Yôan 12
12
1Ntyugu ôrôṽa Paki gekaga ro, Yesu aṽyeṉi gô Betani, gô mbôra y’avegagi Lazare, y’arôngunyô yè avila gw’ijuwa. 2N’avangiṉi waô yè inya si nkôlô vovo; Marta ayè avengiṉagi tavulu, ndô Lazare avegag’om̃ori gôre waô w’alwaṉi baru na yè gw’inya. 3N’awongi Marya igwèr’im̃ori ny’agali mi nkangô mi nardi mi njôni mpôlô, azagya mô gw’intyôzô si Yesu, aziza sô n’itwe sè, n’ayônyi nagô ni nkangô y’agali. 4Ôm̃ori w’iṉèngi yè, Yudas Iskaryot, y’ômwaṉa wi Simôn, avegagi kè gô kôtizè, awulyi nè: 5Ntiṉa nde yi r’agali miṉo mi nkangô mi re kôlô ni nkam̃a s’ifura ntyarô, ko sô pô gôr’ikuge? 6Awulyi yeṉo, aranga inè, avegagi n’ikuge isolo, ndô konde avegagi ôfwe, awongaga kè yom̃a y’awelôgô gô puka y’idolè, konde ayè arwaṉagi yô. 7Ndô Yesu awulyi nè: Rigaṉi yè dyè. Are penjavanja p’agali miṉo gô ntyugu y’ibèṉô sam̃. 8Ikuge yi re na ṉwè egômbe zôdu, ndô my’azele na ṉwè egômbe zôdu.
9Aṉag’awenge gôr’Iju w’amyeṉi nè, Yesu are gô Betani; aṽyeṉi waô gôgô, aranga g’ômwanji wè dadyè, ndô gô jeṉe Lazare kè, y’arôngunyô yè avila gw’ijuwa. 10Ndô imiṉisè impôlô s’awôndi môndo gô jôṉe Lazare kè, 11konde awenge gôr’Iju w’alubwi avila gôre waô g’ômwanja wi Yesu, aṽekelyè.
12Bunya, aṉag’awenge w’aṽyeṉi gô fèti, gw’ayogyô waô e bulyô inè, Yesu e bya gô Yerusalèm, 13w’awong’ikôgô y’ambila, agènda gô dataṉa na yè, mbôgiṉaga inè: Ôzana! Ôzaviṉô gôre yè yi bya gw’ina nya Rerè, ayè ôga w’Israèl! 14N’alèngi Yesu mwô’buru, avandi yè gô wô, alwaṉa baru gô wô, ga nt’are tèndô pa inè: 15Arya, awè ’mwamwantô wi Siyôn; vôna, ôgi wo e bya, dwaṉa pa baru g’ômwaṉa wi buru. 16Iṉèngi yè yi pa kôtiz’isam̃u yiṉo gw’alônga; ndô gw’avendizyô Yesu, vovo ayônginyi waô inè, isam̃u yiṉo y’arèndyô g’ômwanji wè, na inè, w’alendiṉi yè isam̃u yiṉo.
17N’aṉaga waôdu w’avegagi ni Yesu, gw’aweyi yè Lazare avila g’ôrôngiṉô arôngunyè avila gw’ijuwa, w’arakily’igamba g’ômwanji wè: 18gô ntiṉa yiṉo aṽyeṉ’aṉaga gô dataṉa na yè, konde w’ayogyô inè, aliwô adendi elemba ziṉo. 19Yeṉo awulyaṉ’ifarisi inè: Vônaṉi nt’are ṉwè, ṉwè pa dende mpongo; vônaṉi aṉaga waôdu w’asôngi yè.
20Avegagi Grèk sinyèwo, gôre mongi w’avandi gô saviṉa gw’egômbe zi fèti, 21aṽyeṉi waô gôre Filipi, y’avili gô Betsayda yi Galile, awulinyè inè: Rera, azwe bele jeṉe Yesu. 22Agèndi Filipi awuliny’Andru, n’aṽyeṉi Andru ni Filipi awulinye Yesu.
23Awiṉizyô waô ne Yesu inè: Igwèra ny’abyeṉi nyi re nè, Ômwaṉa w’ôma e ga vendizyô. 24Giligili mi bulinya ṉwè inè, intyo nyi bile nyi re pôswa pa gô ntye ja ny’ayuwa, gambèṉè nyi dwaṉa nyô dadyè; ndô ja ny’ajuwa, gambèṉè nyi jaṉ’antyo am̃enge. 25Ayè yi tond’em̃èṉo zè e be periza zô, n’ayè yi bik’em̃èṉo zè gô ntye yiṉo e be penjavenja zô kwanga gw’em̃èṉo za koṉako. 26Jog’ôm’edu ajanjiṉa myè, e ga zônge myè; ni mbôra yi re myè, gôgô be dwaṉa kè nyôngô yam̃. Jog’ôm’edu ajanjiṉa myè, e be dubô ne Reri yam̃. 27Ndô vèṉo iṉiṉi nyam̃ nyi jeṉe njuke. Na mi ga wulye sèṉi? ... Rera, zungiṉa myè avila gw’igwèra nyiṉo? ... Ndô gô ntiṉa yiṉo aṽyeṉi myè kwanga gw’igwèra nyiṉo. 28Rera, vendiz’ini nyo!
Vovo aṽyeṉ’inyôy avila g’ôrôṽa inè: My’are pendiza pa nyô, mi be tô pendiza nyô kè.
29Aṉaga w’avegagi vovo, ayogo nyô, w’awulyi nè, akambe njalitôṽa. Ndô am̃ori w’awulyi nè: Akambe yenjèl na yè.
30Yesu awulinyi waô inè: Inyôy nyiṉo nyi pa bya gô ntiṉi yam̃, ndô gô ntiṉi yaṉi. 31Vèṉo r’ijèkèlya si ntye yiṉo; vèṉo ôvangiṉi wi ntye yiṉo e be tômbô. 32Na myè, ja my’ atômbiṉô avila gô ntye, gambèṉè mi be dur’aṉaga waôdu gôre myè. 33Agambi yeṉo gô teve njuwiṉi yi be juwô yè. 34Awiṉizyô yè n’aṉaga inè: Azw’are jogo pa gw’ivanga inè, Krist e dwaṉa gô koṉako; ndô ô bulya inè: Ômwaṉa w’ôma e ga ṽanyô sèṉi? Ômwaṉa w’ôma wiṉo mande? 35Awulinyô waô ne Yesu inè: Ôzange wi p’are gôre ṉwè vo mw’ôlingô. Gangaṉaṉi, gô p’are ṉwè n’ôzange, ko mpiri y’agôta ṉwè: ayè yi kangaṉa gô mpiri e pa mye nkôṽa yi kèndô yè. 36Ôlingô wi p’are ṉwè n’ôzange, ṽekelyaṉi ôzange, ko ṉwè dwaṉ’awaṉa w’ôzange.
Yesu bulya p’agamba miṉo, agèndi yè, azombuṉa waô.
37Vangaṉe aliwô adendi lemba yenge yeṉo gw’azô maô, wi pa bekelye yè, 38ko igamba ny’agambyô ne Yezaya y’ôvogisi twa rèti inè: Rera, mande are bekelya p’ikambiṉi sazô? N’ôgo wa Rerè wi re tum̃inyô pa gôre mande? 39Gô ntiṉa yiṉo kè wi pa jolye bekelya, konde Yezaya arô bulyi nè: 40Are nunja p’antyo maô, are joliza p’irèm̃i yaô, waô vende jeṉa n’antyo maô, agôtiza n’irèm̃i yaô, agalwa, ko mi jinga waô. 41Yezaya awulyi agamba miṉo, konde ayeṉ’ivendi nyè, n’agambi yè g’ômwanji wè.
42Ndô vangaṉe yeṉo, awenge gôr’ivangiṉi w’aṽekelyi yè; ndô g’ômwanja w’ifarisi wi pa mème yè, waô vende tômbô avila gô nagô yi soṉo. 43Konde w’arond’isum̃inya s’aṉaga vyagaṉô n’isum̃inya s’Anyambyè.
44Arôngi Yesu inè: Ayè yi bekelya myè, e pa bekelya myè, ndô gôre yè y’arôm̃i myè; 45n’ayè yi jeṉa myè, e jeṉ’ayè y’arôm̃i myè. 46My’are bya p’ôzange gô ntye, inè, ôm’edu e bekelya myè alwaṉe gô mpiri. 47Jog’ôma ajogw’agambi mam̃, ko avenjavenja mô, my’ayèkèlye yè, konde mi pa bya gô jèkèlye ntye yiṉo, ndô gô sungiṉe ntye. 48Ayè yi bika myè ko awong’agambi mam̃ are n’ôma wi jèkèlyè; igamba nyi re myè kamba pa, nyômè nyi be jèkèlyè gô ntyugu yi num̃uṉa. 49Konde mi pa kamba myèmè; ndô Rerè y’arôm̃i myè, ayèmè are pa pa myè ôzômbyô nt’are myè gô bulya, ni nt’are myè gô kamba. 50My’avôrô kè inè, ôzômbyô mè n’em̃èṉo za koṉako. Yeṉo isam̃u yi bulyô myè, mi bulya yô ga nt’are Rerè bulinya pa myè.
Currently Selected:
Yôan 12: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Yôan 12
12
1Ntyugu ôrôṽa Paki gekaga ro, Yesu aṽyeṉi gô Betani, gô mbôra y’avegagi Lazare, y’arôngunyô yè avila gw’ijuwa. 2N’avangiṉi waô yè inya si nkôlô vovo; Marta ayè avengiṉagi tavulu, ndô Lazare avegag’om̃ori gôre waô w’alwaṉi baru na yè gw’inya. 3N’awongi Marya igwèr’im̃ori ny’agali mi nkangô mi nardi mi njôni mpôlô, azagya mô gw’intyôzô si Yesu, aziza sô n’itwe sè, n’ayônyi nagô ni nkangô y’agali. 4Ôm̃ori w’iṉèngi yè, Yudas Iskaryot, y’ômwaṉa wi Simôn, avegagi kè gô kôtizè, awulyi nè: 5Ntiṉa nde yi r’agali miṉo mi nkangô mi re kôlô ni nkam̃a s’ifura ntyarô, ko sô pô gôr’ikuge? 6Awulyi yeṉo, aranga inè, avegagi n’ikuge isolo, ndô konde avegagi ôfwe, awongaga kè yom̃a y’awelôgô gô puka y’idolè, konde ayè arwaṉagi yô. 7Ndô Yesu awulyi nè: Rigaṉi yè dyè. Are penjavanja p’agali miṉo gô ntyugu y’ibèṉô sam̃. 8Ikuge yi re na ṉwè egômbe zôdu, ndô my’azele na ṉwè egômbe zôdu.
9Aṉag’awenge gôr’Iju w’amyeṉi nè, Yesu are gô Betani; aṽyeṉi waô gôgô, aranga g’ômwanji wè dadyè, ndô gô jeṉe Lazare kè, y’arôngunyô yè avila gw’ijuwa. 10Ndô imiṉisè impôlô s’awôndi môndo gô jôṉe Lazare kè, 11konde awenge gôr’Iju w’alubwi avila gôre waô g’ômwanja wi Yesu, aṽekelyè.
12Bunya, aṉag’awenge w’aṽyeṉi gô fèti, gw’ayogyô waô e bulyô inè, Yesu e bya gô Yerusalèm, 13w’awong’ikôgô y’ambila, agènda gô dataṉa na yè, mbôgiṉaga inè: Ôzana! Ôzaviṉô gôre yè yi bya gw’ina nya Rerè, ayè ôga w’Israèl! 14N’alèngi Yesu mwô’buru, avandi yè gô wô, alwaṉa baru gô wô, ga nt’are tèndô pa inè: 15Arya, awè ’mwamwantô wi Siyôn; vôna, ôgi wo e bya, dwaṉa pa baru g’ômwaṉa wi buru. 16Iṉèngi yè yi pa kôtiz’isam̃u yiṉo gw’alônga; ndô gw’avendizyô Yesu, vovo ayônginyi waô inè, isam̃u yiṉo y’arèndyô g’ômwanji wè, na inè, w’alendiṉi yè isam̃u yiṉo.
17N’aṉaga waôdu w’avegagi ni Yesu, gw’aweyi yè Lazare avila g’ôrôngiṉô arôngunyè avila gw’ijuwa, w’arakily’igamba g’ômwanji wè: 18gô ntiṉa yiṉo aṽyeṉ’aṉaga gô dataṉa na yè, konde w’ayogyô inè, aliwô adendi elemba ziṉo. 19Yeṉo awulyaṉ’ifarisi inè: Vônaṉi nt’are ṉwè, ṉwè pa dende mpongo; vônaṉi aṉaga waôdu w’asôngi yè.
20Avegagi Grèk sinyèwo, gôre mongi w’avandi gô saviṉa gw’egômbe zi fèti, 21aṽyeṉi waô gôre Filipi, y’avili gô Betsayda yi Galile, awulinyè inè: Rera, azwe bele jeṉe Yesu. 22Agèndi Filipi awuliny’Andru, n’aṽyeṉi Andru ni Filipi awulinye Yesu.
23Awiṉizyô waô ne Yesu inè: Igwèra ny’abyeṉi nyi re nè, Ômwaṉa w’ôma e ga vendizyô. 24Giligili mi bulinya ṉwè inè, intyo nyi bile nyi re pôswa pa gô ntye ja ny’ayuwa, gambèṉè nyi dwaṉa nyô dadyè; ndô ja ny’ajuwa, gambèṉè nyi jaṉ’antyo am̃enge. 25Ayè yi tond’em̃èṉo zè e be periza zô, n’ayè yi bik’em̃èṉo zè gô ntye yiṉo e be penjavenja zô kwanga gw’em̃èṉo za koṉako. 26Jog’ôm’edu ajanjiṉa myè, e ga zônge myè; ni mbôra yi re myè, gôgô be dwaṉa kè nyôngô yam̃. Jog’ôm’edu ajanjiṉa myè, e be dubô ne Reri yam̃. 27Ndô vèṉo iṉiṉi nyam̃ nyi jeṉe njuke. Na mi ga wulye sèṉi? ... Rera, zungiṉa myè avila gw’igwèra nyiṉo? ... Ndô gô ntiṉa yiṉo aṽyeṉi myè kwanga gw’igwèra nyiṉo. 28Rera, vendiz’ini nyo!
Vovo aṽyeṉ’inyôy avila g’ôrôṽa inè: My’are pendiza pa nyô, mi be tô pendiza nyô kè.
29Aṉaga w’avegagi vovo, ayogo nyô, w’awulyi nè, akambe njalitôṽa. Ndô am̃ori w’awulyi nè: Akambe yenjèl na yè.
30Yesu awulinyi waô inè: Inyôy nyiṉo nyi pa bya gô ntiṉi yam̃, ndô gô ntiṉi yaṉi. 31Vèṉo r’ijèkèlya si ntye yiṉo; vèṉo ôvangiṉi wi ntye yiṉo e be tômbô. 32Na myè, ja my’ atômbiṉô avila gô ntye, gambèṉè mi be dur’aṉaga waôdu gôre myè. 33Agambi yeṉo gô teve njuwiṉi yi be juwô yè. 34Awiṉizyô yè n’aṉaga inè: Azw’are jogo pa gw’ivanga inè, Krist e dwaṉa gô koṉako; ndô ô bulya inè: Ômwaṉa w’ôma e ga ṽanyô sèṉi? Ômwaṉa w’ôma wiṉo mande? 35Awulinyô waô ne Yesu inè: Ôzange wi p’are gôre ṉwè vo mw’ôlingô. Gangaṉaṉi, gô p’are ṉwè n’ôzange, ko mpiri y’agôta ṉwè: ayè yi kangaṉa gô mpiri e pa mye nkôṽa yi kèndô yè. 36Ôlingô wi p’are ṉwè n’ôzange, ṽekelyaṉi ôzange, ko ṉwè dwaṉ’awaṉa w’ôzange.
Yesu bulya p’agamba miṉo, agèndi yè, azombuṉa waô.
37Vangaṉe aliwô adendi lemba yenge yeṉo gw’azô maô, wi pa bekelye yè, 38ko igamba ny’agambyô ne Yezaya y’ôvogisi twa rèti inè: Rera, mande are bekelya p’ikambiṉi sazô? N’ôgo wa Rerè wi re tum̃inyô pa gôre mande? 39Gô ntiṉa yiṉo kè wi pa jolye bekelya, konde Yezaya arô bulyi nè: 40Are nunja p’antyo maô, are joliza p’irèm̃i yaô, waô vende jeṉa n’antyo maô, agôtiza n’irèm̃i yaô, agalwa, ko mi jinga waô. 41Yezaya awulyi agamba miṉo, konde ayeṉ’ivendi nyè, n’agambi yè g’ômwanji wè.
42Ndô vangaṉe yeṉo, awenge gôr’ivangiṉi w’aṽekelyi yè; ndô g’ômwanja w’ifarisi wi pa mème yè, waô vende tômbô avila gô nagô yi soṉo. 43Konde w’arond’isum̃inya s’aṉaga vyagaṉô n’isum̃inya s’Anyambyè.
44Arôngi Yesu inè: Ayè yi bekelya myè, e pa bekelya myè, ndô gôre yè y’arôm̃i myè; 45n’ayè yi jeṉa myè, e jeṉ’ayè y’arôm̃i myè. 46My’are bya p’ôzange gô ntye, inè, ôm’edu e bekelya myè alwaṉe gô mpiri. 47Jog’ôma ajogw’agambi mam̃, ko avenjavenja mô, my’ayèkèlye yè, konde mi pa bya gô jèkèlye ntye yiṉo, ndô gô sungiṉe ntye. 48Ayè yi bika myè ko awong’agambi mam̃ are n’ôma wi jèkèlyè; igamba nyi re myè kamba pa, nyômè nyi be jèkèlyè gô ntyugu yi num̃uṉa. 49Konde mi pa kamba myèmè; ndô Rerè y’arôm̃i myè, ayèmè are pa pa myè ôzômbyô nt’are myè gô bulya, ni nt’are myè gô kamba. 50My’avôrô kè inè, ôzômbyô mè n’em̃èṉo za koṉako. Yeṉo isam̃u yi bulyô myè, mi bulya yô ga nt’are Rerè bulinya pa myè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.