چھاگلاسگون 5
5
حننیاہ تانگ کھوے ناما سابپھیرا۔
1تا حننیاہ تانگ کھوے ناما سابپھیرا زیرکھانّی رانگی ساکیادّی کھاگچیگ تسونگس، 2یانگ تھوبکھانّی پینیبوے نانگنے کھاگچیگ سوانگ گیوسچھا ماچوگّا بورتے لوسکھانبو رسُول گُونی جابسّی لدُونلا پھولس۔ کھوے نامے ای تشانگمے نانّگا کھاچھامستے اینپین۔
3تینے حضرت پطرؔس سی مولس، ”حننیاہ، چیا کھیرانگی سنینگی نانّگا شیطان یونگچوگستے، ساکیاد تسونگکھونّی رینّی کھاگچیگ رانگی پھیا بورتے ہلژخمہ رُوح لا زون تانّگاد۔ 4تے ساکیادبو تسونگی سانگ سنگونلانگ کھیرانگی مانپینّا؟ تسونگستے ستینگنیانگ تے پینیبوا کھیرانگی چی چونانگ میتھادّا؟ تینے کھیورانّگا سکیون چوچیسّی ای سامبابو کانے یونگس۔ کھیرانگی نگاجا گُونلا مانپا خُدا زون تانگستے اینوگ۔“
5تیگون تشورّاچیگ حننیاہ سیکا گیل یانگ شی۔ تے جُونگکھانگون تشورکھان تشانگما ثانٹے جیگس۔ 6تیرو یودکھانّی کھیوگتونگ کھاچیگ یونگستے کھوے سپھوربو راسّی نانّگا تومس یانگ پھیلوگا سوبّالا کھیرس۔
7چھوتشود سومجیگی ستینگنے، کھوے ناما تیرو یونگس، تیرو جونگسکھانبو کھوا گیُوس میدپین۔ 8تینے حضرت پطرؔس سی تے بوموبوا مولس، ”شودّانگ؛ ای پینیبو کھیرانگ تانگ کھیرانگی ماگپے ساکیاد تسونگستے رین تھوبکھان گانگپو اینّا؟“
کھوے، ”رین گانگپو اینلے“ جْوس ۔
9حضرت پطرؔس سی مولس، ”کازوگی کھیرانگ نیسکوے مسیح رُوح لا تشودلتاچیسّی تھابس نگانپا لدینگسپین۔ تا کھیرانگی ماگپا سوبّا کھیرکھانگون گھویکا یود، یانگ کھیورانّگانگ پھیلوگا کھورتے کھیرین۔“ 10تینّامالّا تے بوموبو کھونگی جابسّیکا گییلتے شی۔ کھیوگتونگّون نانّگا یونگس یانگ بومو شیتے تھونگپا، کھوانگ پھیلوگا کھیرتے کھورانگی ماگپا نیامپو سوبس۔ 11مسیح عبادت خانہ گانگپو یانگ تے سکورلا تشورکھان تشانگما ثانٹے جیگس۔
رسُول گُونی نادپاگون پھانچوگا زادس۔
12رسُول گُونی میتشوگسّی نانّگا معجزہ مانگپو ستانّا زادس، یانگ ایمان چان تشانگما بیت المقدِس سی نانّگا حضرت سُلیمانی یابسّیکا دزومّادپین۔ 13یولمی تشانگمے کھونگونلا رسیوا ما ٹاگپو چوادپین، اِین نانگ کھونگونی ٹوا ڈیسشیسّی ہامپا سوجیگّانگ مایونگس۔ 14تینیانگ بُوژا تانگ بومو مانگپوجیگی مسیح کا ایمان کھیونگس یانگ ایمان چانگونّی ٹانگسکا رگیاس۔ 15حضرت پطرؔس سی معجزہ ستانّا زادچیسپوے، کھونگ لامنے سکیود زانے کھونگی ٹیبکیاگ پھوگنا گیالین سامستے میگونّی نادپاگون کھیونگستے لامیکا نیالستان تانگ چارپا گونّیکا بورّادپین۔ 16یروشالیمّی نییکھورّی ڈونگکھیرگونّے میمانگس مانگپو دزومس، مانگپوجیگی نادپا تانگ ردود جُوگستے ناگس ستانکھان گُون ٹھیدتے کھیونگس، یانگ حضرت پطرؔس سی تشانگما پھانچوگا زادس۔
رسُول گُونلا ردوگنگال ستانس۔
17تیبو تھونگتے اِمامِ اعظم تانگ کھونگی ٹوپا صدُوقی پاگونلا ثانٹے تشیگچیس یونگس۔ 18کھونگونی رسُول گُون زومچوگستے کھونگون تسونلا کاگس، 19اِین نانگ ژانلا مسیح فرشتا تسونکھانگی گھوگون پھیستے کھونگون پھیلوگا پھینگستے کھیونگس یانگ مولس، 20”تا بیت المقدِس سی گیانگسکورّی نانّگا سونگتے میگونلا میتشے سوما تھوبچیسّی لونبو گانگپو شودشیگ۔“
21ناملانگسّاچیگ، کھونگون بیت المقدِس سی گیانگسکورّی نانّگا سونگتے مولکھان نانگجین چھوسشادّا زادس۔ اِمامِ اعظم تانگ کھونگی ٹوپاگون لیبّاچیگ، یہُودی پے تشوگسدو (یانگنا بنی اِسرائیلی اُسکیونگونی تھوسمی تشانگما) بودتے، کھونگونی ماگمی کھاچیگ رسُول گُون کھیونّگالا تسونکھانّگا لامچوگس۔ 22اِین نانگ تے ماگمیگون تسونکھانّگا لیبّاچیگ کھونگونلا تیرو رسُول گُون ماتھوب، یانگ لوگستے سونگتے ای سکوربو اُسکیونگونلا شادس، 23”تسونکھانگی گھوا کولیگ چوگستے ماستانپو چوستے گھو ثونگپاگون گھوگونّیکا ثونگستے دوگپین، اِین نانگ نگاجے گھو پھیستے نانگکوگا ستاسپا سوانگ میدوگ۔“ 24تے سپیرابو تشورّاچیگ، بیت المقدِس سی گیاسپون تانگ اِمام کُنی چھونمو تشانگما ہالاس، یانگ چی چھاچیس اینوگ سامستے تھےژومس سکییس۔
25تیرو میجیگ یونگستے زیرس، ”ستوسّانگ، کھیوجے تسونلا کاگسکھانّی میگونّی بیت المقدِس سی گیانگسکورّی نانّگا میگونلا چھوسشادّوگ۔“ 26تینے گیاسپون ماگمیگون نیامپو سونگتے رسُول گُون وانگ ماچوا ٹھیدتے کھیونگس، چیازیرنا میگونّی ردوا گیابستے ساداین سامستے کھونگون جیگس۔ 27کھونگونی رسُول گُون یہُودی پے تھوسمیگونّی تشوگسپے لدُونلا کھیونگس، یانگ اِمامِ اعظمی کھونگونلا زیرس، 28”نگاجے کھیوجاگونلا حضرت عیسیٰ سی مینگ کھورتے چھوس ماشاد زیرتے سالپو کا تانگسپین، اِین نانگ کھیوجاگونّی یروشالیم گانگپوے نانّگا تے چھوسپو کھییبس چوگستوگ، یانگ کھو سادکھانّی کھاگپو نگاجیکا کالچیسّی سونڈوس چوروگ۔“
29حضرت پطرؔس تانگ جان رسُول گُونی لانسالس، نگاجے می سانگ خُدے کھانیانگوس۔ 30نگاجے اتا اپو ے خُدے کھیوجے کیانگشینگیکا کیانگستے سادکھانّی حضرت عیسیٰ سی مسیح، شیکھانگونّی ٹونے سونتیا لانّگا زادس۔ 31بنی اِسرائیل پاگونّی دِیگپا چوکھان گونّیکا گیودپا چوستے مُعافی تھوبچیسّی پھیا خُدے حضرت عیسیٰ سی گیالّو تانگ کھوم چُوک کھن چوا زادتے، سیواچانّی کوسا، چھاگ یاسپیکا بورّا زادس۔ 32ہلژخمہ رُوح تانگ نگاجا تیگونّی گواہ این، تینّا ہلژخمہ رُوح بو خُدے کھانیانکھانگونلا سالّا زادس۔
33تیگون تشورپا ثو ثانٹے یونگستے کھونگونی رسُول گُون سادچیسّی سامبا تانگس۔ 34اِین نانگ گملی ایل زیرکھانّی فریسی پا شریعتی عالِم تانگ یولمی تشانگمے سیواچانّی میجیگ یہُودی پے ژوکسپے ٹونے لانگستے کھونگون ژاپیگشیگی پھیا پھیلوگا کھیر زیرتے کا تانگس۔ 35تینے کھوے کھونگونلا زیرس، ”نگے ٹوپا بنی اِسرائیل پاگون کھیوجے تے میگونلا چی چونانگ سامبا تانگستے چوسشیگ، 36چیازیرنا ای سانگ سنگونماجیگ تھیوداس زیرکھانجیگ بینگتے کھو ما کھاگچان میجیگ اینزون تانگسپا می جیبگیا زامشیگ کھوے گیابنے ڈانگس اِین نانگ کھو سادس۔ تینے کھوا چھوگس چوکھان تشانگما یانتے کھوے لاسلا ڈاسبو ماسمین۔ 37تیبوے ستینگنے میڈانگس سیی توسلا، گلِیل پا یہُوداؔہ زیرکھانجیگ بینگپین، کھوے گیابنیانگ می مانگپو سونگ، کھوانگ سادس، یانگ کھوا ڈانگسکھان تشانگما یانتے میدکھان سونگ۔“
38تینّابویپھیا داگسا ای ناسلوگپوا ستاستے نگے کھیوجاگونلا زیرّاد، تے میگونلا چانگ ماچوا پھودّونگ، کالتیس کھونگی لاسگون می چھوگسنے اینّا تیگونلا ڈاسبو میسمین۔ 39کالتیس تیگون خُدے چھوگسنے اینّا، کھیوجا کھونگونی لاسپو گھاگ مینیان، ماتشاد کھیوجاگونّی خُدے گیابگالّا نولتے اینوگ۔ کھونگونی کھوے زیرکھانبوا کھاچھامس۔
40تینے رسُول گُونلا بودس یانگ ستالچاگ گیابچوگستے تانیپھارلا حضرت عیسیٰ سی تشان کھورتے چھوسشاد میچھو زیرتے کھونگون پھودتانگس۔
41حضرت عیسیٰ سی مِنتخسی نانّگا ردوگنگال کھورچیسّی سیوے اوسپا تھیازاد پاسانگ، کھونگون یہُودی پے تشوگسدونے پھیلوگا تھادین بینگتے سونگ۔ 42کھونگونی چھوسشادچیس ماپھانّگا جاگدانگ بیت المقدِس تانگ کھانگپاگونلا سونگتے، حضرت عیسیٰ سی خُدے لدامّا زادکھانّی مسیحا اینکھانبوے سکورلا چھادمیدلا گاموےناتسُول شادس۔
Currently Selected:
چھاگلاسگون 5: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
