Zwz Nduq 23
23
Yaqboahlazhanq Moak Sazlaz
1 Sazlaz ndaej baeg-ux-laeng-ngihsip-jiat bi zoq mboq miz, dix daengz zohgoanz zaeu ndaej gaj roiz naeh. 2Dix yuq ndaw Zaznanh, dih aen chaenh Jizleh-yaqbaz naeh tai, Jizleh-Yaqbaz goj rongx hoak Cizboahlunh. Yaqboahlazhanq maz dih naeh haej Sazlaz. 3Doaklaeng Yaqboahlazhanq ni henz mijmez dix og bae, bae dih puj Howx yuq naeh, daj puj Howx hax: 4"Gux zawh dij goanz dih ndai, maz ndowj laeng su. Vanz gaenqsu kai saek gumh namh hawj gux, hawj gux miz dih moak puj tai." 5Puj Howx daj dix hax: 6"Zaeuj aj, mawz biak gux hax, gaenqpiu aeu mawz hoak daj laux saeq piu dungzlumj. Dih mohbujreuh rawz yawz nyeuz, mawz zoq aeu dih rawz moak puj tai mawz. Gawz goj mboq rux hax mawz." 7Yaqboahlazhanq zoq dwnq maz, gvih bae doq puj Howx dih naeh, 8daj paenqdix hax: "Jixzawh gaenqsu venq hawj gux aeu puj tai gux yuq inxnaeh moak, vanz gaenqsu saeh gux vanz Yixfuhlunh goanz lug zaiz Soaxcah naeh, 9hawj dix aeu aen ngomz Mowhbixlaz, aen yuq to raeh dix naeh, kai hawj gux. Dix aeu gajrawz ngaenz, gux zoq aeu hawj dix gajrawz ngaenz, hawj gux aeu hoak dih mohbujreuh." 10-11Laemh zwz naeh Yixfuhlunh goj yuq dih puj Howx dix naeh naengh. Yaq Yixfuhlunh zoq yuq doqnaj puj Howx dix hoakzaqnaeh yaeng Yaqboahlazhanq: "Mawz laek hoakzaqnaeh hax gaz, mawz biak gux hax, gux aeu oaxraeh naeh soangq hawj mawz, aeu daengz aen ngomz yuq to raeh naeh soangq hawj mawz. Gux yuq doqnaj puj Howx gux aeu dih naeh soangq hawj mawz, hawj mawz miz dih aeu moak puj tai mawz." Puj Howx sowh puj daeuj baegdu long ndaw chaenh naeh, gaj goanz gaj ruxnyinz Yixfuhlunh hax. 12Yaq Yaqboahlazhanq zoq gvih bae doqnaj puj Howx, 13yuq doqnaj puj Howx daj Yixfuhlunh hax: "Mawz biak gux hax, jixzawh mawz venq aeu hawj gux, gux aeu ngaenz hawj mawz zuxbaenz. Vanz mawz dej ngaenz ndeh, hoakzaqnaeh gux zux aeu dih naeh moak puj tai gux baenz." 14Yixfuhlunh yaeng dix: 15"Zaeuj aj, mawz biak gux hax, oaxraeh naeh zux jih siq baeg cowxkowhlowh ngaenz,#23:15 Cowxkowhlowh ux naek song jenz lai. mawz daj gux dit naeh mboq suanq zawh gaeng gah! Aeu dih naeh moak puj tai mawz ndeh." 16Suq zaqjenz Yixfuhlunh hax naeh, Yaqboahlazhanq goj venq swx. Doiqdix zoq yuq doqnaj puj Howx goanz ux kai, goanz ux swx. Yaqboahlazhanq aeu sowh ngaenz puj hoak gax yungq naeh maz zaengh siq baeg cowxkowhlowh ngaenz hawj Yixfuhlunh. 17Hoakzaqnaeh, oaxraeh Yixfuhlunh, oax yuq Mowhbixlaz, yuq haenz Manqliq naeh, gannaeh zoq zawh oax Yaqboahlazhanq. Oaxraeh naeh, aen ngomz naeh, sowh maex yuq ndaw oaxraeh naeh daengzle zawh gaenq Yaqboahlazhanq nauq. 18Suq naeh zawh Yaqboahlazhanq yuq doqnaj sowh puj Howx daeuj baegdu ndaw chaenh naeh swx. Gaj goanz gaj yinq suq naeh zawh gaenq Yaqboahlazhanq.
19 Yaqboahlazhanq aeu mez dix Sazlaz haem ndaw Zaznanh dih aen ngomz yuq to raeh Mowhbixlaz naeh. Oaxraeh naeh yuq haenz Manqliq. Manqliq goj rongx hoak Cizboahlunh. 20Hoakzaqnaeh, oaxraeh naeh daj aen ngomz naeh zawh gaenq Yaqboahlazhanq, swx daeq puj Howx maz aeu hoak dih mohbujreuh.
Currently Selected:
Zwz Nduq 23: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
