Johannes 14
14
Dit 14. Capitel.
1En hi sprok tö sin Lirlings: Ju Hart mut ek forfirt ud. Liiw I ön Gott, da liiw I uk ön mi.
2Ön min Vaders Hüs sen vuul Uninger. Wan-t ek sa wiär, da wild ik tö ju si: Ik gung hen, om ju dit Steid tö bereidin.
3En wan ik henging, om ju dit Steid tö bereidin, da wild ik dag wederkom, en ju tö mi nem, omdat I sen, hur ik sen.
4En hur ik hengung, dit weet I, en di Wei weet I uk.
5Thomas said tö höm: Herr! wü weet ek, hur dü hengeist; en hur kjen wü di Wei weet?
6Jesus said tö höm: Ik sen di Wei, en di Wårheid, en dit Lewent. Nemmen komt tö di Våder, üders döör mi.
7Wan I mi küd, da küd I uk min Vader. En van nü of ön kään I höm, en hå höm sen.
8Filippus said tö höm: Herr! wise üs di Vader, da es-t üs nog.
9Jesus said tö höm: Sa lung sen ik bi ju, en dü käänst mi ek? Filippus, hokken mi sjogt, di sjogt di Vader. Hü sprakst dü da: Wise üs di Vader?
10Liiwst dü ek, dat ik ön di Våder, en di Våder ön mi es? Di Uurder, di ik tö ju rede, di rede ik ek van mi sallew. Mar di Våder, diär ön mi unet, disallew däd di Werke.
11Liiw I, dat ik ön di Våder, en di Vader ön mi es: wan ek, da liiw mi om di Werks wel.
12Wårelk, wårelk, ik si ju: Hokken ön mi liiwt, di skel uk di Werke dö, diär ik dö, en hi skel jit gurter üs dös dö, for ik gung hen tö min Våder.
13En om wat I bed wel ön min Noom, dit wel ik dö, omdat di Vader iäret ud ön di Seen.
14Om wat I bed ön min Noom, dit wel ik dö.
15Ha I mi lew, da hoâld min Geboten.
16En ik wel di Våder bed, en hi skel ju en Üder Tröster iiw, omdat hi bi ju ewig blewt.
17Dit es di Wårheids-Geist, welk di Wârld ek fo kjen, for jü sjogt höm ek, en käänt höm ek. Mar ik kään höm, for hi blewt bi ju, en skel ön ju wiis.
18Ik wel ju ek üs Waisen let, ik kom tö ju.
19Hat es om en kūrt Tid, da wel di Wârld mi ek moar se. Mar I skel mi se, for ik lewwe, en I skel uk lewwe.
20Üp disallew Dai skel I iinse, dat ik ön min Vader sen, en I ön mi, en ik ön ju.
21Hokken min Geboten heed, en halts uk, hat es höm, diär mi lew heed. Mar hokken mi lew heed, höm wel min Vader uk lew ha, en ik wel höm lew ha, en mi sallew höm ipenbåre.
22Judas, ek di Iskariot, said tö höm: Herr! wat es dit, dat dü disallew ǖs ipenbare wedt, en ek voar di Wârld?
23Jesus swåret en said tö höm: Hokken mi lew heed, di wel min Uurd hoald, en min Våder wel höm lew ha, en wü wel tö höm kom, en Uning bi höm måke.
24Mar hokken mi ek lew heed, di halt min Uurder ek. En dit Uurd, wat I hir, es ek min, mar di Vader sin, diär mi stjürt heed.
25Sok hå ik tö ju spreken, wil ik bi ju wessen hå.
26Mar di Tröster, di hellig Geist, welk min Våder stjür wel ön min Noom, hi skel ju Alles līr, en ju Alles ön Tågten bring, wat ik ju said hå.
27Di Frēd let ik ju, min Frēd iiw ik ju. Ik iiw ju ek, alliküs di Warld jewt. Ju Hart mut ek forfīrt ud, en I mut ju ek fürgte.
28I hå hjert, dat ik tö ju said ha: Ik gung hen, en kom weder tö ju. Wan I mi lew hed, da wild I ju frügge, dat ik tö ju said ha: Ik gung hen tö min Vader, for min Våder es gurter, üs ik.
29En nü ha ik et tö ju said, jer dat dit geske; omdat, wan dit sken es, dat I liiw.
30Van nü of ön wel ik ek vuul moar me ju spreek; for di Opperst van di Wârld komt, en heed nöndt ön mi.
31Mar omdat di Wârld weet skel, dat ik di Våder lew ha, en ik alliksa dö, üs min Vader mi befälen heed, stūn âp, en let üs van dannen gung.
Currently Selected:
Johannes 14: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
