Mataio 14

10. PAKANA MA 4.

1U ra pupukai kuma Erod a titarak i walogoropa a wawapua un Iesu; 2Ma i piri ta diat a nuna wetula lena, Ioane a tenabapitaiso kumi, i a lalaun balet ko ra mat; ia kuma i pampai uni a kum dekdek na lig kumi. 3Kuma Erod i pam‐a‐kotopa Ioane, ma i do‐a‐kototai ma i warukta i u ra ruma na boboto, un Erodia, a tebuan a nun Filipo na tenalik. 4Kuma Ioane i piri tana, pa i takado ba un taula ma i. 5Ma ba i ligna umdoko i, i buruta diat a tara, kuma diat kanapi lena a parofita ia. 6Ba i wewaot a bug kuma di buta Erod uni, na tun Erodia, a tebuan, i lakara na liwan ta diat, ma i pet a kaia Erod: 7Ia kuma i welimăn uni, lena, in tari tana a lig rap ba in arigi kon i. 8Ma ba nana i werata i mun, i piri lena, Un tari ku tag u ra kupep a in a lorin Ioane a tenabapitaiso. 9Ma i tapunuk uni a bala ra tui; ma u ra nuna welimănku, ma u diat kai diat wagan ugai ma i, i nakokon uni lena din tari. 10Ma i wetula lena din burukutu a in kabaron Ioane u ra ruma na boboto. 11Ma diat kip in a lorina u ra kupep, ma diat tari ta ra taurara: ma i kipi korom nana. 12Ma ra nuna tara na wawera diat wan ma diat rakanpa a tumul, ma diat punăgi; ma diat wan korom Iesu ma diat wapua i uni.

13Ba Iesu i walogoropai, i ka u ra tampag, ma i wan igen taka iai u ra bil: ma ra tara na kaiya ba diat walogoroi, diat pa murumur i tak u ra kum taman. 14Ma i wan pat ma i bobo diat a tara‐na‐kaiya pi, ma i mari akit diat, ma i wakadelpa diat a tara diat malapag. 15Ba malurap, a nuna tara‐na‐wawera diat wan korom i, ma diat piri lena, A bil ku kumi, ma i aip a nilaina; un tulua diat a tara‐na‐kaiya, ba diat a wan u ra kum taman ma kul a diat utna. 16Iesu i piri ta diat, Pa i ka ba diat a wan, muat tabara diat un ta utna diat an ani. 17Diat piri tana, miat paki limadi ku a mandrai ma ru in a ien. 18I piri ta diat, muat a kip a rapi korom iau. 19Ma i piri ta diat a tara‐na‐kaiya lena, diat a ki tau u ra uali; ma i rakanpa a limadi a mandrai ma ra ru in a ien, ma i tatada u ra maua, ma ba i lotupa mun i bikweran‐apai, ma i tari a kum mandrai korom diat a tara na wawera, ma diat a tara na wawera diat palau diat uni a tara‐na‐kaiya. 20Ma diat wagan rap ma diat mauru: ma diat tom ugai a kum mutamuta na utna diat ankopotai, ma i teg mai a no ka ma ruadi: 21ma diat ba diat wagan a lima na nomara na muana diat, ma ra kum tebuan ma ra kum nat kai.

22Ma i wararak diat a tara na wawera lena diat a ka u ra tampag, ma diat a muka u ra papara, ma ia kai in tulua diat bulug a tara‐na‐kaiya. 23Ma ba i a tul a rapua diat a tara‐na‐kaiya, i wan toto u ra tagai ba in arig: ma ba malurap ma i ki kake ku iai. 24Ma ra tampag i ki u ra pugan na tai, ma i taptabeleke u ra kum top: kuma i dadaip taka na muka. 25Ma u ra wat na pakan a lauma u ra marum i wan korom diat u ra tai. 26Ma diat a kum disaipel ba diat bobo i ba i wan ku u ra tai, diat burut, ma diat lena, a kaia ku ia: ma diat kulkulai, kuma diat burut. 27Ma Iesu i pira kakai ma ut korom diat lena, Muat manatug, iau ku kumi; koniku muat burut. 28Ma Petero i piri tana, Tadaru, ba ui ku, un wata iau lena ag wan ku u ra tai korom ui. 29Ma i wata i lena, Un wan urin. Ma Petero i irok pari ko ra tampag, ma i wan ku na te u ra tai, lena in wan korom Iesu. 30Ma ba i bobo a dadaip i burutai, ma ba i murug kabin i watai lena, Tadaru un walaun iau. 31Ma Iesu i kado ma ut a limana, ma i pam i, ma i piri tana, A tenanuru kinalik ui, lelawai kuma pa u nurutau un iau? 32Ma ba diara ka u ra tampag, a dadaip i tamrit. 33Ma diat ba diat ki u ra tampag, diat tutudug korom i, ma diat piri lena, A ligtatuna, na Tun Nara ui.

34Ba diat karot, diat pukai u ra bual Kenessaret. 35Ma diat a tara taka iai ba diat nunura i mun, diat wetula taliut u ra kum bual, ma diat ben a rapa diat ba diat malapag korom i; 36ma diat arig i lena diat a tuktai ku a titi ra nuna in a malu: ma diat rap ba diat tuktai diat lalaun uni.

Currently Selected:

Mataio 14: RAI

Highlight

Copy