युहन्ना 15
15
तेःन्दामगीइ अङ्गुरकीइ पुःङ
1तेःन्दामगीइ अङ्गुरकीइ पुःङ ङाःरा इःङे ओःले ङाःइ आबा कीसान इःङे। 2ङाः ङीमु एःक्योक थाम्जेर याःल्गा काःखोइ ब्रुम्दो कोःङ्माच्युबा ओःखोला खुङगीइ तुप्कुए, ओःले ब्रुम्दो कोःङ्च्युगेन थाम्जेर याःल्गाला ताःरुङ माःङ्बु ब्रुम्दो कोःङ्ज्युक लाःती खुङगीइ छीमालतीउए। 3ङाःइ ख्याक्याला लाःक्योक तामगीइ ख्याक्या तोःङ्लारा छीमाल्तीक्योक तोःङ्बो च्योःङ्रा चाङ्मा काःल्सीःङ्दी एः। 4ख्याक्या ङाः ङीमु तेः ओःले ङाः ख्याक्या ङीमु तेःके। काःखोङ याःल्गा पुःङला ज्यार्ती माःते लाःना ओःखोइ ब्रुम्दो कोःङ्च्युजे मीःखुए, ओःन्डुलेरा ख्याक्याङ ङाः ङीमु माःते लाःना, ख्याक्याइ ब्रुम्दो कोःङ्च्युजे मीःखुए।
5अङ्गुरकीइ पुःङ ङाःरा इःङे, ओःले ख्याक्यादी याःल्गाक्या इःङे। सुङ ङाः ङीमु तेःसी लाःना, ङाः खुङ ङीमु तेःकेन एः, ओःले ओःखोइ माःङ्बुरा ब्रुम्दो कोःङ्च्युउए, चीलेलाःना ङाःलाःम्ले थारीःङ्बु तेःती ख्याक्याइ चीङ पेःजे मीःखुए। 6सुङ मीः ङाः ङीमु माःते लाःना, ओःखोला याःल्गा च्योःङ्रा फीला क्युर्कुए, ओःले ओःखो काम्गुए। एःन्डुबा याःल्गाक्या रुःप जोगेन एः, ओःले मेःला क्युर्तेर्कुए, ओःले ओःखो छीदी डोउए। 7ख्याक्या ङाः ङीमु तेःसी लाःना, ओःले ङाःइ लाःक्योक ताम ख्याक्या नाःङ्ला तेःसी लाःना, ख्याक्याला सेम थेक्योक ताम लाङ्दो, ओःले ओःखो ख्याक्याइ लागी पेःगेन एः। 8ख्याक्याइ माःङ्बुरा ब्रुम्दो कोःङ्च्युदी ङाःइ योबा इःङे लाःती दास्यी तेर्केन एः। दी लेःगालाःम्लेरा ङाःइ आबाइ महीमा ओःङेन एः।
9काःन्डुले ङाःइ आबाइ ङाःला च्याःम्बु पेःबा, ओःन्डुलेरा ङाःइयाङ ख्याक्याला च्याःम्बु पेःदी एः। ताः ख्याक्या ङाःइ च्याःम्बुला तेः। 10ङाःइ आबाइ आज्ञाक्या ङीःन्दी ङाः खुङगीइ च्याःम्बुला तेःक्योक च्योःङ्रारा, ख्याक्याइ ङाःइ आज्ञाक्या ङीःन्सी लाःना ख्याक्या ङाःइ च्याःम्बुला तेःकेन एः। 11ङाःइ खाम्साङा ख्याक्या ङीमु तेःच्युक ओःले ख्याक्याइ खाम्साङा छाङ्ज्युक लाःतीरा ङाःइ ख्याक्याला दी ताम लाःक्योक इःङे।
12ङाःइ आज्ञा दीखोरा इःङे– काःन्डुले ङाःइ ख्याक्याला च्याःम्बु पेःदी एःपा, ओःन्डुलेरा ख्याक्याइयाङ चीगकीइ राःङ्साला च्याःम्बु पेःदो। 13राःङगीइ रोःक्याइ लागी राःङगीइ मीःली तेर्चे भन्दा छ्योम्बो च्याःम्बु राःङ्सा चीङ म्याः। 14ख्याक्याइ ङाःइ आज्ञा ङीःन्सी लाःना ख्याक्या ङाःइ रोःक्या इःङे। 15ताःमीःजीक ङाः ख्याक्याला लाबुक्या मेःलाःप चीलेलाःना ताःक्पुइ ची पेःदेरा एःपा, ओःखो लाबुक्याइ मेसेए। ङाः ख्याक्याला रोःक्या लाःके चीलेलाःना ङाःइ आबालाःम्ले कोःक्योक थाम्जेर तामक्या ङाःइ ख्याक्याला लाःसीःङ्दी एः। 16ख्याक्याइ ङाःला दाम्क्योक मीःङे, इःनाङ ङाःइ ख्याक्याला दाम्सी, ओःले काःल्दी तेन्दुइ लागी तेःकेन ब्रुम्दो कोःङ्च्युदो लाःती दाम्दी एः। ओःले ङाःइ मीःनला ख्याक्याइ आबा ङीमु ची लाङ्नाङ खुङगीइ ओःखो तेर्केन एः। 17ङाः ख्याक्याला दी आज्ञा तेर्के, ख्याक्याइ चीगकीइ राःङ्साला च्याःम्बु पेःदो।
जाम्बुलीङगीइ मीःक्याइ योबाक्याला ङ्याप्च्युक पेःक्योक
18जाम्बुलीङगीइ मीःक्याइ ख्याक्याला ङ्याप्च्युक पेःसी लाःना खुङक्याइ ख्याक्याला भन्दा तोःङ्ला ङाःला ङ्याप्च्युक पेःदी एःके लाःती टेःम्बा साल्दो। 19ख्याक्या जाम्बुलीङगीइ मीः एःक्योक इःना नी खुङक्याइ ख्याक्याला राःङगीइदी नेती च्याःम्बु पेःजेके। इःनाङ ङाःइ नी ख्याक्याला दी जाम्बुलीङलाःम्ले दाम्क्योक इःङे। ओः सोङ्गारा, ख्याक्या दी जाम्बुलीङगीइदी मीःङे ओःले जाम्बुलीङगीइ मीःइ ख्याक्याला ङ्याप्च्युक पेःउए। 20ङाःइ ख्याक्याला लाःक्योक ताम टेःम्बा साल्दो, ‘लाबुक्या ताःक्पु भन्दा छ्योम्बो मेःयुङ एः।’ खुङक्याइ ङाःला नी तुःक्पु तेर्सी लाःना ख्याक्यालाङ तुःक्पु तेर्केन एः। खुङक्याइ ङाःइ लोप्क्योक ताम ङीःन्सी लाःना ख्याक्याइ तामलाङ ङीःन्ङेन एः। 21ख्याक्या ङाःइदी एःक्योक सोङ्गारा खुङक्याइ ख्याक्याला तुःक्पु तेर्केन एः चीलेलाःना खुङक्याइ ङाःला ताङेन आबाला ङोःमेसेए।
22ङाः ओःङ्दी खुङक्याला दी तामक्या माःलाःप्क्योक एःना खुङक्या लाःयोइ माःताक्पा ओःङ्जे म्याःके। इःनाङ ताः राःङगीइ लाःयोइ लागी खुङक्या ङीमु बहाना पेःगेन ठाउँरा म्याः। 23ङाःला ङ्याप्च्युक पेःगेन्दीइ ङाःइ आबालाङ ङ्याप्च्युक पेःउए। 24राःङ्सा सुइयाङ नाःमाङ माःबेक्योक याःमाछाककीइ लेःगाक्या ङाःइ खुङक्याइ कील्ला माःबेक्योक इःना खुङक्या लाःयोइ माःताक्पा ओःङ्जे म्याःके। इःनाङ ङाःइ पेःक्योक याःमाछाककीइ लेःगाक्या थोङ्दीङ खुङक्याइ ङाः ओःले ङाःइ आबालाथुप ङ्याप्च्युक पेःदी एः। 25इःनाङ छ्येइ ठीमला प्रुःक्योक दी ताम पुरा डोजेलारा दीखो काःल्क्योक एःके, ‘खुङक्याइ ङाःला एःन्दाराङ ङ्याप्च्युक पेःसी।’#भजन ३५:१९; ६९:४
26ख्याक्याला रोः पेःजेला ओःले कोन्ज्योइ बारेला तेःन्दामगीइ ताम तेङ्तेर्चेला ङाः आबालाःम्ले ला ताङ्तेर्के। खुङगीइ ङाःइ बारेला पाङ्बु तेर्केन एः। 27ओःले ख्याक्यादी ङाःइ लेःगा छुगासुना मीःजीकरा ङाः ङीमु एःक्योक सोङ्गारा ख्याक्याइयाङ ङाःइ बारेला राःङ्साक्याला लाःकेन एः।
Currently Selected:
युहन्ना 15: SYW
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
युहन्ना 15
15
तेःन्दामगीइ अङ्गुरकीइ पुःङ
1तेःन्दामगीइ अङ्गुरकीइ पुःङ ङाःरा इःङे ओःले ङाःइ आबा कीसान इःङे। 2ङाः ङीमु एःक्योक थाम्जेर याःल्गा काःखोइ ब्रुम्दो कोःङ्माच्युबा ओःखोला खुङगीइ तुप्कुए, ओःले ब्रुम्दो कोःङ्च्युगेन थाम्जेर याःल्गाला ताःरुङ माःङ्बु ब्रुम्दो कोःङ्ज्युक लाःती खुङगीइ छीमालतीउए। 3ङाःइ ख्याक्याला लाःक्योक तामगीइ ख्याक्या तोःङ्लारा छीमाल्तीक्योक तोःङ्बो च्योःङ्रा चाङ्मा काःल्सीःङ्दी एः। 4ख्याक्या ङाः ङीमु तेः ओःले ङाः ख्याक्या ङीमु तेःके। काःखोङ याःल्गा पुःङला ज्यार्ती माःते लाःना ओःखोइ ब्रुम्दो कोःङ्च्युजे मीःखुए, ओःन्डुलेरा ख्याक्याङ ङाः ङीमु माःते लाःना, ख्याक्याइ ब्रुम्दो कोःङ्च्युजे मीःखुए।
5अङ्गुरकीइ पुःङ ङाःरा इःङे, ओःले ख्याक्यादी याःल्गाक्या इःङे। सुङ ङाः ङीमु तेःसी लाःना, ङाः खुङ ङीमु तेःकेन एः, ओःले ओःखोइ माःङ्बुरा ब्रुम्दो कोःङ्च्युउए, चीलेलाःना ङाःलाःम्ले थारीःङ्बु तेःती ख्याक्याइ चीङ पेःजे मीःखुए। 6सुङ मीः ङाः ङीमु माःते लाःना, ओःखोला याःल्गा च्योःङ्रा फीला क्युर्कुए, ओःले ओःखो काम्गुए। एःन्डुबा याःल्गाक्या रुःप जोगेन एः, ओःले मेःला क्युर्तेर्कुए, ओःले ओःखो छीदी डोउए। 7ख्याक्या ङाः ङीमु तेःसी लाःना, ओःले ङाःइ लाःक्योक ताम ख्याक्या नाःङ्ला तेःसी लाःना, ख्याक्याला सेम थेक्योक ताम लाङ्दो, ओःले ओःखो ख्याक्याइ लागी पेःगेन एः। 8ख्याक्याइ माःङ्बुरा ब्रुम्दो कोःङ्च्युदी ङाःइ योबा इःङे लाःती दास्यी तेर्केन एः। दी लेःगालाःम्लेरा ङाःइ आबाइ महीमा ओःङेन एः।
9काःन्डुले ङाःइ आबाइ ङाःला च्याःम्बु पेःबा, ओःन्डुलेरा ङाःइयाङ ख्याक्याला च्याःम्बु पेःदी एः। ताः ख्याक्या ङाःइ च्याःम्बुला तेः। 10ङाःइ आबाइ आज्ञाक्या ङीःन्दी ङाः खुङगीइ च्याःम्बुला तेःक्योक च्योःङ्रारा, ख्याक्याइ ङाःइ आज्ञाक्या ङीःन्सी लाःना ख्याक्या ङाःइ च्याःम्बुला तेःकेन एः। 11ङाःइ खाम्साङा ख्याक्या ङीमु तेःच्युक ओःले ख्याक्याइ खाम्साङा छाङ्ज्युक लाःतीरा ङाःइ ख्याक्याला दी ताम लाःक्योक इःङे।
12ङाःइ आज्ञा दीखोरा इःङे– काःन्डुले ङाःइ ख्याक्याला च्याःम्बु पेःदी एःपा, ओःन्डुलेरा ख्याक्याइयाङ चीगकीइ राःङ्साला च्याःम्बु पेःदो। 13राःङगीइ रोःक्याइ लागी राःङगीइ मीःली तेर्चे भन्दा छ्योम्बो च्याःम्बु राःङ्सा चीङ म्याः। 14ख्याक्याइ ङाःइ आज्ञा ङीःन्सी लाःना ख्याक्या ङाःइ रोःक्या इःङे। 15ताःमीःजीक ङाः ख्याक्याला लाबुक्या मेःलाःप चीलेलाःना ताःक्पुइ ची पेःदेरा एःपा, ओःखो लाबुक्याइ मेसेए। ङाः ख्याक्याला रोःक्या लाःके चीलेलाःना ङाःइ आबालाःम्ले कोःक्योक थाम्जेर तामक्या ङाःइ ख्याक्याला लाःसीःङ्दी एः। 16ख्याक्याइ ङाःला दाम्क्योक मीःङे, इःनाङ ङाःइ ख्याक्याला दाम्सी, ओःले काःल्दी तेन्दुइ लागी तेःकेन ब्रुम्दो कोःङ्च्युदो लाःती दाम्दी एः। ओःले ङाःइ मीःनला ख्याक्याइ आबा ङीमु ची लाङ्नाङ खुङगीइ ओःखो तेर्केन एः। 17ङाः ख्याक्याला दी आज्ञा तेर्के, ख्याक्याइ चीगकीइ राःङ्साला च्याःम्बु पेःदो।
जाम्बुलीङगीइ मीःक्याइ योबाक्याला ङ्याप्च्युक पेःक्योक
18जाम्बुलीङगीइ मीःक्याइ ख्याक्याला ङ्याप्च्युक पेःसी लाःना खुङक्याइ ख्याक्याला भन्दा तोःङ्ला ङाःला ङ्याप्च्युक पेःदी एःके लाःती टेःम्बा साल्दो। 19ख्याक्या जाम्बुलीङगीइ मीः एःक्योक इःना नी खुङक्याइ ख्याक्याला राःङगीइदी नेती च्याःम्बु पेःजेके। इःनाङ ङाःइ नी ख्याक्याला दी जाम्बुलीङलाःम्ले दाम्क्योक इःङे। ओः सोङ्गारा, ख्याक्या दी जाम्बुलीङगीइदी मीःङे ओःले जाम्बुलीङगीइ मीःइ ख्याक्याला ङ्याप्च्युक पेःउए। 20ङाःइ ख्याक्याला लाःक्योक ताम टेःम्बा साल्दो, ‘लाबुक्या ताःक्पु भन्दा छ्योम्बो मेःयुङ एः।’ खुङक्याइ ङाःला नी तुःक्पु तेर्सी लाःना ख्याक्यालाङ तुःक्पु तेर्केन एः। खुङक्याइ ङाःइ लोप्क्योक ताम ङीःन्सी लाःना ख्याक्याइ तामलाङ ङीःन्ङेन एः। 21ख्याक्या ङाःइदी एःक्योक सोङ्गारा खुङक्याइ ख्याक्याला तुःक्पु तेर्केन एः चीलेलाःना खुङक्याइ ङाःला ताङेन आबाला ङोःमेसेए।
22ङाः ओःङ्दी खुङक्याला दी तामक्या माःलाःप्क्योक एःना खुङक्या लाःयोइ माःताक्पा ओःङ्जे म्याःके। इःनाङ ताः राःङगीइ लाःयोइ लागी खुङक्या ङीमु बहाना पेःगेन ठाउँरा म्याः। 23ङाःला ङ्याप्च्युक पेःगेन्दीइ ङाःइ आबालाङ ङ्याप्च्युक पेःउए। 24राःङ्सा सुइयाङ नाःमाङ माःबेक्योक याःमाछाककीइ लेःगाक्या ङाःइ खुङक्याइ कील्ला माःबेक्योक इःना खुङक्या लाःयोइ माःताक्पा ओःङ्जे म्याःके। इःनाङ ङाःइ पेःक्योक याःमाछाककीइ लेःगाक्या थोङ्दीङ खुङक्याइ ङाः ओःले ङाःइ आबालाथुप ङ्याप्च्युक पेःदी एः। 25इःनाङ छ्येइ ठीमला प्रुःक्योक दी ताम पुरा डोजेलारा दीखो काःल्क्योक एःके, ‘खुङक्याइ ङाःला एःन्दाराङ ङ्याप्च्युक पेःसी।’#भजन ३५:१९; ६९:४
26ख्याक्याला रोः पेःजेला ओःले कोन्ज्योइ बारेला तेःन्दामगीइ ताम तेङ्तेर्चेला ङाः आबालाःम्ले ला ताङ्तेर्के। खुङगीइ ङाःइ बारेला पाङ्बु तेर्केन एः। 27ओःले ख्याक्यादी ङाःइ लेःगा छुगासुना मीःजीकरा ङाः ङीमु एःक्योक सोङ्गारा ख्याक्याइयाङ ङाःइ बारेला राःङ्साक्याला लाःकेन एः।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.