چھاگلاسگون 6
6
جابستوگپا ردون لدامّا زادس۔
1لوبٹوگ گُونی ٹانگسکا پھیلین یود زانے، یُونانی انے مارانگموگونلا جاگدانگی زان گوچیسّی نانّگا یاپھیس چوچیسپو تھونگتے یہُودی پا ایمان چانگونّی عِبرانی ایمان چانگونّی گیابگالّا سکیون رجود چوس۔
2تیبو تشورّاچیگ رسُول چوگنییسپوے جان لوبٹوگسگون لدوستے کھونگونلا مولس، ”کالتیس کھارجی گوین دُوگستے خُدے حُکم لابچیسپوا سنانّگا ماتانگنا نگاجا گُونی نورٹھول چوستے اینوگ۔ 3تینّابویپھیا فونو گون، کھیوجارانگی ٹونے ہلژخمہ رُوح تانگ شیسرابس گانگسکھان سیواچان بُوژا ردون لدومشیگ، نگاجے کھونگونلا تے لاسپو چوچیسّی کھاگ ستادین۔ 4تینے نگاجا گُونی توس تشانگما دُعا جوچیس تانگ کا لابچیسّی جابستوگی نانّگا تانگ تھوبین۔“
5تے سپیرابو تشورتے تیرو دزومسکھان تشانگما تھاد یانگ کھونگونی لدامکھانگون۔ حضرت ستِفنُس (ایمان تانگ ہلژخمہ رُوح بوے گانگسکھان)، فِلپُس، پروکوروس، نیکانور، تیمون، پارمیناس، سنگونلا یہُودی پے چھوسلا ستینکھان انطاؔکِیہ پا نیکولا ردونکو اینوگ۔ 6تے ردونکو رسُول گُونی لدُونلا کھیرپا کھونگونی کھونگونی گویکا چھاگ بورتے دُعا جوا زادس۔
7خُدے حُکم مانّگا رگیاسین سونگ، لوبٹوگ گُونی ٹانگسکا یروشالیمّی نانّگا مانگپو پھیل یانگ یہُودی پے اِمام مانگپوجیگیانگ ایمان چوس۔
حضرت ستِفنُس زومس۔
8خُدے شزدے تانگ ستوبسّی گنگستے ، حضرت ستِفنُسی میگونّی ٹوا معجزہ تانگ ستاس مانگپو ستانّادپین۔ 9رانگوانگ تھوبکھانّی تشییوگی مجلِس زیرکھانبوے تھوسمی کھاچیگی حضرت ستِفنُس نیامپو زیرزیر گوزوگ چوس۔ کھونگون کیرین، اسکندریہ، کِلِکیہ تانگ آسیہ نے یونگسکھانّی یہُودی پاگون اینپین۔ 10اِین نانگ حضرت ستِفنُسی ہلژخمہ رُوح یانگ شیسرابس نیامپو مولکھانبویکا کھونگون لو ماتھوب۔
11تینے کھونگونی سانگوے تھوگنے لچے کولکھانّی می کھاچیگّا، ”حضرت ستِفنُس سی پیغمبر حضرت مُوسیٰؔ تانگ خُدا تتلوک چوچیسپو نگاجاتشور“ زیرچوگس۔ 12تیزوگ تشورچیسپوے میگون، اُسکیونگون تانگ شریعتی عالِم گونلا حضرت ستِفنُسی کا ثو ثانٹے لانگس۔ کھونگونی حضرت ستِفنُس زومستے یہُودی پے ژوکسپے لدُونلا کھیرس۔
13کھونگونی زونما گواہ مانگپو پھینگس یانگ کھونگونلا زیرچوگس، ”ای می بوے توسگیون ہلژخمہ بیت المقدِس تانگ شریعت گونّی نلوق زیردوگ۔ 14سپیرنا حضرت عیسیٰ سی ناصرة پے ای بیت المقدِس بو شیگچیس یانگ پیغمبر حضرت مُوسیٰؔ سی نگاتانّگا سالکھانّی لوگثولگون گیورین زیرکھانبو نگاجے تشور۔“
15یہُودی پے ژوکسپے نانّگا لدوستے یودکھانگونّی حضرت ستِفنُس لا جاگپو چوستے ستاس، چیازیرنا کھوے لدونگبو خُدے فرشتے جالدونگ ژوگس تھونّگادپین۔
Currently Selected:
چھاگلاسگون 6: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
