Jaratılıs 36
36
Esawdıń urpaqları
1Esawdıń, yaǵnıy Edomnıń shejiresi mınaday: 2Esaw mına qananlı qızlarǵa úylendi: birinshisi xet xalqınan bolǵan Elonnıń qızı Ada, ekinshisi xiw xalqınan bolǵan Sibonnıń aqlıǵı, Ananıń qızı Oholibama. 3Jáne de, ol Ismayıldıń qızı, Nebayottıń qarındası Basematqa da úylendi. 4Ada Esawǵa Elifazdı, Basemat Reueldi, 5Oholibama Eushtı, Yalamdı hám Qoraxtı tuwıp berdi. Bular – Esawdıń Qananda tuwılǵan ulları edi.
6Keyin Esaw hayalların, ulların, qızların, úyindegi barlıq adamların, hámme malların hám Qananda arttırǵan pútkil mal-múlkin alıp, inisi Yaqıptan bóleklendi de, basqa bir elge kóship ketti. 7Olardıń mal-múlki sonshelli kóp bolǵanlıqtan, olar endi birge jasay almadı. Ózleri jasaǵan bul jerler olardıń mallarına tarlıq etip qalǵan edi. 8Solay etip, Esaw, yaǵnıy Edom tawlı Seir jerine ornalastı.
9Tawlı Seir jerinde jasawshı edomlılardıń túp atası bolǵan Esawdıń shejiresi mınaday: 10Esawdıń ullarınıń atları: onıń hayalı Adadan Elifaz, al hayalı Basemattan Reuel tuwıldı.
11Elifazdıń ulları: Teman, Omar, Sefo, Gatam hám Kenaz. 12Esawdıń ulı Elifazdıń toqalı Timna kúyewine Amalekti tuwıp berdi. Bular – Esawdıń hayalı Adanıń aqlıqları.
13Reueldiń ulları: Naxat, Zerax, Shamma hám Mizza. Bular – Esawdıń hayalı Basemattıń aqlıqları.
14Sibonnıń aqlıǵı hám Ananıń qızı bolǵan Oholibamanıń kúyewi Esawǵa tuwıp bergen ulları: Eush, Yalam hám Qorax.
15Esawdıń urpaqlarınan kelip shıqqan urıw biyleri mınalar:
Esawdıń tuńǵıshı Elifazdıń ulları: Teman biy, Omar biy, Sefo biy, Kenaz biy, 16Qorax biy, Gatam biy hám Amalek biy. Bular Edom jerinde Elifazdıń urpaǵınan shıqqan biyler bolıp, Adanıń aqlıqları edi.
17Esawdıń ulı Reueldiń ulları: Naxat biy, Zerax biy, Shamma biy hám Mizza biy. Bular Edom jerinde Reueldiń urpaǵınan shıqqan biyler bolıp, Esawdıń hayalı Basemattıń aqlıqları edi.
18Esawdıń hayalı Oholibamanıń ulları: Eush biy, Yalam biy hám Qorax biy. Bular – Ananıń qızı, Esawdıń hayalı Oholibamadan taraǵan biyler edi. 19Bulardıń hámmesi Esawdıń, yaǵnıy Edomnıń ulları hám urıw biyleri.
Seirdiń urpaqları
20Edom jerinde jasaǵan xor xalqınan bolǵan Seirdiń ulları mınalar: Lotan, Shobal, Sibon, Ana, 21Dishon, Eser hám Dishan. Bular – Seirdiń ulları bolıp, Edom jerinde xor xalqınıń urıw biyleri edi.
22Lotannıń ulları: Xoriy hám Hemam. Timna Lotannıń qarındası edi.
23Shobaldıń ulları: Alwan, Manaxat, Ebal, Shefo hám Onam.
24Sibonnıń ulları: Ayya hám Ana. Ákesi Sibonnıń esheklerin baǵıp júrip, shólde ıssı bulaq tapqan usı Ana edi. 25Ananıń balaları: Dishon hám qızı Oholibama.
26Dishonnıń ulları: Xemdan, Eshban, Itran hám Keran.
27Eserdiń ulları: Bilhan, Zaawan hám Aqan.
28Dishannıń ulları: Us hám Aran.
29Xor xalqınıń urıw biyleri mınalar: Lotan biy, Shobal biy, Sibon biy, Ana biy, 30Dishon biy, Eser biy hám Dishan biy. Bular – Seir jerindegi xor xalqınıń urıw biyleri edi.
Edom patshaları
31Izrailda patsha bolmastan burın, Edom elinde tómendegi patshalar húkimdarlıq etti:
32Beor ulı Bela Edom patshası boldı. Onıń qalasınıń atı Dinhaba edi.
33Bela ólgennen keyin, onıń ornına Bosra qalasınan bolǵan Zerax ulı Iobab patsha boldı.
34Iobab ólgennen keyin, temanlılardıń jerinen kelgen Xusham patsha boldı.
35Xusham ólgennen keyin, Moab elinde midyanlılardı qıyratqan, Bedad ulı Hadad patsha boldı. Onıń qalasınıń atı Awit edi.
36Hadad ólgennen keyin, onıń ornına masreqalı Samla patsha boldı.
37Samla ólgennen soń, onıń ornına dárya boyındaǵı Rexobottan bolǵan Shaul patsha boldı.
38Shaul ólgennen soń, onıń ornına Axbor ulı Baal-Xanan patsha boldı.
39Axbor ulı Baal-Xanan ólgennen soń, onıń ornına Hadar patsha boldı. Onıń qalasınıń atı Pau edi. Hadardıń hayalı Mehetabel Mezahabtıń aqlıǵı Matredtiń qızı edi.
40Tiyrelerine hám jerlerine qaray Esawdıń urpaǵınan kelip shıqqan biylerdiń atları mınaday: Timna biy, Alwa biy, Etet biy, 41Oholibama biy, Ela biy, Pinon biy, 42Kenaz biy, Teman biy, Mibsar biy, 43Magdiel biy hám Iram biy. Bular – ózleri iyelik etken úlkede jasaǵan jerlerine ózleriniń atların bergen Edom biyleri edi. Edomlılardıń túp babası – Esaw edi.
Currently Selected:
Jaratılıs 36: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
