Yôan 11
11
1Avegag’ôma n’ijogo, ini nyè ne Lazare, alwaṉagi gô Betani, nkala yi Marya na mwô’ngi yè ômwantô Marta. 2Yiṉo ne Marya mè y’azagyi Yesu yom̃a yi nkangô, aziz’intyôzô sè n’itwe sè, ayogiṉôgô mwô’ngi yè Lazare nkaṉi. 3Yeṉo yombi y’arôm̃i gô bulinye Yesu inè: Rera, vôna, ayè yi tondô wè e jogo. 4Gw’ayogyô Yesu agamba miṉo, awulyi nè: Nkaṉi yiṉo yi zele gô jôṉa; ndô yi re g’ômwanja w’ivenda ny’Anyambyè, inè, Ômwaṉa w’ôma e ga vendyô vo yô.
5Yesu arondagi Marta, na mwô’ngi yè ômwantô, ni Lazare. 6Gw’ayogyô yè inè, Lazare are n’ijogo, arô dwaṉi ntyugu mbaṉi gô mbôra y’avegôgô yè; 7avila vovo awulinyi yè iṉèngi yè inè: Azwè ga winyeṉi gô Yuda. 8Awulinyô yè n’iṉèngi yè inè: Ôṉènji, Iju w’awutagi gô pungo adô, gambèṉè ô tô fwinya gôgô! 9Awiṉizi Yesu inè: Ôm̃anda wi zele n’igôm̃i ny’agwèra n’agwèra mi nkola ambaṉi? Jog’ôma akangaṉ’ôm̃anda, avôm̃ô n’ibaku, konde e jeṉ’ôzange wi ntye; 10ndô j’ôma akangaṉ’ôgwèra, gambèṉè apôm̃ô n’ibaku, konde ôzange wi zele gôre yè. 11Ayè kamba p’agamba miṉo, awulinyi waô inè: Lazare, yi ndeg’wazô, adèwi antyôviṉô; ndô mi kènda gô jèm̃è avila gw’antyôviṉô mèmoṉo. 12Awulinyô yè n’iṉèngi yè inè: Rera, j’adèwi antyôviṉô, gambèṉè e be tôla. 13Yesu aliwô akambi g’ômwanja w’ijuwi sè, ndô w’avikilyi nè, agambi g’ômwanja w’idèwa s’antyôviṉô. 14Vovo Jesu awulinyi waô buku inè: Lazare ajuwi. 15Mi jeṉe mbya kè g’ômwanji waṉi nè, mi re pegege vovo, gô ntiṉa nè, aṉwè ga ṽekelye. Ndô azwè ga gèndeṉi gôre yè. 16Tôma, y’aweyôgô inè, Didime, awuliny’iṉèng’im̃ori inè: Azwè ga gèndeṉi kè, ko zwè juwa na yè.
17Gw’aṽyeṉi Yesu, aliṽinyi nè, ayè ga bèṉô g’ôrôngiṉô atweṉi ntyugu nay. 18Betani y’avegagi pyèrè ni Yerusalèm, pyèrè n’igôm̃i ny’inanda n’inand’ôtaṉè, 19n’awenge gôr’Iju w’aliwô byeṉi gôre Marta ni Marya, gô sindya waô g’ômwanja w’ijuwa sa mwô’ngi yaô.
20Gw’ayogyô Marta inè, Yesu e bya, agèndi gô dataṉa na yè, ndô Marya alwaṉi baru gô nagô. 21Awulinyi Marta Yesu inè: Rera, arwe nè w’aliwô vèṉo, gavoṉo mwô’ngi yam̃ e re tô juwe. 22Ndô, vangaṉe vèṉo, my’avôrô inè, ôsam̃u edu wi be bambyô wè gôr’Anyambyè, Anyambyè e be po wô. 23Awulinyô yè ne Yesu inè: Mwô’ngi yo e be tôngwa. 24Awiṉizyô yè ne Marta inè: My’avôrô inè, e be tôngwa gw’itôngunyô gô ntyugu yi num̃uṉa. 25Awulinyô yè ne Yesu inè: Myè n’itôngwa n’em̃èṉo. Ayè yi bekelya myè, vangaṉe ajuwa, e be tô dwaṉa bo; 26n’ôm’edu e dwaṉa bo, aṽekelya myè, ayuwe du. Ô bekelya yeṉo? 27Marta awulinyi yè inè: Èñ, Rera, mi bekelya nè, awè ne Krist, y’Ômwaṉa w’Anyambyè, yi bya gô ntye yiṉo.
28Ayè kamba pa yeṉo, agèndi yè. N’aweyi yè mwô’ngi yè Marya ntyorya, awulinyè inè: Rerè are vèṉo, e fweyo kè. 29Gw’ayogyô Marya yeṉo, agum̃aṉi pelè agènda gôre yè. 30Konde Yesu e pa diwô abyeṉi gô nkala, ndô avegagi gô mbôra y’alataṉi yè ni Marta. 31Gw’ayeṉ’Iju w’avegagi ni Marya gô nagô azindyègè, e sunge kum̃aṉa agogwa, w’azôngi yè, awulya inè, e kènda g’ôrôngiṉô gô deṉa gôgô.
32Gw’aṽyeṉi Marya gô mbôra y’avegagi Yesu, ayeṉè, avôswi gw’agôlô mè, awulinyè inè: Arwe nè w’aliwô vèṉo, gavoṉo mwô’ngi yam̃ e re tô juwe. 33Gw’ayenyô yè ne Yesu e deṉa n’Iju kè w’aṽyeṉi na yè ndeṉaga, azim̃iṉi gw’iṉiṉi nyè, ayeṉe njuke. 34N’awulyi yè inè: Aṉw’are dimbiṉè pa na gweṉi? Awiṉizi waô yè inè: Rera, yôgô ko jeṉa.
35Aleṉi Yesu.
36Yeṉo awuly’Iju inè: Vônaṉi nt’arondyè yè. 37Ndô awèwo gôre waô w’awulyi nè: Ôma wiṉo aṉunguṉ’antyo m’ipoku, ayolye pange kè inè, ôma wiṉo ayuwe?
38N’arô sim̃iṉi Yesu g’ôkuṽi wèmè, aṽya g’ôrôngiṉô. W’avegag’ômpulungu, n’idô ny’aralyô gô wô gô nunja wô. 39Awulyi Yesu inè: Rômbaṉ’idô. Marta y’ezombi z’ôma w’avegagi juwa pa, awulinyi yè inè: Rera, vèṉo atweṉi n’ômpuṉa, konde ayè ga juwe atweṉi ntyugu nay. 40Awulinyô yè ne Yesu inè: Mi pa bulinyo inè, j’aw’abekelya, gambèṉè ô be jeṉ’ivenda ny’Anyambyè? 41Yeṉo arômbi waô idô. N’arômbiṉi Yesu antyo gw’igôṉô, awulya inè: Rera, mi po akeṽa konde ô re pôganyô pa myè. 42My’avôrô inè, ô pôganyô myè egômbe zôdu; ndô mi kamba yeṉo g’ômwanja w’aṉaga wi re pingwavingwa pa myè vèṉo, ko waô bekelya inè, awè re tôm̃a pa myè. 43Ayè bulya pa yeṉo, arôngi n’inyôy ivôlô inè: Lazare, gogwa! 44N’ayè y’avegagi juwa pa agogwi, agôlô n’ago tagô pa n’iṉamba, n’ôzô wè kôrô pa n’evèlèsè. N’awulinyô waô ne Yesu inè: Vurunaṉi yè igôrô, ko tigaṉi yè dyè.
45Yeṉo awenge gôr’Iju w’avegagi bya pa gôre Marya, gw’ayeṉi waô nt’alendi Yesu, w’aṽekelyi yè. 46Ndô awèwo gôre waô w’agèndi gôr’ifarisi, awulinya waô isam̃u yi re Yesu denda pa.
47Yeṉo imiṉisè impôlô n’ifarisi w’alatizi ôvagô gô bônde môndo, awulyi waô inè: Azwè ga lende sèṉi? Konde ôma wiṉo e dende lemba yenge. 48J’azw’atigè gô dendaga yeṉo, gambèṉè aṉaga waôdu wi be bekelyè, ni mongi Rôma wi be bya gô jilize mbôri yazô n’iṉongo nyazô ta. 49Ndô ôm̃ori gôre waô, ini nyè ne Kayifa, avegagi miṉisè mpôlô ômpum̃a mèwoṉo, awulinyi waô inè: Aṉw’amy’ezom̃a; 50aṉwè pa pikilya nè, are kwèkwè gôre zwè inè, ôm’ôm̃ori e ga yuwe g’ômwanja w’aṉaga, ko iṉongo nyôdu ny’ayila. 51Ndô e pa bulya igamba nyiṉo ayèmè; ndô gô re nè, aveyagi miṉisè mpôlô ômpum̃a mèwoṉo, avogi yè inè, Yesu e be juwa g’ômwanja w’iṉongo. 52N’aranga gw’iṉongo mè dadyè; ndô inè, e ga latize gô mandô mori awaṉa w’Anyambyè wi re pazangaṉa pa.
53Yeṉo avila gô ntyugu mèyoṉo w’awôndi môndo nt’are waô ko jôṉè. 54Yeṉo Yesu e pa tô kangaṉa zange gôr’Iju; ndô alubwi avila vovo, agènda gô ntye yi re pyèrè n’itôve, gô nkala yi fweyô inè, Efrayim, n’alwaṉi yè vovo ayè n’iṉèngi yè.
55Paki y’Iju y’arweṉi pyèrè. N’avandi aṉag’awenge gô Yerusalèm avila gô ntye mè, Paki gekaga ro, gô jombuny’ikuṽi yaô. 56N’awutagi waô Yesu, awulyaṉaga, gw’avegagi waô kum̃aṉa pa gô nagô y’Anyambyè inè: Aṉwè pikilya sèṉi? E ze bye gô fèti? 57Ndô imiṉisè impôlô n’ifarisi w’aliwô sômbyi nè, j’ôm’edu amye mbôra yi re yè, gambèṉè e ga reve yô, ko waô kôtè.
Currently Selected:
Yôan 11: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Yôan 11
11
1Avegag’ôma n’ijogo, ini nyè ne Lazare, alwaṉagi gô Betani, nkala yi Marya na mwô’ngi yè ômwantô Marta. 2Yiṉo ne Marya mè y’azagyi Yesu yom̃a yi nkangô, aziz’intyôzô sè n’itwe sè, ayogiṉôgô mwô’ngi yè Lazare nkaṉi. 3Yeṉo yombi y’arôm̃i gô bulinye Yesu inè: Rera, vôna, ayè yi tondô wè e jogo. 4Gw’ayogyô Yesu agamba miṉo, awulyi nè: Nkaṉi yiṉo yi zele gô jôṉa; ndô yi re g’ômwanja w’ivenda ny’Anyambyè, inè, Ômwaṉa w’ôma e ga vendyô vo yô.
5Yesu arondagi Marta, na mwô’ngi yè ômwantô, ni Lazare. 6Gw’ayogyô yè inè, Lazare are n’ijogo, arô dwaṉi ntyugu mbaṉi gô mbôra y’avegôgô yè; 7avila vovo awulinyi yè iṉèngi yè inè: Azwè ga winyeṉi gô Yuda. 8Awulinyô yè n’iṉèngi yè inè: Ôṉènji, Iju w’awutagi gô pungo adô, gambèṉè ô tô fwinya gôgô! 9Awiṉizi Yesu inè: Ôm̃anda wi zele n’igôm̃i ny’agwèra n’agwèra mi nkola ambaṉi? Jog’ôma akangaṉ’ôm̃anda, avôm̃ô n’ibaku, konde e jeṉ’ôzange wi ntye; 10ndô j’ôma akangaṉ’ôgwèra, gambèṉè apôm̃ô n’ibaku, konde ôzange wi zele gôre yè. 11Ayè kamba p’agamba miṉo, awulinyi waô inè: Lazare, yi ndeg’wazô, adèwi antyôviṉô; ndô mi kènda gô jèm̃è avila gw’antyôviṉô mèmoṉo. 12Awulinyô yè n’iṉèngi yè inè: Rera, j’adèwi antyôviṉô, gambèṉè e be tôla. 13Yesu aliwô akambi g’ômwanja w’ijuwi sè, ndô w’avikilyi nè, agambi g’ômwanja w’idèwa s’antyôviṉô. 14Vovo Jesu awulinyi waô buku inè: Lazare ajuwi. 15Mi jeṉe mbya kè g’ômwanji waṉi nè, mi re pegege vovo, gô ntiṉa nè, aṉwè ga ṽekelye. Ndô azwè ga gèndeṉi gôre yè. 16Tôma, y’aweyôgô inè, Didime, awuliny’iṉèng’im̃ori inè: Azwè ga gèndeṉi kè, ko zwè juwa na yè.
17Gw’aṽyeṉi Yesu, aliṽinyi nè, ayè ga bèṉô g’ôrôngiṉô atweṉi ntyugu nay. 18Betani y’avegagi pyèrè ni Yerusalèm, pyèrè n’igôm̃i ny’inanda n’inand’ôtaṉè, 19n’awenge gôr’Iju w’aliwô byeṉi gôre Marta ni Marya, gô sindya waô g’ômwanja w’ijuwa sa mwô’ngi yaô.
20Gw’ayogyô Marta inè, Yesu e bya, agèndi gô dataṉa na yè, ndô Marya alwaṉi baru gô nagô. 21Awulinyi Marta Yesu inè: Rera, arwe nè w’aliwô vèṉo, gavoṉo mwô’ngi yam̃ e re tô juwe. 22Ndô, vangaṉe vèṉo, my’avôrô inè, ôsam̃u edu wi be bambyô wè gôr’Anyambyè, Anyambyè e be po wô. 23Awulinyô yè ne Yesu inè: Mwô’ngi yo e be tôngwa. 24Awiṉizyô yè ne Marta inè: My’avôrô inè, e be tôngwa gw’itôngunyô gô ntyugu yi num̃uṉa. 25Awulinyô yè ne Yesu inè: Myè n’itôngwa n’em̃èṉo. Ayè yi bekelya myè, vangaṉe ajuwa, e be tô dwaṉa bo; 26n’ôm’edu e dwaṉa bo, aṽekelya myè, ayuwe du. Ô bekelya yeṉo? 27Marta awulinyi yè inè: Èñ, Rera, mi bekelya nè, awè ne Krist, y’Ômwaṉa w’Anyambyè, yi bya gô ntye yiṉo.
28Ayè kamba pa yeṉo, agèndi yè. N’aweyi yè mwô’ngi yè Marya ntyorya, awulinyè inè: Rerè are vèṉo, e fweyo kè. 29Gw’ayogyô Marya yeṉo, agum̃aṉi pelè agènda gôre yè. 30Konde Yesu e pa diwô abyeṉi gô nkala, ndô avegagi gô mbôra y’alataṉi yè ni Marta. 31Gw’ayeṉ’Iju w’avegagi ni Marya gô nagô azindyègè, e sunge kum̃aṉa agogwa, w’azôngi yè, awulya inè, e kènda g’ôrôngiṉô gô deṉa gôgô.
32Gw’aṽyeṉi Marya gô mbôra y’avegagi Yesu, ayeṉè, avôswi gw’agôlô mè, awulinyè inè: Arwe nè w’aliwô vèṉo, gavoṉo mwô’ngi yam̃ e re tô juwe. 33Gw’ayenyô yè ne Yesu e deṉa n’Iju kè w’aṽyeṉi na yè ndeṉaga, azim̃iṉi gw’iṉiṉi nyè, ayeṉe njuke. 34N’awulyi yè inè: Aṉw’are dimbiṉè pa na gweṉi? Awiṉizi waô yè inè: Rera, yôgô ko jeṉa.
35Aleṉi Yesu.
36Yeṉo awuly’Iju inè: Vônaṉi nt’arondyè yè. 37Ndô awèwo gôre waô w’awulyi nè: Ôma wiṉo aṉunguṉ’antyo m’ipoku, ayolye pange kè inè, ôma wiṉo ayuwe?
38N’arô sim̃iṉi Yesu g’ôkuṽi wèmè, aṽya g’ôrôngiṉô. W’avegag’ômpulungu, n’idô ny’aralyô gô wô gô nunja wô. 39Awulyi Yesu inè: Rômbaṉ’idô. Marta y’ezombi z’ôma w’avegagi juwa pa, awulinyi yè inè: Rera, vèṉo atweṉi n’ômpuṉa, konde ayè ga juwe atweṉi ntyugu nay. 40Awulinyô yè ne Yesu inè: Mi pa bulinyo inè, j’aw’abekelya, gambèṉè ô be jeṉ’ivenda ny’Anyambyè? 41Yeṉo arômbi waô idô. N’arômbiṉi Yesu antyo gw’igôṉô, awulya inè: Rera, mi po akeṽa konde ô re pôganyô pa myè. 42My’avôrô inè, ô pôganyô myè egômbe zôdu; ndô mi kamba yeṉo g’ômwanja w’aṉaga wi re pingwavingwa pa myè vèṉo, ko waô bekelya inè, awè re tôm̃a pa myè. 43Ayè bulya pa yeṉo, arôngi n’inyôy ivôlô inè: Lazare, gogwa! 44N’ayè y’avegagi juwa pa agogwi, agôlô n’ago tagô pa n’iṉamba, n’ôzô wè kôrô pa n’evèlèsè. N’awulinyô waô ne Yesu inè: Vurunaṉi yè igôrô, ko tigaṉi yè dyè.
45Yeṉo awenge gôr’Iju w’avegagi bya pa gôre Marya, gw’ayeṉi waô nt’alendi Yesu, w’aṽekelyi yè. 46Ndô awèwo gôre waô w’agèndi gôr’ifarisi, awulinya waô isam̃u yi re Yesu denda pa.
47Yeṉo imiṉisè impôlô n’ifarisi w’alatizi ôvagô gô bônde môndo, awulyi waô inè: Azwè ga lende sèṉi? Konde ôma wiṉo e dende lemba yenge. 48J’azw’atigè gô dendaga yeṉo, gambèṉè aṉaga waôdu wi be bekelyè, ni mongi Rôma wi be bya gô jilize mbôri yazô n’iṉongo nyazô ta. 49Ndô ôm̃ori gôre waô, ini nyè ne Kayifa, avegagi miṉisè mpôlô ômpum̃a mèwoṉo, awulinyi waô inè: Aṉw’amy’ezom̃a; 50aṉwè pa pikilya nè, are kwèkwè gôre zwè inè, ôm’ôm̃ori e ga yuwe g’ômwanja w’aṉaga, ko iṉongo nyôdu ny’ayila. 51Ndô e pa bulya igamba nyiṉo ayèmè; ndô gô re nè, aveyagi miṉisè mpôlô ômpum̃a mèwoṉo, avogi yè inè, Yesu e be juwa g’ômwanja w’iṉongo. 52N’aranga gw’iṉongo mè dadyè; ndô inè, e ga latize gô mandô mori awaṉa w’Anyambyè wi re pazangaṉa pa.
53Yeṉo avila gô ntyugu mèyoṉo w’awôndi môndo nt’are waô ko jôṉè. 54Yeṉo Yesu e pa tô kangaṉa zange gôr’Iju; ndô alubwi avila vovo, agènda gô ntye yi re pyèrè n’itôve, gô nkala yi fweyô inè, Efrayim, n’alwaṉi yè vovo ayè n’iṉèngi yè.
55Paki y’Iju y’arweṉi pyèrè. N’avandi aṉag’awenge gô Yerusalèm avila gô ntye mè, Paki gekaga ro, gô jombuny’ikuṽi yaô. 56N’awutagi waô Yesu, awulyaṉaga, gw’avegagi waô kum̃aṉa pa gô nagô y’Anyambyè inè: Aṉwè pikilya sèṉi? E ze bye gô fèti? 57Ndô imiṉisè impôlô n’ifarisi w’aliwô sômbyi nè, j’ôm’edu amye mbôra yi re yè, gambèṉè e ga reve yô, ko waô kôtè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.