Markub 9
9
1Tsîb ge Jesuba ǃaruǀî ge mî: “Amase ta ra mîba du, ǀnîn ân sadu din hîa nētsē nēpa mân ǁō tidesa, Elob Gaosiban ǀgaib ǀkhab ra hāse mû tama hâ hîa.”
Jesub di ǀkharaǀkharahes
(Mateub 17:1-13; Lukab 9:28-36)
2 #
2Pet. 1:17-18
Ob ge Jesuba ǃnani tsēdi khaoǃgâ Jakobub tsî Johaneb ǃgâgukha tsî Petrub tsîna ge ūsao. ǁÎgu ge ǀguri gu nî hâse ǃhommi ai ge ǃapa. ǁKhāǁkhāsabegu* di mûdi aiǃâb ge Jesub di ai-īsiba hoaragase ge ǀkhara. 3Tsî saran âb ge tātsēs tsînab ǃhūbaiba mā ǁoa ǃuri ǂkhaiba ge ūhâ i. 4ǁNā ǁaeb ǃnâ kha ge Eliab tsî Moseb tsîkha ǂhai tsî Jesub ǀkha gere ǃhoa.
5Ob ge Petruba Jesub ǃoa ge mî: “ǁKhāǁkhā-aotse, kaise i kom a ǃgâio, nēpa ge hâ ǃkhaisa! A ge ǃnona tentomrode kuru re, ǀguisa sats ǃaroma, ǀguisa Moseb ǃaroma tsî ǀguisa Eliab ǃaroma.” 6ǁÎb ge tare-eb ra mîsa ge ǀū i, hoagu ge kaise ǃao hâ i xui-ao.
7 #
Mat. 3:17; Mrk. 1:11; Luk. 3:22 Os ge ǃâusa ge somsomǂam gu. Tsî i ge dom-e ǁnāpa xu hā mî ra-e: “Nēb ge ti ǀnamǀnamsa ǀGôaba, ǁîba ǃgâ re!” 8Tsî gu ge ǁnātimîsi ǁkhāǁkhāsabega ge kōǂnami, xawe gu ge Jesub ǀguiba ge mû.
9ǃHomma xu gu ǁgôaxaǃgoaxa hîab ge Jesuba ǁîga ge mîmā: “Tā khoe-i xare-e sago go mûn xa mîba, Khoen Ôab ganupe ǁōba xu khâi tama hâ hîa.” 10Tsî ǁîgu ge Jesub di ǂgansa ǁnâuǀnam tsî ge ūbasen. Xawe gu ge ǁîǃnābe gere dîgu, tare-eb Jesuba “ǁōba xu khâis” ǀkha goro ǂâibasen ǃkhaisa.
11 #
Mal. 4:5; Mat. 11:14 O gu ge ǁkhāǁkhāsabega Jesuba ge dî: “Tare-i ǃaroma gu Moseb ǂhanub* di ǁkhāǁkhā-aoga Eliab nî Xristub* aiǃâ hā ti ra mî?”
12 #
Sir. 48:10
Ob ge Jesuba ge mî: “Amabes ǃnâb ge Eliaba ǂguro nî hā hoa xūnab hā nî ǂhomise. O xawe tare-i ǃaromas Xoasa ra mî ‘Khoen Ôab nî tsâ tsî ǂharahe’ ti? 13Amase ta ge ra mîba go ǀnaib ge Eliaba ǀkhī ǃkhaisa. Tsîn ge khoena ǁîba ǂgaon ra khami ge sîsenū, Xoas ge ǁîb xa kēbo khami.”
Jesub ge ǀaesen hâ axaba ra ǂuruǂuru
(Mateub 17:14-21; Lukab 9:37-43a)
14Tsî Jesub tsî ǁîba ge sao hâ i ǁkhāǁkhāsabegu tsîgu ge ǃhommi di ǂai-am ǁgôaxa, o gu ge kai ǂnubis di khoen hîa nau ǁkhāǁkhāsabega mâǂnami hâna ge mû, Moseb ǂhanub di ǁkhāǁkhā-aogu* ǀkha gu ra ǂnoagu hîa. 15On ge nē ǂnubis di khoena kaise ǁîban ge mûo ge burugâ tsîn ge ǁîban nî tawedese ge ǃkhoeǃoa bi. 16Ob ge Jesuba ǁkhāǁkhāsabega ge dî: “Tare-e go kha ra ǂnoagu?”
17O-i ge ao-e ǂnubis di ǁaeguba xu ǂgai tsî ge mî: “ǁKhāǁkhā-aotse, ti ôaba ta ge sats ǁga go ǀkhī-ū. ǁÎb ge ǃgome kai bi ra ǂkhaba gaga-i xa hâǃnâhe. 18Mâ ǃnās hîa i nē gaga-e ra ǁnāǂam bis hoasa i ge ǃhūb ai ra ǂnoaxū bi, ams âb ge ra goa tsîb ge tsûb xa ra ǁaninǁgû. ǁÎb ge ǁkhāti ra ǂkhabu. O ta ge sa ǁkhāǁkhāsabega goro ǂgan, î gu nē ǂkhaba gagaba ǃhaeǂui, xawe gu ge ǁnāsa dī ǁkhā tama go i.”
19Ob ge Jesuba ge mî: “Sa ǂgomoǃnâ tsî ǃnâudanaxa khoedo, mâǁaeb kōse ta kha sadu ǀkha nî hâ, ǂgom du nîse? Mâtikōse ta kha sado nî tani? Axaba ti tawa ǀkhī-ū re.”
20On ge axaba ge sī-ū tsî nē ǂkhaba gagab ge Jesuba mû, ob ge axab di hoaraga soros ǃnâ ge ǃhaebesen. ǁÎb ge ǃhūb ai ǁnāǁgoe tsî goa-am rase ǃhūb ǃnâ gere ǀgurisen. 21Ob ge Jesuba axab îba ge dî: “Mâtikō ǁaebab kha nē mâsiba ūhâ?”
Ob ge ǁgûba “Kaiseb ǂkhari ǀgôaro ǁaeba xu. 22Tsîb ge nē gagaba ǃnuriǃnāde ǁîba ǀaes, tamas ka io ǁgam-i ǃnâ ra ǁnā kai. Toxopa ǀkhomxa, î hui khom re, ǁkhāts kao!” ti ge ǃeream.
23Ob ge Jesuba nēti ge ǃeream: “Tare-i ǃaromats ‘ǁkhāts kao’ ti ra mî? Mâ xū-i hoa-i ge ǂgomsats ga ūhâo īǁkhā!”
24Ob ge axab di îba ǁnātimîsi ǂgaiǂui tsî ge mî: “Ū ta ge hâ ǂgomsa, xawe hui te re, î ta tā ǂgomoǃnâ.”
25Tsî kaise ǃhaeses ra nē ǂnubisa ǀhao ǃkhaisab ge mû, ob ge Jesuba nē ǃanuoǃnâ gagab hîa axaba gere ǃgome kaiba ge ǃgabe. ǁÎb ge “Mîmā tsi ta ra xuige nē axaba xu ǂoa, î tā ǁkhawas tsîna ǁîba ǂhani!” ti ge mî.
26Tsî i ge nē gaga-e ǃau tsî axaba hoaragase ǀgabi tsî ǁîba xu ge ǂoa. Axab ge gon tamase ge ǁgoe tsî ǁō hâ khami gere mûsen. Khoen ge hoaragase ǀgommaǂâi tsî axab go ǁō ti gere mî. 27Ob ge Jesuba ǃommi ai ǃkhō bi tsî ǂaira ǂama ge huikhâi bi tsîb ge ǂgōse ge mâ.
28Oms tawa gu ge ǁarusīs khaoǃgâ gu ge ǁkhāǁkhāsabega Jesuba ge dî: “Tare-i ǃaroma ge kha sige ǁnā ǂkhaba gagaba go ǃhaeǂui ǁoa i?”
29Ob ge Jesuba ge ǃeream gu: “ǀGores ǀguis#9:29 ǀNî xoaǁguigu ge tsî ǂûtama hâs ti ra ǀaro. ge ǁnā ǂkhaba gagaǃnôana ǃhaeǂui ǁkhā.”
Jesub ge ǁkhawa ǁîb ǁōb xa ra ǃhoa
(Mateub 17:22-23; Lukab 9:43b-45)
30O gu ge Jesub tsî ǁîb di ǁkhāǁkhāsabegu tsîga ǁnā ǀkhariba xu ǂoa tsî Galileab ǃnâ ge ǃgûǃkharu. Tsîb ge khoe-i xare-i ǁîb mâpa hâ ǃkhaisa nî ǂansa ge ǂgao tama hâ i. 31ǁÎb gere ǁkhāǁkhāsabega ǁkhāǁkhā xui-ao, Khoen Ôab nî ǃgamaon ǃomǁae māǁnâhe, xaweb nî ǃnonaǁî tsēs ai ǁōba xu ûib ǃoa khâi ǃkhaisa. 32O gu ge ǁkhāǁkhāsabega ǁnâuǃā tama ge hâ i tare-eb Jesuba gere ǂâibasen ǃkhaisa, xawe gu ge dîǃāsa gere sauaǃnâ.
Tari-e hoan xa a kai?
(Mateub 18:1-5; Lukab 9:46-48)
33O gu ge Jesub tsî ǁîb di ǁkhāǁkhāsabega ǁîb di oms Kapernaums ǃnâ mâs tawa ge sī. Tsî oms ǃnâ gu ge ǂgâs khaoǃgâb ge Jesuba ǁîga “Tare-e go kha daob ai ǃgoaxa goro ǂnoagu?” ti ge dî. 34#Luk. 22:24ǁÎgu xab tariba kai ǃkhaisa gu gere ǂnoagu xui-aob ge ǀguib tsîna ǃeream tama ge i.
35 #
Mat. 20:26-27; 23:11; Mrk. 10:43-44; Luk. 22:26 Ob ge Jesuba ǂnû tsî ǁkhāǁkhāsabega ǂgaiǀgū tsî ǁîga ge mîba: “ǃGôasibats ga ǂhâba, ots ge ǃgā kai tsî nau khoena nî ǃoaba.”
36Tsîb ge Jesuba ǀgūse ge mâ i ǀgôaro-e ǂgaiǀgū tsî ǁîgu ǁaegu mâi tsî ǁîro-e ǁnam tsî ge mî: 37#Mat. 10:40; Luk. 10:16; Jhn. 13:20“Nēti ī ǂkhari ǀgôaro-ets ga ti ǀons ǃnâ ǃkhōǃoa, ots ge tita ra ǃkhōǃoa. Tsî titats ga ǃkhōǃoa ots ge tita ǀguita tama i tsî ti Îb, ǁîb xa ta tita sîhe hâba ra ǃkhōǃoa.”
Sada ǃoagu hâ tama-i ge sada ǀkha hâ
(Lukab 9:49-50)
38Ob ge Johaneba ge mî: “ǁKhāǁkhā-aotse, sa ǀons ǃnâ goro ǁgâuaga* khoena xu ǃhaeǂui khoeba ge ge go mû. Xawe ge ge sige di saoǃgonao tamab hâ xui-ao ǁîba go ǃkhâi, îb tā ǁnās ǀkha ǃaruǀî aiǃgû.”
39Ob ge Jesuba ǁkhāǁkhāsabega ge mîba: “Tā ǁîba ǁkhae-am re! Khoe-i xare-i kom ti ǀons ǃnâ buruxa dīna dī tsî ǁnās khaoǃgâ tita xa ǂkhabase ǃhoa ǁoao. 40#Mat. 12:30; Luk. 11:23Sage ǃoagu hâ tama khoe-i hoa-i ge sage ǀkha hâ. 41#Mat. 10:42Tsî mâ-i hoa-i, satsa ga Xristub dits a ǃkhais ǃaroma ti ǀons ǃnâ ǁgam-e mā-i ge amase nî mādawa-amhe.
ǁOreb ǃoa hâ ǃâitsâgu
(Mateub 18:6-9; Lukab 17:1-2)
42“Xawe nē ǂkhariron hîa tita ǂgomǃgâ hân di ǀgui-e ga ǁoreb ǃnâ ǂgaeǂhapu-i, ge ǃgom ǁkhamiǀuisa ǁî-i di ǃaos ai ǃgaehe hâse ǃgamsib hurib dib ǃnâ aoǂgāhesa anu hâ. 43-44#Mat. 5:30Tsî sa ǃommi ga ǁoreb ǃoa ǂgaeǂhapu tsio ǁhāǁnâ bi! ǃGâi-i kom ao, ǀgui ǃommi ǀkha ûisa, ǀgam ǃomkha ūhâ tsîts nî ǀamoǀaeb, khauǀû tamab#9:43-44 Khauǀû tamab: ǀNî xoaǁguigu ge ǁnāpa hâ ǂunin ge tātse ǁō tama hâ tsî ǀaes ge tātse ǀari tama hâ ti ra ǀaro. ǃnâ aoǂgāhes xa. 45-46Tsî sa ǂais ga ǁoreb ǃoa ǂgaeǂhapu tsio, ǁhāǁnâ! ǃGâi-i kom ao ûib ǃnâ ǀgui ǂaisa ūhâsa, ǀgam ǂaira ūhâ tsîts ǀamoǀaeb ǃnâ nî aoǂgāhes xa. 47#Mat. 5:29Sa mûs ga satsa ǁoreb ǃoa ǂgaeǂhapuo, ǁhoroǂui î aoxū. Elob Gaosib ǃnâ ǀgui mûs ǀkha ǂgâs kom ǃgâio, ǀgam mûra ūhâ tsîts nî ǀamoǀaeb ǃnâ aoǂgāhes xa. 48#Jes. 66:24ǂUnigu hîa ǁnāpa hâgu ge tātse ǁō tama hâ tsî ǀaes ge tātse khauǀû tama hâ.
49“Mâ-i hoa-i ge ǀaes ǀkha nî ǃanuǃanuhe.#9:49 ǀAes ǀkha nî ǃanuǃanuhe: ǀNî xoaǁguigu ge tsî mâ ǁguibas hoas ge ǂō-i ǀkha nî ǁkhoaǁkhoahe ti ǀaro hâ. Nē ǁaraǃās ge Xristub di saoǃgonaon ǁîn di ǂgoms ǃaroma nî tsâ tis tsîna ǂâibasen ǁkhā. 50#Mat. 5:13; Luk. 14:34ǂŌ-i ge a ǃgâi. Xawe ǂō-i ga ǁkhoao, o tare xū-i ǀkha i kha ǁkhawa nî ǁkhoaǁkhoahe? ǁNā-amaga ǂō-e sadu ǃnâ ūhâ re, î ǁnās ǀkha ǂkhîb ǃnâ sa ǀgūkhoe-i ǀkha ûi re.”
Currently Selected:
Markub 9: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
