LUK 3

Johon Baptist po Arnam Alam Kithan

(Mot. 3:1-12; Mrk. 1:1-8; Jhn. 1:19-28)

1Tiberiyas Koisor recho kachiplang nengkan kere-phongo amun, Pontiyas Pilat po Judiya along gobornor kido, aro Herod po, Galili alongri arecho kido; aro amuso Philip po, Ituria aro Trakhonitis arecho kido aro Lisaniyas poke Abileni alongri arecho kido amun, 2Anas po aro Kaiphas po bor-bangthe kido amun, ingnam along Jakhariya po aso Johon po yok Arnam lamthe chiklango. 3Anang Jordan adung angbongyok damo, pap kachikol aphan neng chipharlepsi baptist kachiplang alam paharo, 4labang alam Jisoya turki po kiwi ateng “Inghone bak ingnam ajiu kihang kataram asi ke ladi: Hemphu aduwar chihonjok, anang duwarne pakengot. 5Thol ahlam ten teldetne, inglong aro inglong kartul ten pardel detne, kikek aduwar pakenge, aro khukhrak-mukhrak aduwar hel panele; 6aro ahuwit munusi Arnam kapajok thek hlonge.” 7Johon po adung baptist kachiplang ayok kiwang arat yok anang pulo, “Ei phurul badi angho abi kido abang! Arnam akang para jok une pusi ingho nali paphere lo? 8Neng kachipharlep kamichang athe pawangot. Nali bithangyok Abraham po hali sar-lar, puke chithan wor-rek; piyok pu tene ne naliyok thando, Arnam labang arlong pomar parasi Abraham po asomar paplang un. 9Minon manta thengpe akangri kuthar biwen do, la-apot jibak arong akime athe wangwe, labang yok ke thu-detsi melong thek detman.” 10Aro rat hel anangyok arjulo, “Tene halike pot tiki nange?” 11Aro Johon po anali yok pu phakngo, “Inghosi pak-ni chol doma, anang chol kangwe arlengpo pen chithakngot; aro inghosi kicho kijun doma, anang ta labadi pachithak nang.” 12Kalukdar hel yongta baptist kachiplang ayok wangsi anangyok arjulo, “Paklang po halike pot te tiki nange?” 13Anang analiyok pulo, “Nali kapachak yok ongchot ke rungek.” 14Sonturi hel ta anangyok arjulo, “Hali ta pot te tikinange?” La-amun anang analiyok pulo, “Kaiyok ta apharan pen, lale asisik ado piyek; aro nali adatso atengne aneng nengsam donot.” 15Arleng hel kachiha ding, labang Johon po si Khristo lalo ma kalek pusi anali angthin arlo chironsi kido amunsi, 16Johon po anali ahuwit yokta puphak ngo, “Ne ke naliyok lang pensi baptist otedo, manta neyok ke apharan kidochot wangsi do; ne anang keng-op arikso ta kiphlok yok ne michangche. Anangsi naliyok Jiuli-Kangthir ame pensi baptist ote ye. 17Anang sok anang rak along pangrum yok, anang baleng anang ridengsi do, aro aphe-eh hel ke anang or-eh len me-aten long pasek detne.” 18Lasi, anang prek-prek lamthe pen paklangsi, arleng hel angot kime-alamthe paharo. 19Manta Herod recho po, anang amuso apiso Herodiyas pe yok kachi-en alam aro kamprek akangho asal katiki alam ta, Johon po parasi kangje apot, 20Herod recho po Johon po yok akrol along thalsi, pap katiki aphuthak pap tikilo.

Jisu Baptist Ki-en Alam

(Mot. 3:13-17; Mrk. 1:9-11; Jhn. 1:29-34)

21Minonke ahuwit arleng baptist ka-ote amunsi, Jisu yok ta baptist otelo, anang kapingkit apor, ethakpe aduwar chingpulo, 22Aro Jiuli-Kangthir athok agor chikarlusi, wothum badi chiplang si, anang aphuthak wang suno. Aro ethakpe para lamthe isi asi wango, “Nang ne nengdok Aso, nangyok ne neng ingsamdo.”

Jisu Sar-lar Alam

(Mot. 1:2-16)

23Jisu Arnam asal katiki amun, anang abo ke thom-kep bak anengkan kichok; (banghel abhu kihlong ateng ke) Anang Josep po aso aro Josep po ke Heli po aso, 24Heli po ke Manot po aso, Manot po ke Lebi po aso, Lebi po ke Melkhi po aso, Melkhi po ke Janai po aso, Janai po ke Josep po aso, 25Josep po ke Matathiyas po aso, Matathiyas po ke Amos po aso, Amos po ke Nahum po aso, Nahum po ke Esli po aso, Esli po ke Nagai po aso, 26Nagai po ke Maath po aso, Maath po ke Matathiyas po aso, Matathiyas po ke Semeyin po aso, Semeyin po ke Joses po aso, Joses po ke Joda po aso, 27Jado po ke Joanan po aso, Joanan po ke Rihsa aso, Rihsa ke Jerubabel po aso, Jerubabel po ke Seyeltiyel po aso, Seyeltiyel po ke Neri po aso, 28Neri po ke Melkhi po aso, Melkhi po ke Adi po aso, Adi po ke Kosam po aso, Kosam po ke Elmadam po aso, Elmadam po ke Er po aso, 29Er po ke Josuwa po aso, Josuwa po ke Eliyajar po aso, Eliyajar po ke Jorim po aso, Jorim po ke Mathat po aso, Mathat po ke Lebi po aso, 30Lebi po ke Simiyon po aso, Simiyon po ke Juda po aso, Juda po ke Josep po aso, Josep po ke Jonam po aso, Jonam po ke Eliyakim po aso, 31Eliyakim po ke Meleya po aso, Meleya po ke Mena po aso, Mena po ke Metanot po aso, Metanot po ke Nathan po aso, Nathan po ke Dabhit po aso, 32Dabhit po ke Jesi po aso, Jesi po ke Obet po aso, Obet po ke Bowaj po aso, Bowaj po ke Sala po aso, Sala po ke Nason po aso, 33Nason po ke Aminadap po aso, Aminadap po ke Admin po aso, Admin po ke Arnip po aso, Arnip po ke Hejron po aso, Hejron po ke Perej po aso, Perej po ke Juda po aso, 34Juda po ke Jakup po aso, Jakup po ke Aijak po aso, Aijak po ke Abraham po aso, Abraham po ke Tera po aso, Tera po ke Nahur po aso, 35Nahur po ke Serugpo aso, Serug po ke Reu po aso, Reu po ke Peleg po aso, Peleg po ke Eber po aso, Eber po ke Sela po aso, 36Sela po ke Kainan po aso, Kainan po ke Arphasat po aso, Arphasat po ke Sem po aso, Sem po ke Nowa po aso, Nowa po ke Lamek po aso, 37Lamek po ke Methusela po aso, Methusela po ke Inuk po aso, Inuk po ke Jaret po aso, Jaret po ke Mahalil po aso, Mahalil po ke Kainan po aso, 38Kainan po ke Inus po aso, Inus po ke Seth po aso, Seth po ke Adam po aso, Adam po ke Arnam Aso.

Currently Selected:

LUK 3: AMRI-BSI

Highlight

Copy