Zwz Nduq 22
22
Dij Sen Daeg Zaw Yaqboahlazhanq
1Gvaq ndaej ndauj ux yaq, dij Sen daeg zaw Yaqboahlazhanq. Dij Sen rongx dix: "Yaqboahlazhanq!" Dix yaeng: "Hoiz, gux yuq inxnaeh." 2Dij Sen hax: "Mawz zowz Yitsaeg, maeng lug zaiz doag mawz, maeng mawz nwh dix taeuq naeh, mwz dih Mohliqyaq naeh. Yuq dih aen bo gux yaix mawz mwz naeh, aeu dix pyaeu, mbud hawj gux." 3Nawlaeng zaeux, Yaqboahlazhanq tangj dij loix ndae yaq, zowz song maeng puj koij dix daj lug zaiz dix Yitsaeg. Dix goj paq hunz ndae nauq. Sowh hunz naeh zawh aeu mwz pyaeu gaenq mbud dij Sen. Zoq mwz dih dij Sen yaix dix mwz naeh. 4Vaenz daih sam, Yaqboahlazhanq naengz yuq gvae taeuq, haeuz leztaen dih gaengnaeh. 5Yaq dix daj song maeng puj koij dix hax: "Gaenqsu daj dij loix yuq inxnaeh taj, gux zowz maeng naeh bae baiz naeh mbud dij Sen, yaq gaenqpiu daeuq dauh maz inxnaeh." 6Yaqboahlazhanq hawj Yitsaeg baz hunz sowh aeu mwz pyaeu gaenq mbud dij Sen naeh, hoakri dix tw remz daj faez.
Sowh gau boh lug dix mwz naeh, 7Yitsaeg daj dez dix Yaqboahlazhanq hax: "Dez!" Yaqboahlazhanq yaeng: "Lug gux ah, gaeng ah?" Yitsaeg cham: "Mawz lez, faez daj hunz haeuz gaj yowngh gaj miz, gaj sowh dij mbej aeu pyaeu mbud dij Sen naeh yuq rawz ah?" 8Yaqboahlazhanq yaeng: "Lug gux aj, sowh dij mbej aeu pyaeu mbud dij Sen naeh, dij Sen haeggaj aeu nyaengxtaj." Yaq doiqdix daeuq daeq mwznaj.
9Paenqdix mwz taeng dih dij Sen yaix Yaqboahlazhanq mwz naeh. Yaqboahlazhanq zoq yuq dih naeh hoak aen kuq tin mbud dij Sen ux, aeu hunz hoak moangj nyaengx now kuq tin, puk lug zaiz hoakri dix Yitsaeg mwz nyaengx now moangj hunz. 10Sowh gau Yaqboahlazhanq yaeuj remz daz kaj lug dix naeh, 11bin Yez'hoahhuah yuq ndaw pumhfax rongx dix: "Yaqboahlazhanq! Yaqboahlazhanq!" Dix yaeng: "Hoiz, gux yuq inxnaeh." 12Bin Yez'hoahhuah hax: "Laek kaj dix, ditrawz naengz mboq hawj mawz hoj dix. Mawz daengzgaj lug zaiz mawz, zoq zawh maeng lug zaiz doag mawz naengz aeu hawj dij Sen, mboq aeu leux hawj hoakri mawz. Gannaeh gux ruxndeq mawz zawh sowh goanz ruxndeq mbu dij Sen naeh eh."
13 Yaqboahlazhanq lez bae haenzhenz, oh, leztaen taek mbejpaij ux, song kaeu vaej zoah nyaj, bae dih ndai mboq baenz. Yaqboahlazhanq zoq bae hih dix, aeu dix maz dang lug dix pyaeu hawj dij Sen. 14Yaqboahlazhanq zoq rongx dih naeh hoak Yez'hoahhuah Yixlowh "Yez'hoahhuah Yixlowh" zoq zawh hax: "Dij Sen haeggaj rux aeu nyaengxtaj." Taengdiak gannaeh daenh naengz hax: "Yuq ndaw bo dij Sen, dix haeggaj rux aeu nyaengxtaj."
15Bin Yez'hoahhuah daeuq yuq pumhfax rongx Yaqboahlazhanq: 16"Yez'hoahhuah hax: ‘Mawz biak kauq gux hoak mbaed saeh naeh, hax mawz mboq aeu maeng lug zaiz mawz, zoq zawh maeng lug zaiz doag naeh leux, baenznaeh gux jix hoakri gux daj mawz haxgoak daekgoanq, 17gux toj gumx mawz mboqyaq, hawj luglan mawz raengh huhhuh, lai daj ndaundiq pumhfax dungzlumj, lai daj saiz haenz haij dungzlumj. Gux hawj luglan mawz mwznaj longx ndaej aen chaenh sowh puj hoak dangqbaih naeh. 18Mawz biak kauq gux, hoakzaqnaeh dij goanz dihndin goh rawz goj ndaelaeng luglan mawz.’" 19Yaqboahlazhanq dauh maz taeng dih song maeng puj koij dix taj naeh. Paenqdix zaemh dauh maz taeng Behsowqbaz, dih Yaqboahlazhanq ndowj naeh.
20Gvaq suq saeh naeh yaq, miz dij goanz haxdoq Yaqboahlazhanq: "Gux haxdoq mawz, Mihzaz goj saeh nongx zaiz mawz Nahhowh zowngx biad goanz lug zaiz: 21Lug zaiz to zawh Uzswz, nongx zaiz Uzswz zawh Buqswz, Jizmuxliq goanz dez Yaqlanh naeh, 22Jizcez, Hazsoax, Bihdah, Yiqlaz, Pihtuxliq" 23Laemh goanz Pihtuxliq naeh, dix zawh dez Liqbowhzaz naeh. Biad goanz naeh zawh Mihzaz saeh Nahhowh, goanz nongx zaiz Yaqboahlazhanq naeh zowngx. 24Nahhowh naengz miz goanz mezlaeng ux minxzwh hoak Leuhmax. Leuhmax zowngx Tihbah, Zazhanh, Tazcah, Maxzaz.
Currently Selected:
Zwz Nduq 22: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
