Machitilo 6
6
1PA masiku ŵala, pekwenzopaka kupendewa kwa asambili, kwenzepo kwa a Chihellene kwang'onimira a Chihebrayo, pakuti anakazi ŵaŵo ŵofwilwa etailizyiwa poyaŵirira kwa nsiku zyonse. 2Ŵala kumi na aŵiri euita winji wa asambili kwaŵo echiti, Nte chiweme kuti seo tilileke lizu la Mlungu notumikila polyera. 3Teti, akwasu, salulani muli mweo asano na aŵiri ŵantu a mbili iweme, ŵozula Mzimu na nzeru, atiti tiike pa mulimo uyu. 4Sembe seo tokoselela kulomba na potumiki wa lizu ili. 5Aŵa malizu elitemwesya liumba lonse: naŵo esalulapo Stefano, muntu wozula mvwano na Mzimu Mtuŵa, na Filipo, na Prokoro, na Nikanora, na Timoni, na Parmena, na Nikola woyaruka wa ku Antiyokiya: 6ŵechiika pa menso pa apostolo: naŵo apo akasenge eŵasintilila manja.
7Nipo lizu la Mlungu likula, na asambili epaka kwene kantu pa Yerusalemi popendewa kwaŵo; na mpingo ukuru wa ansembe enzoumvwila mvwano.
8Naye Stefano, wozula chawanzi — na vizo, echita vizwezwe na viziŵikwilo vikuru mu ŵantu. 9Lomba euka ŵambi a aŵo enze a sunagoge loitiwa la Alibertino, na Akurenayo, na Aalesandrayo, na a aŵo a ku Kilikiya na ku Asiya, enzosusyana na Stefano. 10Naŵo aliyokumako kususya nzeru na Mzimu wechinena naye. 11Pamene apo eŵenzya ŵantu kunsei, amene echiti, Timumvwa enzoŵachitila Musa na Mlungu misiyakuŵi. 12Naŵo ekulumizya ŵantu na akuruakuru na alembi, emzila nomkata nomkulikira ku nsaka ya milandu, 13epanamika ntoni zya wenye zyamene zichiti, Uyu muntu ntofuza kulaŵira malizu ŵosusya ulo uyu wozila na dango: 14pakuti timumvwa enena kuti uyu Yesu wa ku Nazarete azasapule ulo uyu, noyaruzya misango yechitipa Musa. 15Naŵo ŵonse enzenkezi pa nsaka pomlolesisya eŵona chinso chake nga ni chinso cha malaika.
Currently Selected:
Machitilo 6: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
