^ca i, o tapang nanira. ciira. Ano mahrekto i, o tatangsolen a patiko konini a tofor a lofa,> han namo a pasowal,>> han ni Yis.

4Tayra sato cangra i, ma'araw nangra i tatihi no lalan ko nika mapakting ko ccay a tofor a lofa i fawahan no loma'. Yo mitdal cangra i, 5Somowal ko itiraay a tomirengay a papinapina a tamdamdaw, <<Mimaan a tdalen namo kora tofor a lofa saw?>> saan.

6Do^do hanto nangra ko nano sowal ni Yis a paca'of. Hayda sato cangra. 7Saka, kiting hanto nangra koya tofor a lofa a patayra i ci Yisan. Clak hanto nangra ko kafafang nangra i koror noya lofa, ta dakaw sato ci Yis. 8Itiyasato, claken no 'alomanay a tamdamdaw i lalan ko kafafang nangra. Pasaksaken no romaroma a tamdaw i lalan ko naniltekan nangra i pala a cipapahay a ca'ang no kilang. 9Milkal ko i ka'ayaway a romakat ato mitooray i aikor ni Yis a tamdamdaw.

<<Hmeken ko Kawas!

Nanay mapakalmed no Kawas ko niocoran no Tapang pakayni i ngangan Ningra.

10Nanay mapakalmed no Kawas ko aira a kitakit no tato'asan ita ci Tafiti!

Hmeken ko Isatakaraway a Kawas!>> saan.

11Tahira sato ci Yis i Yirusalim. Micomod Cingra i Fangcalay Pita'ongan. Minengneng to i taliyokay a maamaan a ma^min. Tona mahkakremto ko romi'ad saka, lahaklong sato ci Yis atoya tosa ko safaw a tarokos a masadak a tayra i Pitani.

O Pi'kak to Sokon a Kilang

(Matay 21.18-19)

12Cilasato a romi'ad, yo miliyas cangra to Pitani i, macahiw ci Yis. 13Ma'araw ni Yis iraay ko ccay a karapapahay a sokon a kilang. Ira latek ko hci nora kilang nasa Cingra a miraod. 'Arawhani, awaay ko maan aca. Tanopapapapah saan. Nawhani caayho ko todong no kacihcian noya kilang itiya. 14Saka, pasayra sato ci Yis toya kilang a somowal, <<Mamana awaayto ko komaenay a tamdaw to hci iso to da'oc!>> han Ningra.

Matngil no nisawawaan konini a sowal.

O Pikorac ni Yis to Fangcalay Pita'ongan

(Matay 21.12-17; Luka 19.45-48; Yohani 2.13-22)

15Nanoya, tahira sato cangra i Yirusalim. Micomod ci Yis i Fangcalay Pita'ongan. Fahfahen Ningra a pasadak nai Fangcalay Pita'ongan ko malali'acaay a tamdamdaw. Warwaren Ningra ko cokoi no mafafalifalicay to payso a tamdaw ato 'anengang no pacakayay to topi. 16Caay pihayda Cingra to nipitatoy no nimanima to lalosidan a pakayra i laloma' no Fangcalay Pita'ongan a romakat. 17Pasifana' sato Cingra i finawlan a somowal, << <O pitolonan no kasafinawlan ko Fangcalay Pita'ongan Ako> wa han, saan ko sowal no Kawas a matilid i Fangcalay Cudad, 'Arawhani, kaladihif han namo konini a loma' a palapilimekan no mitakaway,>> han Ningra.

18Matngil no kakridan no citodongay to ta'ong ato pasifana'ay to Rikec konini a sowal i, maanen ko pipatay i ci Yisan saan cangra a miharateng. Nawhani matalaw cangra Cingraan tona fahka' a ma^min ko finawlan a mitngil to pipasifana' Ningra.

19Yo pisakalafianto i, masadak ca Yis a talapapotal no niyaro'.

O Sifana' to Tatodong no Sokon a Kilang

(Matay 21.20-22)

20Dafak sato maratar ca Yis a romakat i lalan i, ma'araw nangra ko nika tahalamit ko nika 'icang noya sokon a kilang. 21Saka, maharateng ni Pitiro ko ni sowalan ni Yis. Ta sowal sa i ci Yisan, <<Singsiaw, nengnengen! Ma'icangto kora ni'kakan Iso a sokon a kilang,>> han ningra.

22Paca'of sa ci Yis i cangraan, <<Ti'eren ko Kawas! 23So'linen Ako a somowal kamo, ano cima no namo ko somowalay tonini a lotok, <Kalomowad a malinah a tayra i riyar!> saan, ano caay ka cihinapec ko faloco' ato caay ka ^ca ka lahci ko nisowalan ako ano saan i, o mamalahci konini a dmak namo. 24Orasaka, sowalen Ako kamo, ano o maan ko nilongocan namo a mitolon i, o malayapayto ako han ko paso'lin namo to Kawas, ta caay ka ^ca o mamalayap namo. 25Ano tomireng kamo a mitolon, i 'ayawen ko pisolol to pararaway i tamowanan a tamdaw, ta mahpol no Wama namo i kakarayan ko raraw namo.>>#11.25 Ira ko katlangay a cudad matongal i 26 a tosir Ano caay pihpol kamo to raraw no tao i, caay ko mamihpol ko Wama namo i kakarayan to raraw namo (tiri'en i Matay 6.15).

O Pilicay to Pakayniay i Sakowan ni Yis

(Matay 21.23-27; Luka 20.1-8)

27Tayra haca cangra i Yirusalim. Yo romakat ci Yis i laloma' no Fangcalay Pita'ongan i, raoden no kakridan no citodongay to ta'ong ato pasifana'ay to Rikec ato kalas no niyaro' Cingra 28a somowal, <<O maan ko sakacitodong Iso a midmak tonini? O nano nima ko sakacitodong Iso a midmak tonini?>> han nangra.

29Saka, paca'of sa ci Yis, <<Li'ayawen Ako a milicay kamo to ccay. Ano paca'of kamo i Takowanan i, pasowalen Ako kamo to nika o maan ko sakacitodong Ako a midmak tonini. 30O pipaino' ni Yohani i, o nano nima ko sakacitodong ningra hakiya? O nano Kawas ano ^ca i, o nano tamdaw haw? Paca'ofen Kako,>> han Ningra.

31Satapang sato a malaliyaliyang cangra a somowal, <<Samaanen ita ko pipaca'of hakiya? <Ano nano Kawas,> ano han ita a pasowal i, <Ano hatira i, nawiro caay paso'lin kamo i ci Yohanian?> asa ci Yis i titaanan. 32Nikawrira, <Ano nano tamdaw,> ano han ita a pasowal i, nga'ay hakiya?>> saan cangra. Matalaw cangra to pico'ay no finawlan i cangraan, nawhani o so'linay a pali'ayaway to sowal no Kawas ci Yohani saan ko pipaso'lin nangra a ma^min. 33Orasaka, <<Hakeno,>> han nangra ci Yis a paca'of.

Ta pasowal sa ci Yis i cangraan, <<Ano hatira i, caay pasowal Kako i tamowanan to nika o maan ko sakacitodong Ako a midmak tonini,>> han Ningra.

Currently Selected:

Maroko 11: AMIS2019

Highlight

Copy