LUKASI 8
8
WaĘĽa mbeĘĽa anu mamporiokoi i Yesu
8:1-3
1BareĘĽe masae ungka njairia, malaimo i Yesu, maliliwungi waĘĽa ngkota pai waĘĽa lipu mampetumbu Nuntu ngKatuwu anu mantoĘĽo i Pue Ala montepuĘĽumo moparenta ewa sambaĘĽa Mokole; pelinja-A seĘĽe sangkani-ngkani pai anaguru-A anu sampuyu pai radua. 2#Mat. 27:55-56, Mrk. 15:40-41, Luk. 23:49 NjoĘĽu woĘĽu waĘĽa mbeĘĽa anu roomo ndapakaĘĽosa juĘĽanya, ewa i Maria anu ndatoĘĽo i Madalena, (anu roomo ndapapesuwu ungka ri siĘĽa i majaĘĽa papitu). 3I Yohana rongo i ngKusa pegawai i Herode, i Susana pai maria woĘĽu waĘĽa mbeĘĽa ntaninya. Napepali ntau seĘĽe ngkalionya anu da naporiokoka i Yesu pai anaguru-A.
Nuntu mporapa tau mancawu inii
8:4-8
(Mat. 13:1-9, Mrk. 4:1-9)
4Kakojela-jela tau sondo anu madadu i Yesu anu rata ungka ri kota-kota. Sindara setu sondomo tau anu tepasambaka. Ndapau i Yesu ri tau seʼe nuntu mporapa ewaseʼi, 5“Reʼe sambaʼa topojamaa mancawu inii. Ri poncawunya seʼe reʼe santila manawu ri wiwi njaya, painaka podo naija-ijaki ntau pai anu ntaninya natungkusi ntonci. 6Reʼe woʼu anu tudu ri tana kewatu. Ri pesuwu waʼa ntuwunya pinamuya setu malele muni maka tananya mangau-ngau. 7Reʼe anu tudu ri tana kerui. Inii setu tuwu sangkani-ngkani pai rui, napuju ndui painaka mate yau. 8Paikanya reʼe yau anu tudu ri tana maboko, painaka lese katuwunya pai powuanya, reʼe anu saatu ngkani kasondonya pai inii anu ndasawu.”
Roo ndapau nuntu mporapa seʼe ndatoʼo i Yesu, “Isema anu motalinga napedongeka!”
Wenu painaka i Yesu mompaguru ri nuntu mporapa
8:9-10
(Mat. 13:10-17, Mrk. 4:10-12)
9Napeoasi waʼa anaguru-A ri Sira, nunjaa posokinya nuntu mporapa setu. 10#Yes. 6:9-10 Mesono i Yesu, “Komi roomo ndawaika kaloʼe da maincani rahasia kono kaʼewambeʼinya poparenta i mPue Ala ewa Mokole. Paikanya ri waʼa ntau ntaninya ndapaguru ri nuntu mporapa da naka napedongeka paikanya bareʼe naincani nunjaa anu mewali, pai mau nadonge ntau seʼe bareʼe da narata ndaya.”
I Yesu mantotoraka nuntu mporapa tau mancawu inii
8:11-15
(Mat. 13:18-23, Mrk. 4:13-20)
11Nuntu mporapa seʼi ewaseʼi posokinya, “Inii anu ndasawu inceʼemo Nuntu i mPue Ala. 12Inii anu manawu ri wiwi njaya, inceʼemo ndapaporapaka tau anu madonge Nuntu setu. Paikanya maʼi i majaʼa nayali Nuntu setu ungka ri raya ntau da naka neʼe naaya pai da naka neʼe tesorepaka. 13Inii anu tudu ri tana kewatu inceʼemo tau anu madonge Nuntu, natarima ri kawongko ndayanya, bareʼe mokale mpodago peaya ndayanya, podo sarai, butu reʼe sakodi pompebutuka ganggara narengkasaka. 14Anu tudu ri tana kerui inceʼemo tau anu madonge Nuntu paikanya siʼa jatuwu ri kaʼipu-ipu ndaya, maka rayanya metaka ri kadarayanya koreʼe aga-aga lino seʼi painaka bereʼe powuanya peaya ndayanya. 15Inii anu tudu ri tana maboko inceʼemo tau anu madonge Nuntu, napari ndaya pai naaya kojo, nakekeni kojo Nuntu seʼe pai tongawa powuanya ri katuwunya pai todo ri peaya ndayanya.”
Silo anu ndasangoka gumba
8:16-18
(Mrk. 4:21-25)
16 #
Mat. 5:15, Luk. 11:33 BereĘĽe tau anu mantutuni silo nepa nasangoka gumba, bara nadika ri ara langka ngkayore. Silo setu sangaya-ngaya da nadika ri potunda ncilo, da naka nakita ntau anu mesua ri raya banua raranya. 17#Mat. 10:26, Luk. 12:2 BereĘĽe anu tesambuni anu bareĘĽe da tongawa, pai bereĘĽe rahasia anu bareĘĽe da ndapatongawa pai da ndaincani.
18 #
Mat. 25:29, Luk. 19:26 InceĘĽe puĘĽunya painaka ndiendo-endoka mpodago nunjaa anu roo ndidonge. Maka tau anu reĘĽemo anunya da ndarangani woĘĽu meruu kasondonya, pai tau anu bereĘĽe anunya, sako anu reĘĽe sakodi ri siĘĽa da ndatima woĘĽu.
Ine pai kasangkompo i Yesu
8:19-21
(Mat. 12:46-50, Mrk. 3:31-35)
19Jelamo ine pai kasangkompo i Yesu maʼi da momberata pai Sira, paikanya nakeni ngkasondo ntau bareʼe naleʼo ntau seʼe momberata pai Sira. 20Inceʼe painaka njoʼu tau sambaʼa mantoʼoka Sira, natoʼo, “Pue, ine pai waʼa ngkasangkompomi njau ri sambalikunya. Da raya ntau seʼe momberata pai Komi.”
21Paikanya ndatoʼo i Yesu ri tau setu, “Waʼa ntau anu mampedongeka Nuntu i mPue Ala pai nawianaka inceʼemo ine-Ku pai kasangkompo-Ku.”
I Yesu mampapeĘĽonto ngoyu marimbo
8:22-25
(Mat. 8:23-27, Mrk. 4:35-41)
22Mewali ri anu sandeme meʼulayamo i Yesu pai waʼa anaguru-A ri duanga, ndatoʼoka tau seʼe, “Kita da njoʼu ri sambote ndano.” Moduangamo kojo tau seʼe. 23Ntongo mposumomba tau seʼe i Yesu tekayore. Tingkarasaka mewuimo ngoyu marimbo ri wawo ndano setu. Mariamo ue mesua ri duanga rantani mampakarugi tau seʼe pura-pura. 24Njoʼu waʼa anagurua malike Sira natoʼo, “Guru, Guru kita da malatumo!”
Membangu i Yesu, ndaburangkasi ngoyu pai ropo, liu-liu meʼontomo ngoyu pai mandamo ropo, lotomo rano. 25Nepa mompau Sira ndatoʼoka waʼa anaguru-A, “Wenu painaka bareʼe ndiaya Yaku?” Jingki raya ntau seʼe pai maeka raya ntau seʼe. Napombetoʼoka ntau seʼe, “Ara isema kamonconya Sira seʼi sako ngoyu pai ropo medonge ri songka-A?”
I Yesu mampakaĘĽosa tau anu napesuaki inosa majaĘĽa
8:26-39
(Mat. 8:28-34, Mrk. 5:1-20)
26Mosumomba mpaliu i Yesu pai waʼa anaguru-A towote ri tana nto Gerasa ri sambote nDano Galilea. 27Kandeku-A ri lore, maʼimo sambaʼa tuama mampago Sira, tau setu napesuaki inosa majaʼa. Siʼa ungka ri kota. Masaemo bareʼe napokono morengko, sako kareʼenya banyamo ri banua paikanya maroo-roo ri kareʼe dayo ntau mate. 28Butu nakita i Yesu, mekiu siʼa nepa mombukotu manyomba ri Sira seʼi meboo-boo natoʼo, “Yesu Ana i mPue Ala sindate! Ara da nukuja yaku seʼi? Kuperapi neʼe nujeani yaku!” 29Mompau ewanceʼe tau setu maka roo ndapokau i Yesu i majaʼa setu da naka mesuwu ungka ri tau setu. Maria ngkanimo siʼa nakuasai i majaʼa, painaka mau ndapunguka rante pale pai witinya, pai ndajagai woʼu, paikanya pura narapasi rante pungunya, nepa napoyunu i majaʼa siʼa njoʼu ri pada bone.
30Meoasi i Yesu ri tau setu ndatoʼo, “Isema toʼomu?”
Mesono tau setu natoʼo, “I Legio!” maka maria kojo inosa majaʼa anu mesuamo ri siʼa. 31Merapimo waʼa inosa majaʼa setu ri Yesu, da naka neʼe ndairi tau seʼe njoʼu ri Ngoyo ngKapate.
32BareĘĽe lawa ungka njairia, njau mbawu sadompu bangke ntongo mampepali pangkoninya ri apa buyu. Merapi puru waĘĽa inosa majaĘĽa setu ri Yesu da naka ndapokau tau seĘĽe njoĘĽu mesua ri waĘĽa mbawu setu; ndaĘĽioka i Yesu perapinya. 33Mesuwumo waĘĽa inosa majaĘĽa setu ungka ri tau setu, nepa mesua ri waĘĽa mbawu sadompu setu. Molonco wawu setu pura-pura, mosompo ri yaa, tudu ri rano mate malodongi pura-pura.
34Mangkita pewalinya ewanceĘĽe, moloncomo waĘĽa nto pojaga mbawu, ndeku napobambarika ri kota pai ri lipu-lipu sampotenginya. 35Mesuwumo waĘĽa ntau da mampeole anu mewali setu. MaĘĽi tau seĘĽe madadu i Yesu, narata ntau seĘĽe tau anu napalaikamo inosa majaĘĽa setu njau motunda-tunda mosu ri powiti i Yesu, morengkomo pai mayoamo rayanya. Maekamo raya ntau setu. 36WaĘĽa ntau anu mangkita pewalinya seĘĽe, mampauka waĘĽa ntau setu ewambeĘĽi painaka osa tau wando setu. 37Merapimo waĘĽa nto Gerasa setu ri Yesu da naka ronga malai Sira ungka ri tana ntau seĘĽe maka maeka rayanya. Mewali meĘĽulaya muni i Yesu ri duanga malai ungka njairia. 38Tau anu roomo ndapapesuwu inosa majaĘĽa ungka ri rayanya, merapi ri Yesu da naka ndawai melulu.
Paikanya ndapokau i Yesu siʼa da naka malai, 39ndatoʼoka, “Pewalilimo, pobambarikamo nunjaa anu roo ndapowia i mPue Ala ri siko.”
Malaimo kojo tau setu napetumbumo ri mbeĘĽi-mbeĘĽi kanjoĘĽunya ri kota setu kono nunjaa anu ndapowia i Yesu ri siĘĽa.
Ana i Yairu – Weʼa anu maisu juba i Yesu
8:40-56
(Mat. 9:18-26, Mrk. 5:21-43)
40Pewalili i Yesu ungka ri sambote ndano, nasuncumo waĘĽa ntau sondo anu lawi mampopopeamo da kajela-A. 41MaĘĽimo sambaĘĽa tadulako ri banua mpekakai ri lipu setu, toĘĽonya i Yairu. Mombukotu siĘĽa ri suara i Yesu, merapi puru siĘĽa da naka njoĘĽu i Yesu ri banuanya. 42Maka njau ananya weĘĽa anu sambaĘĽa-mbaĘĽa, tinuwunya sampuyu pai radua ntaĘĽu, majuĘĽa maĘĽai da matemo.
Ri pelinja i Yesu da njoʼu ri banua i Yairu, nakeni ngkasondo ntau anu malulu Sira, painaka mombejujulimo ri pelinja ntau seʼe. 43Ri oyo ntau sondo setu lau weʼa sambaʼa anu sampuyu pai radua ntaʼumo kajuʼanya bareʼe oti-oti daa. Puramo aga-aganya napoʼongkoso mekipakuli ri sando, paikanya bereʼe anu mangkoto mampakuli naka osa. 44Natimosuki mbeʼa setu i Yesu ungka ri taliku-A, nepa najama joe juba i Yesu. Liu-liu teʼonto (oti) daa mbeʼa setu. 45Meoasi i Yesu ndatoʼo, “Isema anu maisu Yaku?”
Bereʼe tau anu mangaku; mompau i Peturu natoʼo, “Guru, maria tau anu mombejujuli ri sori-Mi; tau seʼe majuju-jujuli Komi!”
46Ndatoʼo i Yesu, “Paikanya reʼe tau anu maisu Yaku. Inceʼe Kuincani maka Kuepe reʼe kuasa anu mayali ungka ri Yaku.” 47Naepe ndaya mbeʼa setu powianya bareʼemo nakoto da mancambunika. Kandende-ndende koronya njoʼu siʼa mombukotu ri suara i Yesu. Napaumo ri suara ntau pura-pura nunjaa puʼunya painaka naisumo i Yesu, pai ri karoonya naisu liu-liu osamo siʼa. 48Ndatoʼo i Yesu ri siʼa, “Ana-Ku, ua peaya ndayamu ri Yaku, osamo siko. Pewalilimo ri karodo ndayamu!”
49Ntongo mompaupa i Yesu, jelamo sambaʼa tau anu ndapokau ungka ri banua i Yairu. Maʼi mantoʼoka i Yairu, “Anami anu weʼa setu matemo, neʼemo ndipakasusa woʼu i Guru.”
50Padonge i Yesu ewanceʼe, ndatoʼoka i Yairu, “Neʼe maeka rayamu anamu sangaya-ngaya daʼosa.”
51Kajela ntau seʼe ri banua i Yairu, bareʼe ndawai i Yesu waʼa ntau mesua, anu ndapoyunu podo i Peturu, i Yohane, i Yakobu sangkani ine pai papa ananggodi setu. 52Pura-pura tau motumangi mangkukuousi ananggodi setu. Paikanya mompau i Yesu ndatoʼo, “Neʼe motumangi, ananggodi seʼi bareʼe mate paikanya podo yore.”
53Napogeleka ntau seʼe i Yesu, maka manoto kojo napaincani ntau seʼe ananggodi setu matemo. 54Ndakekeni i Yesu pale ananggodi setu ndatoʼoka, “Pembangumo anaku!” 55Liu-liu moʼinosa muni ananggodi setu, membangu. Roo setu ndapokau ndapakoni ananggodi setu. 56Jingki raya ine pai papanya. Paikanya ndapetangani i Yesu, neʼe boi ndatoʼo-toʼoka tau anu mewali setu.
Currently Selected:
LUKASI 8: LAIPMF
Highlight
Share
Copy
Want to have your highlights saved across all your devices? Sign up or sign in
