Matej 26
26
E jevrejska starešine planirin te mudaren e Isuse
1Kana o Isus završisada sa kava vaćaripe, phenda pe sikadenđe: 2“Džanen kaj paše duj đive si i Pasha. Tegani man, e Čhave e manušese, ka den man thaj ka čhuven ko krsto.”
3Tegani ćidije pe e šorutne sveštenikura thaj e starešine e narodose ani avlin e embare sveštenikoso savo akharda pe Kajafa. 4Dogovorisajle sar te dolen e Isuse ko xoxaipe thaj te mudaren le. 5A phende: “Na ko Baro đive, te ne bi o narodo bunila pe.”
O Isus pomazimo ani Vitanija
6Kana sasa o Isus ani Vitanija ano čher e Simoneso o gubavo, 7avili ke leste jekh džuvli thaj sasa la šiši taro mermerno bar ane savo sasa jekh mirisno ulje savo sasa but kuč thaj gova miris čhorda lese po šoro kana bešlo pašo astali.
8Kana dikhlje lese sikade gova, holajle but thaj pučlje: “Sose ćerol pe gasavi šteta? 9Šajine kava te biknol pe bute parenđe thaj e pare te den pe e čororenđe.”
10O Isus džanglja so vaćaren thaj vaćarda lenđe: “So manđen latar? Ćerda manđe šukar bući! 11Golese kaj čorore ka aven uvek maškar tumende, a me ni ka avav uvek tumencar. 12Voj čhorda o mirisno ulje pe mo telo thaj ćerda gova te pripremil man pašo mingro prahope. 13Čače vaćarav tumenđe: Dži kaj ka vaćarol pe kava Lačho Lafi pe sa o sveto, ka vaćarol pe za ko spomen thaj voj so ćerda.”
O Juda planiril te izdajil e Isuse
14Tegani jekh tare Dešuduj apostolura, savo akhardilo Juda Iskariotsko, đelo ke šorutne sveštenikura 15thaj pučlja len: “Kobor ka den ma ako izdajiv e Isuse?” A von dije le tranda srebrenjakura. 16Tare gova vreme rodija lačhi prilika sar te izdol e Isuse.
O Isus bičhalol e sikaden te pripremin i Pasha
17Ko angluno đive taro prazniko e bikvasacose mangrengo avile e sikade ko Isus thaj pučlje le: “Kaj manđe te ćera tuće pashalno večera te xa?”
18Vov vaćarda lenđe: “Džan ano Jerusalim koleste thaj koleste thaj vaćaren lese: ‘O učitelji amaro vaćarol: Mo vreme si paše. Ane ćiro čher ka slavi i pasha mingre sikadencar.’”
19E sikade ćerde sar o Isus vaćarda thaj pripremisade i pasha.
O Isus džanol so o Juda ka izdajil le
20Kana peli i rat, o Isus bešlo pašo astali pe Dešuduje apostolurencar. 21Kana xalje, vaćarda lenđe: “Čače vaćarav tumenđe, jekh tumendar ka izdajil man!”
22Von sesa dukhade but thaj jekh pale avereste lije te pučen le: “Te naj sem me gova, Gospode?”
23O Isus vaćarda: “Ka izdol man kova so bolda mangro mancar ano čaro. 24Čače me, o Čhavo e manušeso, mora te merav sar so si pisimo mandar ano Sveto lil, al but pharo kolese ko izdol e Čhave e manušese! Pošukar bi avola lese te ma bijandol!”
25Tegani o Juda, o izdajniko leso, pučlja: “Naj li sem gova me, učitelju?”
O Isus vaćarda lese: “Tu vaćardan korkoro.”
Poslednjo večera
26Thaj kana xalje, lija o Isus o mangro, dija hvala, phaglja le thaj dija e sikadenđe vaćarindoj: “Len i xan! Kava si o telo mingro.” 27Pale gova lija o tahtaj, dija hvala thaj dija len vaćarindoj: “Pijen savore lestar! 28Golese kaj kava si mingro rat taro Savez, savo ka čhordol pašo oprostipe e grehura bute manušenđe. 29Vaćarav tumenđe: Od akana ni ka pijav mol dži kova đive, kana ka pijav tumencar nevi mol ano Carstvo mingre Dadeso.” 30Pale gova đilabije psalmura thaj đele ko Maslinsko brego.
O Isus phenol kaj savore ka ačhaven le
31Tegani vaćarda lenđe o Isus: “Savore tumen ka ačhaven man kaja rat, golese kaj ano Sveto lil ačhol:
‘Ka čalavav e pastire
thaj e bakre taro stado ka našen.’
32A palo mo uštipe tare mule ka džav angle tumende ani Galileja.”
33A o Petar vaćarda lese: “Te ačhade tut savore, me ni ka ačhavav tut!”
34O Isus vaćarda lese: “Čače vaćarav tuće: Ki akaja rat angleder so o bašno ka đilabol, trin droma ka vaćare kaj ni pindžare man.”
35O Petar lese vaćarda: “Te trubuja te merav tusa, ni ka vaćarav kaj ni pindžarav tut!” Gijate thaj savore e sikade vaćarde.
O Isus molil pe ano Getsimansko vrt
36Tegani avilo o Isus pe sikadencar ano than savo akhardol Getsimanija thaj vaćarda lenđe: “Bešen gothe, dok me džav odori te molima!” 37Lija pesa e Petre thaj soldujen čhaven e Zevedejevese thaj dolda le o žalostipe thaj pharipe. 38Tegani vaćarda o Isus: “Mi duša si dži o meripe žalosno. Ađućaren kate thaj aven džungade mancar.”
39Thaj đelo po dur, pelo mujesa dži i phuv thaj molisajlo: “Dade mingreja, te šaj te nakhavol man kava tahtaj tari patnja! Al gija te ma avol so me mangav nego sar tu manđe.” 40Kana o Isus irisajlo ke pe trin sikade, dikhlja len sar soven. Gija vaćarda e Petrese: “Pa naštine li ni jekh sato mancar te aven džungade? 41Aven džungade thaj molin tumen te ma peren ano iskušenje, golese kaj o duxo tumaro manđol te ćerol so si šukar, al o telo tumari si slabo.”
42Palem o dujto drom đelo thaj molisajlo: “Dade mingreja, te našti te nakhavol man kava tahtaj te ma pijav lestar, nek avol ćiro manglipe!” 43Kana irisajlo, palem arakhlja lese sikade sar soven, golese kaj lenđe jakha korkore phanglile. 44Gija ačhada len, palem đelo thaj trito drom molisajlo vaćarindoj ista lafura.
45Tegani irisajlo paše pe sikade thaj vaćarda lenđe: “Vadži soven thaj odmorin? Ak, avilo o sato thaj me, o Čhavo e manušeso, ka avav predajimo ane vasta e grešnikurenđe. 46Ušten te dža! Ak, kate si mo izdajniko!”
E Isuse phanden
47Thaj dok o Isus vaćarda, avilo o Juda, jekh tare Dešuduj sikade thaj lesa pherdo manuša čhurencar thaj kaštencar, save sesa bičhalde tare šorutne sveštenikura thaj tare starešine e Jevrejenđe. 48A o izdajniko e Isuseso dija len znako vaćarindoj: “Kas čumidav, gova si. Dolen le!” 49Thaj sigate avilo pašo Isus thaj phenda lese: “Zdravo, učitelju!” Thaj čumidija le.
50O Isus phenda lese: “Amala! Ćer kova, sose aviljan kate!”
Tegani kola manuša avile, grabisade thaj dolde e Isuse. 51Tari jekh drom jekh savo sasa e Isusesa, dolda pe tari bari čhuri, ikalda la thaj čhinda o kan jekhese tare kandine e bare sveštenikoso.
52O Isus tegani vaćarda: “Iri i bari čhuri ko than lako, golese ko dolol pe pi čhuri, tari čhuri ka merol. 53De li gođi, me li našti te moliv me Dade, te bičhalol manđe sigate pobut tare dešuduj vojske e melekurenđe? 54Al te ćerdem gova, sar bi pherdona e Sveta lila, save vaćaren kaj mora gija te avol?”
55Ane gova sato vaćarda o Isus e manušenđe: “Sar palo razbojniko ikliljen čhurencar thaj kaštencar te dolen man? Svako đive bešljem thaj sikadem ano Hram thaj ni dolden man. 56Al sa kava sasa te bi pherdona e Sveta lila e prorokurenđe.”
Tegani sa e sikade ačhade le thaj našle.
O Isus anglo baro sudo
57Kola so dolde e Isuse inđarde le ko baro svešteniko, ko Kajafa, kaj ćidije pe e učitelja tare Mojsijaso zakon thaj e starešine e Jevrejenđe. 58O Petar odural pratisada e Isuse, dži ki avlin e bare sveštenikosi. Dija andre thaj bešlo e stražarencar te bi dičhola so ka avol.
59E šorutne sveštenikura thaj sa o Baro Sudo rodije xoxavne svedočanstvura po Isus te bi mudarena le. 60Al ni arakhlje len, iako avile but xoxavne svedokura. Thaj arakhlje nesar dujen xoxavne svedokuren 61save vaćarde: “Kava manuš phenda: ‘Me šaj phagav o Hram e Devleso thaj paše trin đive te vazdav le.’”
62Pale gova uštilo o baro svešteniko thaj pučlja le: “Sose khanči ni odgovori pe kava so kala manuša svedočin tutar?” 63A o Isus khanči ni vaćarda.
O baro svešteniko vaćarda lese: “Xav tut sovli po džuvdo Dol te vaćare amenđe tu li san o Hrist, Čhavo e Devleso?”
64O Isus vaćarda lese: “Tu vaćardan korkoro. Al me vaćarav tumenđe: Od akana ka dičhen man, e Čhave e manušeso, sar bešav ki desno rig ko počasno than e Zurale Devlese thaj avav pe oblakura taro nebo.”
65Tegani o baro svešteniko pharada pe fostanura thaj vaćarda: “Hulil po Dol! So trubun amen avera svedokura? Akana šunden lesi hula. 66So den gođi?”
A von irisade lese vaćarindoj: “Trubul te merol!”
67Tegani čhungarde le po muj thaj čalade le dumukhencar. A avera šamarisade le 68thaj vaćarde lese: “Prorokuji amenđe, Hriste, ko čalada tut!”
O Petar vaćarol kaj ni pindžarol e Isuse
69O Petar bešlo avral ani avlin. Avili paše leste jekh sluškinja thaj vaćarda: “I tu sana e Isusesa tari Galileja!”
70A vov odreknisajlo angle savorende: “Ni džanav sostar vaćare.”
71Kana o Petar avilo paši kapija, dikhlja le aver sluškinja thaj vaćarda kolenđe so sesa gothe: “I kava sasa e Isusesa taro Nazaret.”
72Thaj palem odreknisajlo thaj xalja sovli: “Ni pindžarav gole manuše!”
73Pale gova avile manuša save ačhena gothe thaj vaćarde e Petrese: “Čače tu san jekh lendar. Ćo vaćaripe gova sikavol!”
74Tegani o Petar lija te dol pe armaja thaj te xal sovli: “Me ni džanav gole manuše!” Thaj sigate đilabija o bašno.
75Tegani dija pe gođi o Petar e lafurenđe so vaćarda lese o Isus: “Angleder so o bašno ka đilabol, trin droma ka vaćare kaj ni pindžare man.” Iklilo avral andari avlin thaj lija zurale te rovol.
Currently Selected:
Matej 26: GSP
Highlight
Share
Copy
Want to have your highlights saved across all your devices? Sign up or sign in
