Johannes 15
15
Dit 15. Capitel.
1Ik sen en rogt Winstok, en min Vader es di Wingoardsman.
2En ark Twig ön mi, welk niin Frügt bringt, di nemt hi weg; en ark, welk Frügt bringt, di rensket hi, omdat hi moar Frügt bringt.
3Nü sen I riin om dit Uurds wel, wat ik tö ju spreken ha.
4Blīw ön mi, en ik ön ju. Alliküs di Twig van höm sallew niin Frügt bring kjen, hi mai da bi di Winstok blīw, alliksa kjen I dit uk ek, wan I ek ön mi blīw.
5Ik sen di Winstok, en I sen di Twiggen. Hokken ön mi blewt, en ik ön höm, di bringt vuul Frügt; for sönder mi kjen I nöndt dö.
6Hokken ek ön mi blewt, di ud wegsmetten, ǖs en Twig, en di fordorret, en em såmelt-s, en smet-s ön-t Jöld, en /di/ mut bren.
7Wan I ön mi blīw, en min Uurd ön ju blewt, da mai I bed, om wat I wel, hat skelt ju wederfår.
8Diärön ud min Våder iäret, dat I vuul Frügt drai, en dat I min Lirlings ud.
9Alliküs mi#15.9 Statt mi lies min. Vader mi lew heed, sa hå ik ju uk lew. Bliw ön min Lēwde.
10Wan I min Geboten hoald, da blīw I ön min Lēwde; alliksa üs ik min Vaders Geboten hoald, en bliw ön sin Lēwde.
11Sok rede ik tö ju, omdat min Frügged ön ju blewt, en ju Frügged volkommen ud.
12Dit es min Gebot, dat I ju önder arküder lew ha, alliküs ik ju lew hå.
13Nemmen heed gurter Lēwde, üs di, dat hi sin Lewent let foar sin Frinjer.
14I sen min Frinjer, wan I dö, wat ik ju befele.
15Nü si#15.15 Nach si ist ik Weggelassen. ek moar, dat I Knegter sen; for en Knegt weet ek, wat sin Herr däd. Mar ik hå tö ju said, dat I Frinjer sen, for Alles, wat ik van min Vader hjert hå, hå ik ju forkindigt.
16I hå mi ek ütwälet; mar ik ha ju ütwälet, en hå-t ju üpleid, dat I hengung, en Frügt bring, en ju Frügt blewt; omdat, wat I di Vader ön min Noom bed, hi ju dit jewt.
17Dit befele ik ju, dat I ju önder arküder lew hå.
18Wan di Wârld ju håtet, da weet, dat-s mi voar ju håtet heed.
19Wiär I van di Wârld, da wild di Wârld sin Ein lew ha; mar wil I ek van di Wârld sen; for ik hå ju van di Wârld ütkwoart, diärom håtet di Wârld ju.
20Täänk om min Uurd, wat ik tö ju said hå. Di Knegt es ek gurter üs sin Herr. Hå ja mi forfölligt, da wel ja ju uk forfölge; hå ja min Uurd hölden, da wel ja ju#15.20 Gemeint ist: ‘das Ihrige’ uk hoald.
21Mar al dit wel ja ju dö om min Nooms wel; for ja kään di ek, diär mi stjürt heed.
22Wan ik kjemmen wiär, en et jam ek said hed, da hed ja niin Send, mar nü kjen ja nöndt voarwäänd, jår Send fri voar Skild tö känen.
23Hokken mi håtet, di håtet uk min Våder.
24Hed ik ek di Werke dön mung jam, diär niin Üder dön heed, da hed ja niin Send. Mar nü hå ja dit sen, en håte dag bid mi en min Vader.
25Dag omdat di Sprok, diär ön jår Wet skrewwen es, tö folling komt: Ja håte mi sönder Uarsåk.
26Mar wan di Tröster kom wel, diär ik ju stjür wel van min Vader, di Geist van di Wårheid, diär van di Vader ütgeid, di wel tjüg van mi.
27En I skel uk tjüg, for I sen van jest Begen of ön bi mi wessen.
Currently Selected:
Johannes 15: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
