Luka 3
3
Yaya ka kawanili kɛ teme
Matiyu 3.1-12; Malɛkɛ 1.1-8; Yohana 1.19-26
1Lɔmu masakɛba Tibeli ya masaya san tan ni looluna (15), Ponsi Pilati tɛɛ Jude jamanatiiya la. Wo k'a talan, Helodi tɛɛ Galile koovi kunnasiibaya la, ani a dɔɔkɛ Filipe tɛɛ Itule ni Tilakoniti koovi kunnasiibaya la. Lisaniya do tɛɛ Abilɛni kunnasiibaya la, 2ado Anasi ni Kayife le tɛɛ salakalase kuntiibaya la.
Wo waate lɔ, Ala k'a kumakan lase Zakaliya denkɛ Yaya ma fuwa lɔ. 3A do vɛ timintiminna Julidɛn kɔɔ laminin nɔ, ka kawanili kɛ ko mɔɔlu y'ai dajoo mafalin, k'ai mako ji kɔlɔ ka bɛn ai julumbulu lɔkotoko ma. 4Yaya ya ko sɛvɛnin Nabi Ezayi ya kitabu kɔnɔ boloɲa min ne ma, ko:
«Mɔɔ dɔ gbanɔkan yi bɔla fuwa lɔ, a vɛɛ:
‹Ài yi siya lɔbɛn mɔ Tii yɛ,
ka aa senmasiyalu latelen a yɛ.
5Folon bɛ la yi fa,
tini ni koonin bɛ la yi kaɲa,
siya lɔkulunilu la yi telen,
ani siya kɛwonnu lɔ yi bɛn k'ai nuun.
6Wo vɛ kɛla, adamaden bɛ kɛtɔ Ala ya lakisiko yena.› »
7 #
Matiyu 12.34; 23.33. Mɔɔ siyama tɛɛ nala Yaya fɛlɔ fɔsa a tɛɛ ai mako kɔɔ kɔlɔ. A do vɛɛ ai yɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ? 8#Yohana 8.33.Ài kɛkolu y'a jiya ko ài vɛ ài dajoo mafalin. Ài k'ài mili ko ài bɛnnin kamasɔlɔn ài bema le Nabi Ibulahima le! Ǹ'a fɔ ài yɛ, Ala yi sene kawakulun minu jɛlɛmana k'ai kɛ Nabi Ibulahima bɔzɔnnu le. 9#Matiyu 7.19.Tandainɔ, tɛɛlan lɔ vɛ bɛn kɔlɔman tɛɛko lɔ. Kɔlɔman minu tɛ ai den kein kɛla, wolu bɛ yi tɛɛle k'ai lafili taa la.»
10Mɔɔlu ka Yaya maɲininga, ai vɛɛ: «M'a kɛ di vɛ wo lɔ?»
11Yaya k'ai javi, a vɛɛ: «Ni faaniba fila ka kɛ mɔɔ min bolo, wo tii y'a kelen di dɔ ma, fen tɛ min bolo. Ni dɔnnifen ka kɛ mɔɔ min bolo, wo fana y'a kɛ ten.»
12 #
Luka 7.29. Niisɔɔnminaba dɔlu fana ka na makoliko lɔ. Ai do vɛɛ Yaya yɛ: «Kalanmɔɔ, m'a kɛ di vɛ wo lɔ?»
13Yaya do vɛɛ ai yɛ: «Ai vɛ ài lɔla wɔli jate min minala, ài yi dan wo ma, ài kà a dɔ la wo kɔkan.»
14Sɔdasi dɔlu fana k'a maɲininga, ai vɛɛ: «Ǹu do? Mɔ ka kan ka mindɛ kɛ wo lɔ?»
Yaya vɛɛ ai yɛ: «Ài k'i ben mɔɔ suu suu kan wɔli minako lɔ a la, niwotɛ ka tɔɔla mɔɔ la wo ko lɔ. Ài sala min yi dila ài ma, wo y'ài wasa.»
15Komi mɔɔlu tɛɛ Lakisilikɛba makɔnɔna, wo le k'a kɛ, ai tɛɛ ai milila ko tumadɔ Yaya le Masa Tɔɔmasenin ne. 16Wo le k'a kɛ, Yaya k'ai bɛ javi, a vɛɛ: «Ǹ'ài makola ji le le, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala julu fɔlin a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le! 17Aa kɔndɛlɛ y'a bolo, a do kɛtɔ aa malogbasiya matɛla, ka malo kɛ aa kele la, ka ban k'a fofo lafili taa banbali lɔ.» 18Yaya tɛɛ ai kawanila ko siyama la ka Samakan Kein lase ai ma.
19 #
Matiyu 14.3, 4; Malɛkɛ 6.17, 18. Kɛɛ Yaya do tɛɛ jamanakunnasiiba Helodi makumala ka bɛn a dɔɔkɛ moso Helodiyasi fuluko ma, ani aa koyon tɔ bɛ. 20Helodi ka Yaya bila kaso la, ka wo kafon aa koyonnu kɔkan.
Yaya ka Isa mako teme
Matiyu 3.13-17; Malɛkɛ 1.9-11
21Yaya tɛɛ mɔɔ bɛ makola kɔɔ kɔlɔ waate min nɔ, a ka Isa fana mako. Isa ka to Ala dalila je, sangbolo da la ka ka, 22#Matiyu 3.17; Malɛkɛ 1.11; Luka 9.35.ado Nii Sɛnɛyanin ka jii a kɔkan poponi sawula lɔ. Kumakan dɔ ka bɔ sangbolo lɔ, a vɛɛ: «I yi ǹ diyanan Denkɛ le le. I do vɛ ǹ kɔnɔlɔdiya bubale.»
Isa jilijaalu
Matiyu 1.1-17
23Isa ka aa baale damina waate min nɔ, a sɔlɔn tɛɛ vɛ san bisawa (30) jate bɔ. Mɔɔlu tɛɛ a jatela Jusufu denkɛ le le.
Jusufu tɛɛ Heli denkɛ le le.
24Heli tɛɛ Matati denkɛ le le.
Matati tɛɛ Levi denkɛ le le.
Levi tɛɛ Mɛlɛki denkɛ le le.
Mɛlɛki tɛɛ Janai denkɛ le le.
Janai tɛɛ Jusufu denkɛ le le.
25Jusufu tɛɛ Matatiyasi denkɛ le le.
Matatiyasi tɛɛ Amɔsi denkɛ le le.
Amɔsi tɛɛ Nahumu denkɛ le le.
Nahumu tɛɛ Ɛsili denkɛ le le.
Ɛsili tɛɛ Nagai denkɛ le le.
26Nagai tɛɛ Maati denkɛ le le.
Maati tɛɛ Matatiyasi denkɛ le le.
Matatiyasi tɛɛ Semin denkɛ le le.
Semin tɛɛ Joseki denkɛ le le.
Joseki tɛɛ Joda denkɛ le le.
27Joda tɛɛ Jowanan denkɛ le le.
Jowanan tɛɛ Lesa denkɛ le le.
Lesa tɛɛ Zolobabɛli denkɛ le le.
Zolobabɛli tɛɛ Salatiyɛli denkɛ le le.
Salatiyɛli tɛɛ Nɛli denkɛ le le.
28Nɛli tɛɛ Mɛlɛki denkɛ le le.
Mɛlɛki tɛɛ Adi denkɛ le le.
Adi tɛɛ Kosamu denkɛ le le.
Kosamu tɛɛ Elimada denkɛ le le.
Elimada tɛɛ Ɛli denkɛ le le.
29Ɛli tɛɛ Josuwa denkɛ le le.
Josuwa tɛɛ Eliyɛzɛli denkɛ le le.
Eliyɛzɛli tɛɛ Jolimu denkɛ le le.
Jolimu tɛɛ Matati denkɛ le le.
Matati tɛɛ Levi denkɛ le le.
30Levi tɛɛ Simiyɔn denkɛ le le.
Simiyɔn tɛɛ Juda denkɛ le le.
Juda tɛɛ Jusufu denkɛ le le.
Jusufu tɛɛ Jonamu denkɛ le le.
Jonamu tɛɛ Eliyakimu denkɛ le le.
31Eliyakimu tɛɛ Mɛliya denkɛ le le.
Mɛliya tɛɛ Mena denkɛ le le.
Mena tɛɛ Matata denkɛ le le.
Matata tɛɛ Natan denkɛ le le.
Natan tɛɛ Dawuda denkɛ le le.
32Dawuda tɛɛ Jese denkɛ le le.
Jese tɛɛ Obɛdi denkɛ le le.
Obɛdi tɛɛ Bowazi denkɛ le le.
Bowazi tɛɛ Saliman denkɛ le le.
Saliman tɛɛ Nason denkɛ le le.
33Nason tɛɛ Aminadabu denkɛ le le.
Aminadabu tɛɛ Adimin denkɛ le le.
Adimin tɛɛ Alini denkɛ le le.
Alini tɛɛ Hɛzilon denkɛ le le.
Hɛzilon tɛɛ Pɛlɛzi denkɛ le le.
Pɛlɛzi tɛɛ Juda denkɛ le le.
34Juda tɛɛ Janguba denkɛ le le.
Janguba tɛɛ Isiyaka denkɛ le le.
Isiyaka tɛɛ Ibulahima denkɛ le le.
Ibulahima tɛɛ Tela denkɛ le le.
Tela tɛɛ Nakɔli denkɛ le le.
35Nakɔli tɛɛ Selugi denkɛ le le.
Selugi tɛɛ Lewu denkɛ le le.
Lewu tɛɛ Pelegi denkɛ le le.
Pelegi tɛɛ Ebɛli denkɛ le le.
Ebɛli tɛɛ Sela denkɛ le le.
36Sela tɛɛ Kainamu denkɛ le le.
Kainamu tɛɛ Alifasadi denkɛ le le.
Alifasadi tɛɛ Sɛmu denkɛ le le.
Sɛmu tɛɛ Nuho denkɛ le le.
Nuho tɛɛ Lamɛki denkɛ le le.
37Lamɛki tɛɛ Metusala denkɛ le le.
Metusala tɛɛ Enɔki denkɛ le le.
Enɔki tɛɛ Jalɛdi denkɛ le le.
Jalɛdi tɛɛ Malalɛli denkɛ le le.
Malalɛli tɛɛ Kainamu denkɛ le le.
38Kainamu tɛɛ Enosi denkɛ le le.
Enosi tɛɛ Sɛti denkɛ le le.
Sɛti tɛɛ Adama denkɛ le le.
Adama tɛɛ Ala denkɛ le le.
Currently Selected:
Luka 3: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
