Mareko 11
11
11 A PAKANA.
1Ma ba diat wan matiti Ierusalema, u Betefake ma Betania, u ra tagai Olive, i tulua ta ruadi ko diat a nuna kum tara wawera, 2Ma i piri ta diara lenkumi, Muru wan u ra taman na muka ta muru: ma ba muru ruk marakam i ai, muru bobo a nat na asa di pitakototai, pate utbai ta muana i ā ka uni; muru palai, ma kipi urin. 3Ma ba te i tiri muru uni, Lelawai muru peti a lig kumi? Muru piri tana, A Tadaru i nemi; ma in tula a kakaua urin. 4Ma diara wan, ma diara boboi a nat na asa di pitakototai na ra bonanaka u ra akapi; ma diara pot na palai. 5Ma ta magan diat a tara diat turu kuma diat tiri ta diara, Awa kuma muru peti, ba muru palai a nat na asa? 6Ma diara piri ta diat, lenkuma Iesu i a tula diara uni: ma pa diat pira bat diara. 7Ma diara benpai a nat na asa korom Iesu, ma diat lagunta uni a nudiat malu; ma Iesu i ki tau uni. 8Ma magoro a tara diat lagunta a nudiat kum malu u ra akapi; ma ra magan diat buru‐kutuai a kum kakakana diwai, tak’u ra kum pinapam, ma diat laguni. 9Ma ra tara‐na‐kaia diat diat muka tana, ma diat kai diat murumuri, diat wewatai, Osana; I dan, ia kumi i wan u ra iana na Tadaru: 10Dat dan u ra Matanitu i wan pat, a Matanitu a nu ra Davida a tamadat: Osana u ra maua na te akit.
11Ma i wan u Ierusalem, ma i ruk u ra ruma na lotu; ma ba i bobo taliut u ra lig rap, i wan u Betania ma diat a Winunu‐ma‐ruadi, kuma i malurap ma.
12Ma u na buru, ba diat pari taka Betania, i molo. 13Ma ba i boboi taka na welwelik a diwai na fiki i burup kuog a dono, i wan karai koromi kuma i ligna nunurai ba ta uaina duk i tana uni: ma ba i wan tauni, pa ta lig i bobo uni, a kum dono ku; kuma pa i ua utbai a taun fiki. 14Ma i pirapiri lenkumi uni, Koniku ta tara i wagan a num ta uaina, tak’ ura bug kumi, ma pa in rap. Ma diat a nuna kum tara wawera diat walogoroi uni.
15Ma diat wan u Ierusalema: ma i ruk u ra ruma na lotu, ma lu‐kabin‐uai diat a kum tara diat wiura ma diat diat kul utna bala ra ruma na lotu, ma i buli kuopua a kum lu a nu ra kum tenawekiā mani, ma ra kum kinkini a nudiat diat wiura a kum tabun; 16Ma i pira‐bat diat koniku te in lotai a ka bala ra ruma na lotu. 17Ma i wawera diat, ma piri ta diat. Pa di timutai duk lenkumi, Din watugi a nug ruma a ruma na papet kup diat a kum tara tak’ u ra rakrakan bual rap? ma muat, muat pampai a babag a nu ra kum tena‐werara. 18Ma diat a kum tenapinapet gala ma ra kum tenatimtimu diat walogoropai, ma diat nunuk ba diat a um dokoi lelawai: ma diat burutai, kuma diat a kum tara‐na‐kaia diat kakaian u ra nuna wawera. 19Ma tiba na bug u ra malurap i wan pari tak’ u ra taman kuma.
20Ma u ra malana ba diat wan talili, diat boboi en a fiki i marag tuk u ra akarina. 21Ma Petero i kadopoi ma i piri tana, Wenam! Rabai, un bobo, en a fiki u piri na tulatula uni i marag rap. 22Ma Iesu i piri ta diat, lenkumi, Muat nurutau un Nara. 23A ligtatuna iau pira ta muat, Ba te i piri u ra tagai kumi, Din takat ui ma din og takum‐ua ui u na tai; ma pa i lăklăkon tau u ra balana; ma ba i nurutauni in pam waoatpai a lig i pirapiri uni; a lig kura din tari tana. 24Ia kuma iau pira ta muat, A kum lig rap muat arig kupi ba muat papet, muat nurutauni muat rakanpai, ma kura din tari ta muat. 25Ma ba muat turu ma papet, ba te i ā pet akakai korom muat, muat madekuai ku, koniku muat magi; 26Ma ra Tamamuat i tana u ra maua din unuai bulug a numuat pet akakai.
27Ma diat wan talili u Ierusalema; ma ba i wan wetulut u ra ruma na lotu, a kum tenapinapet gala, ma ra kum tenatimtimu, ma ra kum takana, diat wan korom i; 28Ma diat tiri tana, lenkumi, A nakakon a nun oi u petpet uni a kum lig kumi? O oi bulug i ā tari tam a nakakon un petpet uni a kum lig kumi? 29Ma Iesu i piri ta diat lenkumi, Iau kai ag tiri ta muat un ta lig, ma ba muat wapua iau uni, iau kai ag wapua muat u ra nakakon a nun oi iau pampai uni a kum lig kumi. 30A bapitaiso a nun Ioane takawai duk ia? Tak’ u ra maua duk, ba ko ra tara duk? pira tag. 31Ma diat pirapiri ugai, ma diat lena, Ba dat a piri, Tak’ u ra maua; ia kai in tiri dat balet, Lelawai bakai kuma pa muat nurutau uni? 32Ma ba dat piri lena, Ko diat a tara ku — diat buruta diat a tara‐na‐kaia: kuma diat rap diat kanapi, lena, A parofita Ioane. 33Ma diat piri balet tan Iesu, lenkumi, A lig bi pa miat nunurai. Ma Iesu i piri ta diat, Iau kai pa ag wapua muat u ra nakakon a nun oi iau pampai uni a kum lig kumi.
Currently Selected:
Mareko 11: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.
