Lō͘-ka Hok-im 17

Chōe, Sìn-sim, Ho̍k-sāi

(Thài 17.20; 18.6-7, 21-22; Khó 9.42)

1Iâ-so͘ koh tùi I ê bûn-tô͘ kóng, “Ín-khí lâng hoān-chōe ê sū it-tēng ū, put-kò chō-sêng chit-ê sū ê lâng chhám ah! 2Lêng-khó ēng tōa chio̍h-bō kā i tiàu tī ām-kún hiat-lo̍h hái, mā m̄-thang hō͘ bî-sòe ê chi̍t ê poa̍h-tó hoān-chōe. 3Lín ka-kī mā tio̍h kín-sīn!

“Lí ê hiaⁿ-tī á-sī chí-bē nā hoān-chōe, tio̍h kā i chek-pī, i nā hóe-kái, tio̍h kā i sià-bián. 4Nā ū lâng chi̍t ji̍t tek-chōe lí chhit piàn, chhit piàn lóng oa̍t tò-tńg lâi kā lí kóng ‘Góa hóe-kái lah’, lí mā lóng tio̍h kā i sià-bián.”

5Sù-tô͘ tùi Chú kóng, “Kiû lí ke-thiⁿ goán ê sìn-sim!”

6Chú kóng, “Lín nā ū chhin-chhiūⁿ kòa-chhài-chí hiah tōa ê sìn-sim, kā chit-châng sng-châi-chhiū kóng ‘Liân kun pu̍ih--khí-lâi, khì chai tī hái--ni̍h’, hit-châng chhiū mā ōe ho̍k-chiông lín.

7“Lín tiong-kan kiám ū sím-mi̍h-lâng, i ê po̍k-jîn khì choh-hn̂g á-sī chhī iûⁿ, tùi hn̂g--ni̍h tńg--lâi ê sî, ōe kā po̍k-jîn kóng ‘Kóaⁿ-kín chē lo̍h-lâi chia̍h-pn̄g’? 8I kiám bōe kā i kóng ‘Kā góa chún-pī àm-tǹg; hâ ûi-kûn lâi sū-hāu góa chia̍h-pn̄g, āu-lâi lí chiah chia̍h chiah lim’? 9Po̍k-jîn chòe chú-lâng só͘ hoan-hù ê tāi-chì, chú-lâng kiám tio̍h kā i soeh-siā? 10Lín mā-sī án-ni, lín chòe siū kau-tài ê tāi-chì liáu-āu, tio̍h kóng ‘Goán sī bô lō͘-ēng ê po̍k-jîn, goán put-kò chīn pún-hūn chòe nā-tiāⁿ’.”

I-hó Cha̍p Ê Bâ-hong Pīⁿ-lâng

11Iâ-so͘ khì Iâ-lō͘-sat-léng ê lō͘-tiong, keng-kè Sat-má-lī-a kap Ka-lī-lī ê kau-kài. 12I ji̍p-khì chi̍t ê chng-siā ê sî tú-tio̍h cha̍p ê bâ-hong pīⁿ-lâng. In khiā tī hn̄g-hn̄g ê só͘-chāi, 13tōa-siaⁿ hoah, “Iâ-so͘ lāu-su ah, lîn-bín goán!”

14Iâ-so͘ chi̍t-ē khòaⁿ--tio̍h, chiū kā in kóng, “Lín khì hō͘ chè-si kiám-cha!”

In tī lō͘-tiong, chiū tit-tio̍h chheng-khì. 15Kî-tiong ū chi̍t ê khòaⁿ-tio̍h ka-kī ê pīⁿ í-keng hó, chiū tò-tńg-lâi tōa-siaⁿ o-ló Siōng-tè, 16phak tī Iâ-so͘ ê kha-chêng, kā I kám-siā. Chit-ê sī Sat-má-lī-a-lâng. 17Iâ-so͘ mn̄g kóng, “Kiám m̄-sī ū cha̍p ê lâng tit-tio̍h i-hó? Iáu hit káu ê tī tó-ūi? 18Chit-ê gōa-cho̍k ê lâng í-gōa kiám bô lâng tńg-lâi kám-siā Siōng-tè?” 19Iâ-so͘ chiū kā hit-ê lâng kóng, “Khí--lâi, tńg--khì. Lí ê sìn-sim ū kiù lí.”

Siōng-tè-kok ê Lâi-lîm

(Thài 24.23-28, 37-41)

20Ū chi̍t piàn, chi̍t-kóa Hoat-lī-sài-phài ê lâng mn̄g Iâ-so͘, Siōng-tè-kok sím-mi̍h sî ōe lâi-lîm. Iâ-so͘ ìn kóng, “Siōng-tè-kok ê lâi-lîm m̄-sī lâng khòaⁿ ōe chhut--lâi, 21mā bô lâng ōe-tàng kóng ‘Lí khòaⁿ, tī hia’, á-sī kóng ‘Lí khòaⁿ, tī chia’, in-ūi Siōng-tè-kok sī tī lín tiong-kan.”

22Iâ-so͘ chiū tùi I ê bûn-tô͘ kóng, “Ji̍t-chí teh-beh kàu, lín siūⁿ-beh khòaⁿ Jîn-chú lâi-lîm ê ji̍t-chí, liân chi̍t ji̍t mā khòaⁿ bōe tio̍h. 23Ū lâng ōe kā lín kóng ‘Lí khòaⁿ, tī hia’, á-sī kóng ‘Lí khòaⁿ, tī chia’. M̄-thang chhut--khì, mā m̄-thang tè in khì. 24Sih-nà tùi thiⁿ chit-pêng sih, chiò kàu thiⁿ hit-pêng, Jîn-chú tī hit-ji̍t mā ōe chhin-chhiūⁿ án-ni lâi-lîm. 25Put-kò, I it-tēng tio̍h seng siū chin chōe khó͘-lān, koh hō͘ chit sè-tāi ê lâng kū-choa̍t. 26Jîn-chú lâi-lîm ê ji̍t-chí ōe kap Ná-a ê sî kâng-khoán; 27hit-sî lâng chiàu-siông lim-chia̍h kè-chhōa, it-ti̍t kàu Ná-a ji̍p-khì tōa-chûn hit-ji̍t. Tōa-chúi kàu, kā in lóng siau-bia̍t. 28Hit-ji̍t mā kap Lô-tek ê ji̍t-chí kâng-khoán, lâng chiàu-siông lim-chia̍h, bóe-bōe, chèng-choh, khí-chhù, 29m̄-kú Lô-tek tùi Só͘-to-má chhut--khì hit-ji̍t, tùi thiⁿ ū lo̍h hé kap liû-hông, kā in lóng siau-bia̍t. 30Jîn-chú hián-hiān ê ji̍t mā ōe chhin-chhiūⁿ án-ni.

31“Hit-ji̍t, tī chhù-téng--ê, m̄-thang lo̍h-lâi the̍h chhù-lāi ê mi̍h-kiāⁿ; tī hn̂g--ni̍h-ê, mā m̄-thang tò-tńg--khì. 32Tio̍h ōe-kì-tit Lô-tek ê bó͘ só͘ tú--tio̍h ê tāi-chì! 33Só͘-ū siūⁿ-beh pó-chûn ka-kī sìⁿ-miā--ê, ōe sòng-sit sìⁿ-miā; só͘-ū sòng-sit ka-kī ê sìⁿ-miā--ê, ōe tit-tio̍h sìⁿ-miā. 34Góa kā lín kóng, tī hit-àm, ū nn̄g ê lâng khùn kâng chi̍t téng bîn-chhn̂g, chi̍t ê ōe siū chhōa--khì, lēng-gōa chi̍t ê ōe lâu--teh. 35Ū nn̄g ê hū-jîn-lâng chòe-hé teh oe chio̍h-bō, chi̍t ê siū chhōa--khì, chi̍t ê lâu--teh. 36Ū nn̄g ê lâng tī hn̂g--ni̍h, chi̍t ê siū chiap--khì, chi̍t ê lâu--teh.”#17.36 Ū ê chhau-pún bô 36 chat.

37Bûn-tô͘ mn̄g Iâ-so͘ kóng, “Chú ah, ōe tī tó-ūi hoat-seng?”

Iâ-so͘ kā in kóng, “Si-thé tī tó-ūi, thuh-thâu-eng lóng ōe khîⁿ óa-khì hia.”

Currently Selected:

Lō͘-ka Hok-im 17: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Lō͘-ka Hok-im 17

Videos for Lō͘-ka Hok-im 17

Luke 10-24

The Bible Project

Woe to Those Who Cause Others to Sin

Jesus Film Project

Jesus Teaches About Prayer and Faith

Jesus Film Project

Lō͘-ka Hok-im 17

Popular Bible Verses from
Lō͘-ka Hok-im 17

Videos for Lō͘-ka Hok-im 17

Luke 10-24

Woe to Those Who Cause Others to Sin

Jesus Teaches About Prayer and Faith

Bible:

Chinese, Min Nan

Version: 現代台語譯本羅馬字版 - TTVR

Lō͘-ka Hok-im 17

Lō͘-ka Hok-im 17

Popular Bible Verses from Lō͘-ka Hok-im 17

Videos for Lō͘-ka Hok-im 17

Luke 10-24

Woe to Those Who Cause Others to Sin

Jesus Teaches About Prayer and Faith

Bible:

Chinese, Min Nan

Version: 現代台語譯本羅馬字版 - TTVR

Lō͘-ka Hok-im 17

Popular Bible Verses from
Lō͘-ka Hok-im 17