Mareko 16
16
16 A PAKANA.
1Ma ba Bug Tabu i rap, ditul Maria a te Makatala, ma Maria a nan Iakobo, ma Salome, ditul kulpai a utna i agawian, kuma ditul ligna wan ma magigi a panina mai. 2Ma ba malana i tiri u ra mukana bug i ra wik, ditul wan u ra mata na minat ba make i takana irok pat. 3Ma ditul pirapiri ugai diat ut, lenkuma, O oi duk te in buli‐ruai kup datul a wat di bog bati a matara mata na minat uni? 4Ma ba ditul tatada ditul boboi a wat di buli‐araruai ko ra matara mata na minat: kuma i gala akit. 5Ma ba ditul ruk bala ra mata na minat, ditul boboi a baraman i kop ma ra malu kabagina ma i ki u ra woat na papara; ma ditul kakaian uni. 6Ma i piri ta ditul, Koniku mutul kakaian: mutul ruru kup Iesu, a te Nasareta, ia kuma di akwatai u ra kabai: i ā turu balet; pa i tana kumin: Mutul bobo, a paparina kumi diat a wainepta ia uni. 7Mutul wan, ma wapua diat a nuna kum tara wawera ma Petero kai, lena, I muka ta muat u Kalilaia: kura muat a webobo mai, lenkuma i a piratai ta muat. 8Ma ditul pari balet ma ditul kalā ko ra mata na minat: kuma ditul dedera ma kakaian gala akit: ma pa ditul wapua te uni; kuma ditul burut.
9Ma ba Iesu i turu balet u ra malana kabot u ra mukana bug i ra wik, i pua mun korom Maria a te Makatala, ia kuma i a lu‐ruai koni limadi ma ruadi a tebaran. 10Ma i wan ma i pirapuanai korom diat a tara diat weuru mai ba i lalaun kubai, ba diat tapunuk ma diat luan uni. 11Ma diat, ba diat walogoroi, lena, i lalaun balet, ma ra tebuan i bobotai, pa diat nurutauni.
12Ma na muru balet i puā ma ra ugana panina korom ruadi pa diat, ba diara wan u ra akapi u na bual. 13Ma diara wan ma wapuai korom diat a tara diat tana ut: ma diat kai pa diat nurutauni u ra nu diara pirapira.
14Ma na muru bulug i pua korom diat a Winunu ma ra ba diat ki na winagan; ma i wadu diat kuma pa diat nurutaun a wewapua ma i maliu a baladiat, kuma pa diat nurutau u diat diat a bobopa ia ba i turu balet ko ra mat. 15Ma i piri ta diat, lenkumi, Muat wan u ra rakrakan bual rap, ma wapua u diat a kum tara rap u ra wewapua auakak. 16Ia kuma i nurutauni ma di papitaisoi ia ba din walauni; ma ia kuma pa i nurutauni din balu i. 17Ma ra kum wakinilag kumi diat a patap un diat a tara diat a nurutauni: diat a lu‐ruai a kum tebaran u ra iag; diat a piri u ra pirapira matakina; 18Diat a rakani a kum ui, ma ba diat inim ta lig na minat, pa diat a wirua uni; diat a paki a limadiat u diat a tara malapag, ma diat a lalaun uni.
19Ma ba a Tadaru Iesu i pira raptai a pirapira kumi korom diat, di rakan a toto ia u ra maua, ma i ki kuma u ra woat na limana Nara. 20Ma diat wan lala, ma diat wawera u ra rakrakan bual rap, ma ra Tadaru i papam ugai ma diat, ma i pet a tatunai a wewapua ma ra kum wakinilag di patap uni. — AMEN.
Currently Selected:
Mareko 16: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.
