Eoin 17
17
Caibidil XVII.
Guiḋe Ċríost ar son a ḋeisciobal.
1Laḃair Íosa na neiṫe sin: agus ag tógáil a ṡúl suas go neaṁ dó, duḃairt sé: A Aṫair, ṫáinic an uair, taḃair glóir do do Ṁac, ċun go dtugaiḋ do Ṁac glóir duit-se:
2Aṁail mar ṫug tú cuṁaċt dó ar gaċ uile ḟeoil,#Mait. 28, 18. ċun go dtaḃaraḋ sé beaṫa ṡíorraiḋe do gaċ aoinneaċ dá dtug tú dó.
3Agus is í seo an ḃeaṫa ṡíorraiḋe: aiṫne a ḃeiṫ acu ort-sa, an t-aon Dia fíor, agus ar Íosa Críost a ċuir tú uait.
4Ṫug mise glóir duit ar an talaṁ: ċríoċnuiġ mé an obair a ṫug tú daṁ le déanaṁ:
5Agus anois, a Aṫair, taḃair tusa glóir daṁ-sa i d’ḟoċair féin, leis an ġlóir a ḃí agam i d’ḟoċair sul a raiḃ an doṁan ann.
6D’ḟoillsiġ mé d’ainm do na daoine a ṫug tú daṁ as an tsaoġal. Ba leat-sa iad, agus ṫug tú daṁ-sa iad: agus ċongḃuiġ siad do ḃriaṫar.
7Is eol dóiḃ anois gurab uait-se gaċ níḋ dá dtug tú daṁ:
8Óir na briaṫra a ṫug tusa daṁ; ṫug mé dóiḃ: agus ġlac siad iad, agus ṫuig siad go fíor gur uait-se a ṫáinic mé, agus ċreid siad gur tusa a ċuir uait mé.
9Is ar a son atá mé ag guiḋe. Ní ġuiḋim ar son an tsaoġail, aċt ar son na ndaoine a ṫug tú daṁ: óir is leat-sa iad:
10Agus is leat-sa gaċ níḋ is liom-sa: agus is liom-sa na neiṫe is leat-sa: agus tá glóir fáiġte agam ionnta.
11Agus ní ḟuil mé ar an tsaoġal feasta, aċt tá siad seo ar an tsaoġal, agus tá mise ag teaċt ċugat-sa. A Aṫair naoṁṫa, congḃuiġ i d’ainm iad seo a ṫug tú daṁ: ċun go mba aon iad, aṁail agus sinne.
12Nuair a ḃí mé ina gcuideaċta, ċongḃuiġ mé i d’ainm-se iad. Ċoiṁéad mé iad sin a ṫug tú daṁ: agus níor cailleaḋ aoinneaċ acu, aċt an mac mallaċtan, ċun go gcóiṁlíontaí an Scrioptúir.#Sailm 108, 8.
13Agus anois tá mé ag teaċt ċugat-sa: agus tá mé ag ráḋ na neiṫe seo ar an tsaoġal, ċun go raiḃ mo lúṫġáir-se iomlán ionnta-san.
14Ṫug mise dóiḃ do ḃriaṫar, agus ṫug an saoġal fuaṫ dóiḃ, de ḃríġ naċ de’n tsaoġal iad, aṁail agus naċ de’n tsaoġal mise.
15Ní fuil mé ag guiḋe go ḋtógṫá amaċ as an tsaoġal iad, aċt go gcongḃóċṫá iad ó’n olc.
16Ní de’n tsaoġal iad, aṁail agus naċ de’n tsaoġal mise.
17Naoṁuiġ san ḟírinne iad. Is é do ḃriaṫar-sa an ḟírinne.
18Aṁail mar ċuir tusa mise isteaċ san tsaoġal, ċuir mise iad-san isteaċ san tsaoġal.
19Agus naoṁuiġim-se mé féin ar a son, ċun go raiḃ siad-san fosta naoṁuiġṫe san ḟírinne.
20Agus ní ar a son-san aṁáin a ġuiḋim, aċt fosta ar son na ndaoine a ċreidfeas ionnam tré n-a mbriaṫar-san:
21Ċun go mba aon iad uilig, mar atá tusa, a Aṫair, ionnam-sa, agus mise ionnat-sa, go mba aon iad-san ionnain-ne fosta: ċun go gcreidiḋ an saoġal gur tusa a ċuir uait mé.
22Agus an ġlóir a ṫug tusa daṁ-sa, ṫug mise dóḃṫa-san: ċun go mba aon iad, aṁail agus is aon sinne.
23Mise ionnta-san, agus tusa ionnam-sa: ċun go raiḃ siad ina n-aon i gceart: agus ċun go raiḃ a ḟios ag an tsaoġal gur tusa a ċuir uait mé, agus go dtug tú gráḋ dóḃṫa-san, aṁail mar ṫug tú gráḋ daṁ-sa fosta.
24A Aṫair, is mian liom iad seo a ṫug tú daṁ a ḃeiṫ i m’ḟoċair mar a mbím féin: ċun go ḃfeiciḋ siad mo ġlóir, a ṫug tú daṁ: de ḃríġ gur ġráḋuiġ tú mé roiṁ ċruṫuġaḋ an doṁain.
25A Aṫair ċóir, níor aiṫin an saoġal ṫú, aċt d’aiṫin mise ṫú agus ḃí a ḟios acu seo gur tú a ċuir uait mise.
26Agus ċuir mé d’ainm i n-iúl dóiḃ, agus cuirfiḋ mé i n-iúl é: ċun go raiḃ an gráḋ, le n-ar ġráḋuiġ tusa mé, ionnta, agus mise ionnta.
Currently Selected:
Eoin 17: ASN1943G
Highlight
Share
Copy
Want to have your highlights saved across all your devices? Sign up or sign in
rights held by the Bible Society in Northern Ireland
