Chhòng-sè-kì 6

Siâ-ok ê Jîn-lūi

1Jîn-lūi tī tōe-chiūⁿ lâng-gia̍h ná ke-thiⁿ, mā ū siⁿ cha-bó͘-kiáⁿ. 2Siōng-tè ê kiáⁿ#6.2 “Siōng-tè ê kiáⁿ” mā thang e̍k-chòe “sîn-bêng ê kiáⁿ” á-sī “chhiau chū-jiân ê lâng”. khòaⁿ-tio̍h lâng ê cha-bó͘-kiáⁿ súi, chiū kéng ka-kī ì-ài--ê lâi chòe bó͘. 3Siōng Chú kóng, “Lâng kì-jiân sio̍k ōe-sí ê jio̍k-thé, góa ê sîn chiū bô beh éng-oán tòa tī in lāi-bīn, in ê hè-siū ōe-tàng kàu chi̍t-pah jī-cha̍p hè.” 4Siōng-tè ê kiáⁿ kap lâng ê cha-bó͘-kiáⁿ tâng-pâng siⁿ-kiáⁿ; tùi hit-sî khí, sè-kan chiū ū tōa-hàn-lâng, in sī kó͘-chá chhut-miâ ê eng-hiông.

5Siōng Chú khòaⁿ-kìⁿ lâng tī sè-kan hoān-chōe chin tāng, ta̍k-ji̍t ê sim-su ì-liām lóng sī siâ-ok, 6chiū in-ūi I chō lâng tī sè-kan, kám-kak ûi-hām, sim kan-khó͘. 7Siōng Chú kóng, “Góa beh tùi sè-kan châu-bia̍t góa só͘ chhòng-chō ê lâng, mā beh siau-bia̍t cháu-siù, teh pê ê tōng-bu̍t, kap pe-chiáu, in-ūi góa chō in liáu-āu kám-kak ûi-hām.” 8Chí-ū Ná-a tit-tio̍h Siōng Chú ê un-tián.

Ná-a Chō Tōa-chûn

9Ē-bīn sī iú-koan Ná-a ê kì-sū. Ná-a sī gī-lâng, tī hit sè-tāi ê lâng tiong-kan sī sûn-choân chèng-ti̍t ê lâng; Ná-a kap Siōng-tè tâng-kiâⁿ. 10Ná-a ū saⁿ ê kiáⁿ: Siám, Hâm, kap Ngá-hut. 11Sè-kài tī Siōng-tè ê bīn-chêng pāi-hoāi, chhiong-móa kiông-pō. 12Siōng-tè khòaⁿ sè-kài lóng pāi-hoāi, in-ūi lâng tī sè-kan ê kiâⁿ-chòe siâ-ok.

13Siōng-tè tùi Ná-a kóng, “Góa koat-tēng beh siau-bia̍t só͘-ū ê oa̍h-mi̍h, in-ūi in ê kiông-pō chhiong-móa sè-kan, góa beh chiong in kap tāi-tōe chòe-chi̍t-ē húi-bia̍t. 14Lí tio̍h ēng chhêng-pek-chhâ chòe tōa-chûn, chûn-lāi keh pâng-keng, lāi-gōa kô͘ táⁿ-má-ka. 15Lí tio̍h án-ni chō tōa-chûn: Tn̂g chi̍t-pah saⁿ-cha̍p-saⁿ kong-chhioh, khoah jī-cha̍p-jī kong-chhioh, koân cha̍p-saⁿ kong-chhioh. 16Tio̍h chòe thiⁿ-thang, koân sì-cha̍p-sì kong-hun; mn̂g choh tī chûn-piⁿ; chûn tio̍h chòe saⁿ chàn, hun siōng, tiong, hā. 17Góa beh hō͘ tāi-tōe tōa-chúi hoàn-lām, húi-bia̍t thiⁿ-ē só͘-ū ê oa̍h-mi̍h; tōe-chiūⁿ só͘-ū ê seng-bu̍t lóng ōe sí. 18M̄-kú góa beh kap lí li̍p-iok. Lí kap lí ê kiáⁿ, lí ê bó͘, lí ê sin-pū lóng tio̍h ji̍p-khì tōa-chûn lāi-bīn. 19Só͘-ū ê oa̍h-mi̍h, ta̍k-chióng chi̍t tùi, chi̍t chiah kang--ê, chi̍t chiah bú--ê, lí tio̍h tòa in ji̍p tōa-chûn, hō͘ in kap lín chòe-hé pó-choân sìⁿ-miā. 20Pe-chiáu, cheng-siⁿ, kap teh pê ê tōng-bu̍t, kok chiàu in ê chióng-lūi, chi̍t-tùi chi̍t-tùi chhōa-ji̍p chûn, pó-choân in ê sìⁿ-miā. 21Lí tio̍h ūi-tio̍h lín kap hiah-ê tōng-bu̍t chek-chū ta̍k-khoán ê chia̍h-mi̍h.” 22Ná-a chiū lóng chiàu Siōng-tè ê bēng-lēng khì chòe.

Currently Selected:

Chhòng-sè-kì 6: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Chhòng-sè-kì 6

Videos for Chhòng-sè-kì 6

GEN 1-11

The Bible Project

Genesis Part 1

The Bible Project

Chhòng-sè-kì 6

Popular Bible Verses from
Chhòng-sè-kì 6

Videos for Chhòng-sè-kì 6

GEN 1-11

Genesis Part 1

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 6

Chhòng-sè-kì 6

Popular Bible Verses from Chhòng-sè-kì 6

Videos for Chhòng-sè-kì 6

GEN 1-11

Genesis Part 1

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 6

Popular Bible Verses from
Chhòng-sè-kì 6