प्रेरीत पेज्याइ ङोःसी
पेज्याइ ङोःसी
दीखो पेज्या लुकाइ प्रुःक्योक इःङे। दीखो पेज्याला खुङगीइ राःङगीइ प्रुःक्योक याःबु लेःङ्गोला लगातार प्रुःदेरा काःल्दी एः। दीखो पेज्याइ लाःचे छोल्क्योक छ्योम्बो तामदी येशुइ तोःङगीइ योबाक्याइ काःन्डुले चाङ्मा लालाःम्ले अगुवाइ ज्योर्पा ओःले खुङक्याइ काःन्डुले यरुशलेमला, थाम्जेर यहुदीया रा सामारीया छेत्रक्याला ओःले जाम्बुलीङगीइ थाम्जेरछ्योले येशुइ बारेला याःबु लेःङ्गो फेल्बा लाःकेन ताम लाःती एः। दीखो पेज्याला ख्रीष्टीयानक्याइ सेमल्हुक लुगेन ताम यहुदीक्यालाःम्ले फेल्दी थाम्जेर जाम्बुलीङगीइ मीःक्याइ लागी सेमल्हुक लुगेन ताम काःल्क्योककीइ बारेला प्रुःदी एः।
प्रेरीतक्याइ लेःगा बो सुमला केःखुउए: (१) येशुला नाःम्खालीङला खेर्मीःजीक यरुशलेमला छुक्योक ख्रीष्टीयान हलचल; (२) इस्राएलगीइ राःङ्सा ठाउँक्याला लेःङ्गो फेल्क्योक; (३) भुमध्य चाङ्बुइ छुरफारगीइ देशक्याला ओःले रोमथुपरा लेःङ्गो फेल्देरा काःल्क्योक।
दीखो पेज्याइ छ्योम्बो तामदी चाङ्मा लाइ लेःगा इःङे, खुङ पेन्तीकोस मेःलीङगीइ ङीःमु यरुशलेमला प्रभुला सेमल्हुक लुगेनक्यासाःला ल्हेइ काःङ्दी ओःङ्सी ओःले कोःम्सा ओःले ओःलाइ तोःङ क्याःप्केन मीःक्याला दीखो पेज्याला एःक्योक घटनाक्याइ बारेला अगुवाइ पेःसी ओःले खुङक्याला सेमल्हुकला राःम्बु जोसी। तोःङ तोःङगीइ ख्रीष्टीयान लेःङ्गोक्यादी दीखो पेज्याइ माःङ्बुरा उपदेशक्याला तेर्ती एः। दीखो पेज्याला प्रुःक्योक घटनाक्याइ प्रभुला सेमल्हुक लुगेनक्याइ मीःलीला ओःले खुङक्याइ संगतीला ओः लेःङ्गोइ ल्हे काःन्डुबा एःके लाःती तेङ्दी एः।
थीमी सुची
पाङ्बुइ लागी तयारी १:१-२६
क) येशुइ अन्तीम आज्ञा ओःले ताःम्ज्या १:१-१४
ख) यहुदाइ साटोला दाम्क्योक मीः १:१५-२६
पाङ्बुक्या यरुशलेमला २:१–८:३
यहुदीया ओःले सामारीयाला पाङ्बु ८:४–१२:२५
पावलगीइ लेःङ्गो फेल्क्योक १३:१–२८:३१
क) तोःङ्गीइ खेपकीइ लेःङ्गो फेल्गेन यात्रा १३:१–१४:२८
ख) यरुशलेमला काःल्क्योक सम्मेलन १५:१-३५
ग) दोस्रो खेप लेःङ्गो फेल्गेन यात्रा १५:३६–१८:२२
घ) तेस्रो खेप लेःङ्गो फेल्गेन यात्रा १८:२३–२१:१६
ङ) यरुशलेम, कैसरीया ओःले रोमला पावल कैदी काःल्क्योक २१:१७–२८:३१
Currently Selected:
प्रेरीत पेज्याइ ङोःसी: SYW
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.