Chhòng-sè-kì 7

Tōa-chúi

1Siōng Chú tùi Ná-a kóng, “Lí kap lín choân-ke lóng tio̍h ji̍p tōa-chûn; in-ūi chit sè-tāi ê lâng kan-ta lí tī góa ê bīn-chêng sī gī-lâng. 2Só͘-ū lé-gî-siōng chheng-khì ê cheng-siⁿ, lí tio̍h tòa chhit chiah kang--ê, chhit chiah bú--ê; bô chheng-khì ê cheng-siⁿ, lí tio̍h tòa chi̍t chiah kang--ê, chi̍t chiah bú--ê. 3Pe-chiáu mā tio̍h tòa chhit chiah kang--ê, chhit chiah bú--ê, thang tī choân-tōe thoân-chéng. 4Koh kè chhit ji̍t, góa beh lo̍h-hō͘ sì-cha̍p mî sì-cha̍p ji̍t, chiong góa só͘ chō it-chhè ê oa̍h-mi̍h lóng tùi tōe-chiūⁿ châu-bia̍t.” 5Ná-a chiū lóng chiàu Siōng Chú ê bēng-lēng khì chòe.

6Tōa-chúi tī tōe-chiūⁿ hoàn-lām ê sî, Ná-a la̍k-pah hè. 7Ná-a kap i ê kiáⁿ, i ê bó͘, i ê sin-pū, lóng ji̍p tōa-chûn, siám-pī tōa-chúi. 8Lé-gî-siōng chheng-khì ê cheng-siⁿ kap bô chheng-khì ê cheng-siⁿ, pe-chiáu, kap tōe-chiūⁿ teh pê ê tōng-bu̍t, 9lóng chi̍t-tùi chi̍t-tùi, ū kang--ê ū bú--ê, khì Ná-a hia, chiàu Siōng-tè tùi Ná-a ê bēng-lēng chìn-ji̍p tōa-chûn. 10Chhit ji̍t āu, tōa-chúi tī tōe-chiūⁿ hoàn-lām.

11 Ná-a la̍k-pah hè hit-nî ê jī-ge̍h cha̍p-chhit hit-ji̍t, chhim-ian ê chúi-goân li̍h--khui, thiⁿ-téng ê chúi-mn̂g lóng phah-khui. 12Hō͘ lo̍h sì-cha̍p mî sì-cha̍p ji̍t. 13Chiū tī hit-ji̍t, Ná-a kap i ê kiáⁿ, Siám, Hâm, Ngá-hut, kap Ná-a ê bó͘, í-ki̍p i saⁿ ê sin-pū lóng ji̍p tōa-chûn; 14só͘-ū ê iá-siù, cheng-siⁿ, teh pê ê tōng-bu̍t, ū-si̍t ê oa̍h-mi̍h, í-ki̍p pe-chiáu, kok chiàu in ê chióng-lūi, lóng kap Ná-a choân-ke chìn-ji̍p tōa-chûn. 15It-chhè ū sìⁿ-miā ê oa̍h-mi̍h lóng chi̍t-tùi chi̍t-tùi khì Ná-a hia, chìn-ji̍p tōa-chûn. 16Só͘-ū ji̍p tōa-chûn ê tōng-bu̍t, chiàu Siōng-tè tùi Ná-a ê bēng-lēng, ū kang--ê ū bú--ê; Siōng Chú chiū kā tōa-chûn ê mn̂g koaiⁿ--khí-lâi.

17Chúi tī tōe-chiūⁿ hoàn-lām sì-cha̍p ji̍t; chúi tiòng-koân, chiong tōa-chûn thìⁿ--khí-lâi, hō͘ chûn tùi tōe-bīn phû--khí-lâi. 18Chúi-sè chin tōa, tī tōe-chiūⁿ ti̍t-ti̍t tiòng--khí-lâi; chûn tī chúi-bīn phiau-liû. 19Chúi jú-tiòng jú-koân, kā thiⁿ-ē ê koân-soaⁿ lóng im--kè. 20Chúi pí soaⁿ koân chhit kong-chhioh; soaⁿ-thâu lóng hō͘ chúi im-liáu-liáu. 21Tōe-chiūⁿ só͘-ū ê oa̍h-mi̍h, pau-koat pe-chiáu, cheng-siⁿ, iá-siù, kui-kûn teh pê ê tōng-bu̍t, í-ki̍p só͘-ū ê lâng, lóng sí. 22Só͘-ū tī tōe-chiūⁿ ēng phīⁿ-khang chhoán-khùi ê oa̍h-mi̍h lóng sí. 23Tōe-chiūⁿ só͘-ū ê oa̍h-mi̍h lóng siū siau-bia̍t; lâng kap cheng-siⁿ, teh pê ê tōng-bu̍t, í-ki̍p khong-tiong ê pe-chiáu, lóng tùi tōe-chiūⁿ siau-bia̍t; chí-ū chhun Ná-a í-ki̍p hiah-ê kap i tī tōa-chûn lāi-bīn--ê iáu oa̍h--teh. 24Tōa-chúi tī tōe-chiūⁿ hoàn-lām chi̍t-pah gō͘-cha̍p ji̍t.

Currently Selected:

Chhòng-sè-kì 7: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Chhòng-sè-kì 7

Videos for Chhòng-sè-kì 7

GEN 1-11

The Bible Project

Genesis Part 1

The Bible Project

Chhòng-sè-kì 7

Popular Bible Verses from
Chhòng-sè-kì 7

Videos for Chhòng-sè-kì 7

GEN 1-11

Genesis Part 1

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 7

Chhòng-sè-kì 7

Popular Bible Verses from Chhòng-sè-kì 7

Videos for Chhòng-sè-kì 7

GEN 1-11

Genesis Part 1

Bible:

Chinese, Min Nan

Version: 現代台語譯本羅馬字版 - TTVR

Chhòng-sè-kì 7

Popular Bible Verses from
Chhòng-sè-kì 7