Chhòng-sè-kì 5

A-tong ê Hō͘-tāi

(1 Tāi 1.1-4)

1Ē-bīn sī A-tong ê hō͘-tāi. Siōng-tè chhòng-chō lâng ê sî, sī chiàu I ka-kī ê khoán-sit chhòng-chō. 2I chhòng-chō in ū lâm ū lú; tī in siū chhòng-chō ê sî, sù in hok-khì, chheng in chòe Jîn-lūi. 3A-tong chi̍t-pah saⁿ-cha̍p hè ê sî siⁿ chi̍t ê kiáⁿ, kap i ê hêng-siōng khoán-sit chin sio-siâng, kā i hō-miâ kiò Sài-te̍k. 4A-tong siⁿ Sài-te̍k liáu-āu, koh oa̍h poeh-pah nî; chit tiong-kan ū koh siⁿ hāu-siⁿ cha-bó͘-kiáⁿ. 5A-tong chóng-kiōng oa̍h káu-pah saⁿ-cha̍p hè chiah sí.

6 Sài-te̍k chi̍t-pah khòng gō͘ hè ê sî siⁿ Í-ná-sū. 7Sài-te̍k siⁿ Í-ná-sū liáu-āu, iáu oa̍h poeh-pah khòng chhit nî; hit tiong-kan ū koh siⁿ hāu-siⁿ cha-bó͘-kiáⁿ. 8Sài-te̍k chóng-kiōng oa̍h káu-pah cha̍p-jī hè chiah sí.

9 Í-ná-sū káu-cha̍p hè ê sî siⁿ Kai-lâm. 10Í-ná-sū siⁿ Kai-lâm liáu-āu, iáu oa̍h poeh-pah cha̍p-gō͘ nî; hit tiong-kan ū koh siⁿ hāu-siⁿ cha-bó͘-kiáⁿ. 11Í-ná-sū chóng-kiōng oa̍h káu-pah khòng gō͘ hè chiah sí.

12 Kai-lâm chhit-cha̍p hè ê sî siⁿ Má-le̍k-lia̍t. 13Kai-lâm siⁿ Má-le̍k-lia̍t liáu-āu, iáu oa̍h poeh-pah sì-cha̍p nî; hit tiong-kan ū koh siⁿ hāu-siⁿ cha-bó͘-kiáⁿ. 14Kai-lâm chóng-kiōng oa̍h káu-pah cha̍p hè chiah sí.

15 Má-le̍k-lia̍t la̍k-cha̍p gō͘ hè ê sî siⁿ Ngá-lia̍t. 16Má-le̍k-lia̍t siⁿ Ngá-lia̍t liáu-āu, iáu oa̍h poeh-pah saⁿ-cha̍p nî; hit tiong-kan ū koh siⁿ hāu-siⁿ cha-bó͘-kiáⁿ. 17Má-le̍k-lia̍t chóng-kiōng oa̍h poeh-pah káu-cha̍p gō͘ hè chiah sí.

18 Ngá-lia̍t chi̍t-pah la̍k-cha̍p jī hè ê sî siⁿ Í-lo̍k. 19Ngá-lia̍t siⁿ Í-lo̍k liáu-āu, iáu oa̍h poeh-pah nî; hit tiong-kan ū koh siⁿ hāu-siⁿ cha-bó͘-kiáⁿ. 20Ngá-lia̍t chóng-kiōng oa̍h káu-pah la̍k-cha̍p jī hè chiah sí.

21 Í-lo̍k la̍k-cha̍p gō͘ hè ê sî siⁿ Má-thó͘-sat-la. 22Í-lo̍k siⁿ Má-thó͘-sat-la liáu-āu, kap Siōng-tè tâng-kiâⁿ saⁿ-pah nî; hit tiong-kan ū koh siⁿ hāu-siⁿ cha-bó͘-kiáⁿ. 23Í-lo̍k chóng-kiōng oa̍h saⁿ-pah la̍k-cha̍p gō͘ hè. 24Í-lo̍k kap Siōng-tè tâng-kiâⁿ; Siōng-tè chiap i khì, lâng chiū bōe-tàng koh khòaⁿ-tio̍h i.

25 Má-thó͘-sat-la chi̍t-pah poeh-cha̍p chhit hè ê sî siⁿ La-be̍k. 26Má-thó͘-sat-la siⁿ La-be̍k liáu-āu, iáu oa̍h chhit-pah poeh-cha̍p jī nî; hit tiong-kan ū koh siⁿ hāu-siⁿ cha-bó͘-kiáⁿ. 27Má-thó͘-sat-la chóng-kiōng oa̍h káu-pah la̍k-cha̍p káu hè chiah sí.

28 La-be̍k chi̍t-pah poeh-cha̍p jī hè ê sî siⁿ chi̍t ê kiáⁿ, 29kā i hō-miâ kiò-chòe Ná-a#5.29 “Ná-a” ì-sù sī “an-ùi”.; i kóng, “Chit-ê kiáⁿ beh an-ùi lán, in-ūi Siōng Chú bat chiù-chó͘ tōe, hō͘ lán tio̍h chòe kang lô-khó͘.” 30La-be̍k siⁿ Ná-a liáu-āu, iáu oa̍h gō͘-pah káu-cha̍p gō͘ nî; hit tiong-kan ū koh siⁿ hāu-siⁿ cha-bó͘-kiáⁿ. 31La-be̍k chóng-kiōng oa̍h chhit-pah chhit-cha̍p-chhit hè chiah sí.

32 Ná-a gō͘-pah hè í-āu, ū siⁿ Siám, Hâm, kap Ngá-hut.

Currently Selected:

Chhòng-sè-kì 5: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Videos for Chhòng-sè-kì 5

GEN 1-11

The Bible Project

Genesis Part 1

The Bible Project

Chhòng-sè-kì 5

Popular Bible Verses from
Chhòng-sè-kì 5

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 5

Videos for Chhòng-sè-kì 5

GEN 1-11

Genesis Part 1

Chhòng-sè-kì 5

Popular Bible Verses from Chhòng-sè-kì 5

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 5

Videos for Chhòng-sè-kì 5

GEN 1-11

Genesis Part 1

Popular Bible Verses from
Chhòng-sè-kì 5