Mataio 18
18
Ko Ai te Hili ona Tāua i te Mālō o te Lagi?
(Maleko 9.33-37; Luka 9.46-48)
1 #
Luk 22.24
I te taimi tēnā, na ōmamai ai te kau hoko ki a Iehu oi fehili vē atu ki ei, “Ko ai te tino e hili ona tāua i te Mālō o te lagi?”
2Oi kalaga atu ai ia Iehu ki he tamaiti ke hau ki a te ia. Kua fakatū e ia te tamaiti i mua o ki lātou, 3#Mlk 10.15; Luk 18.17oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi. 4Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei. 5Ko ai lava he tino e ia talia he tamaiti vēnei i toku igoa, kua ia talia foki au.
Ko nā Fakaohoohoga ki te Agahala
(Maleko 9.42-48; Luka 17.1-2)
6“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma fakagoto ai ke malemu i te moana loloto. 7Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!
8 #
Mat 5.30
“Ma kāfai ko tō lima pe ko tō vae te māfua ai ona agahala koe, tipi kehe oi tīaki! E hili atu tō hao ki te ola e hē gata kae lima tahi pe vae tahi, i lo te kātoa ona lima ma nā vae, kae togi ai koe ki loto o te afi e hē mafai ke mate. 9#Mat 5.29Kāfai foki ko tō mata te māfua ai oi agahala koe, hali kehe oi tīaki! E hili atu tō hao ki te ola e hē gata kae mata tahi, i lo te kātoa ona mata kae togi ai koe ki loto o te afi o kēna.
Ko te Talafakatuha o te Māmoe na Galo
(Luka 15.3-7)
10-11 #
Luk 19.10
“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.#18.10-11 Ko iētahi tuhituhiga e fakaopoopo ki ei nā kupu iēnei: Auā ko te Ataliki o te Tagata na hau ke fakaola nā tino kua gagalo (kikila ki te Luk 19.10).
12“He ā he koutou manatu ki te mea e fai e he tino e i ei ni ana māmoe e helau, kae kua galo te fokotahi? E hē ia tukua nei nā māmoe e iva hefuluiva ke kakai i luga o nā mauga, kae fano oi hakili mai te māmoe kua galo? 13Ma kāfai e ia maua, e lea atu au ki a te koutou, e hili atu tona fiafia ona ko te māmoe tēnei e fokotahi, i lo te iva hefuluiva e hēki gagalo. 14E vēnā foki lava oi hē fofou te koutou#18.14 te koutou: ko iētahi tuhituhiga e tūhia ai toku. Tamana i te lagi ke galo hētahi o ki lātou nei e tamaiti.
Kāfai Tō Uho e Agahala
15 #
Luk 17.3
“Kāfai tō uho e fai hana mea kino ki a te koe,#18.15: Ko iētahi tuhituhiga e hē i loto ai te ki a te koe. fano oi fakahino ki ei tona hehē. Kae fai te mea tēnei nā ko koulua lava toka lua. Kāfai e fakalogo atu ki a te koe, kua toe maua e koe tō uho. 16#Teu 19.15Kae kāfai e hē fakalogo atu ki a te koe, kave he tino e fokotahi pe he toka lua oi olo ma koe, kae ke mafai ai ke ‘fakamāonia ia mōliga takitahi uma i te molimau a ni tino e toka lua pe toka tolu,’ e vēia oi tūhia i te tuhituhiga paia. 17Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.
Na Mea e Fakahā ma nā Mea e Fakataga
18 #
Mat 16.19; Ioa 20.23 “E takutino atu e au ki a te koutou uma; ko nā mea e fakahā e koutou i te lalolagi, ka fakahā foki i te lagi, ko nā mea e fakataga e koutou i te lalolagi, ka fakataga foki i te lagi.
19“Ko tētahi mea tēnei e lea atu ai au ki a te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava oi fai mo ki lāua e toku Tamana i te lagi. 20Auā, ho he mea lava e fakatahi ai he toka lua pe he toka tolu i toku igoa, e i ei foki au ma ki lātou.”
Talafakatuha o te Kaukauna Hē Loto Fakamāgalo
21 #
Luk 17.3-4
Oi hau ai ia Petelu ki a Iehu kua fehili vē atu ki ei, “Te Aliki, e fakafia nei oi kō fakamāgaloa toku uho kāfai e fai pea lava e ia nā mea kino ki a te au? E fakafitu?”
22 #
Ken 4.24
Kua tali mai ia Iehu, “Hēai, e hē fakafitu kae fakafituhefulu ni fitu,#18.22: fakafituhefulu ni fitu: pe fakafituhefulu fitu. 23auā ko te Mālō o te lagi e fakatuha vēnei. Nae i ei he tupu kua tonu ia te ia ke hiaki ana tupe nae kaihohoa e nā kaukauna a ia, ona kua fofou ke toe totogi uma ake e ki lātou. 24Fātoā kāmata atu tana hiakiga kae kaumai ki a te ia te kaukauna e nofo kaitālafu i te hefulu afe tāleni.#18.24: tāleni: Ko te tāleni e fokotahi e tuha ko te totogi ia o te tino faigāluega fatoaga mo he hefululima tauhaga. 25E hēki lava he tupe a te kaukauna ke totogi ai te tupe e nofo kaitālafu ai, oi fakatonu ai e te tupu ke fakatau atu ma pologa te kaukauna tēnei ma tana āvaga ma tana fānau ma ana mea uma lele, ke totogi ai tana kaitālafu. 26Oi fakapakū ai te kaukauna ki lalo, kua tōtuli ki mua o te tupu ma ole atu ki ei vēia, ‘Tuku mai ko fakamolemole hoku avanoa ke toe totogi atu ai nā mea uma lele e kaitālafu ai au ki a te koe.’ 27Na lagona e te tupu te alofa, oi fakamāgalo ai e ia te kaitālafu a tana kaukauna oi tuku ai ke fano.
28“Oi fanatu ai te kaukauna tēnei, kua fetaui ma tona hoā kaukauna e nofo kaitālafu ake ki a te ia i he helau tupe hiliva.#18.28: tupe hiliva: Kikila ki te 17.27. Kua tago atu oi tāofi mai tona hoā kaukauna ma kāmata titina te ua ma lea vē atu ki ei, ‘Totogi mai nei lava taku tupe e kaitālafu e koe!’ 29Kua fakapakū tōtuli ki lalo tona hoā kaukauna ma ole atu ki ei vē atu, ‘Tuku mai ko fakamolemole he avanoa oi toe totogi atu ai!’ 30Ka kua hē ia taliagia; oi fakatonu ai e ia ke kave tona hoā kaukauna oi loka i te falepuipui ke pa ki te taimi e totogi kātoa ai tana kaitālafu. 31I te kiteaga o te mea tēnei e iētahi kaukauna, oi tīgā lahi ai o lātou loto ma olo ai kua taku ki te tupu nā mea uma lele iēnei. 32Oi fekau ai e te tupu te kaukauna ma lea vē atu ki ei, ‘Ko koe he kaukauna kino. Na fakamāgalo koe e au i te tupe kātoa e kaitālafu mai ai koe ki a te au, ona ko koe na ole mai ki a te au. 33Na tatau foki la ke vēia tō alofa ki tō hoā kaukauna e vēia ko toku alofa na fai atu ki a te koe.’ 34Kua ita lahi lele te tupu, oi fakatonu ai e ia ke kave te kaukauna ke kini i te falepuipui, ke pa lava ki te taimi e uma ai te totōgiga o tana kaitālafu kātoa.”
35Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”
Currently Selected:
Mataio 18: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.
