Luhzaz 10
10
Yezsuz Nemz Jiatsip-ngih Goanz Og Bae
1Gvaq mbaed saeh naeh yaq, Zaeuj daeuq lowg jiatsip-ngih goanz mawq og bae, yaix paenqdix song goanz song goanz bae dih ux, bae sowh dih mwznaj hoakri dix bae naeh, mbangj dih zawh ndaw chaenh, mbangj dih zawh ka'mowngz. 2Yezsuz daj paenqdix hax: "Kaeujpyaek baenz caeu lai taeuq, gaj puj caeu miz goanz ix gvaq, baenzzaqnaeh su baenz vanz zaeuj raeh do nemz puj caeu bae caeu kaeujpyaek dix. 3Gaenqsu bae ndeh, gux nemz gaenqsu bae, daj hawj dij mbej ix bae jeh dij ma'naez dungzlumj. 4Laek laep jenz, laek laep daeh, laek laep haiz, laek yuq ka loh dongx daenh. 5Mwz rownz gawz gojndae, hoakzaqnaeh dongx daenh daekgoanq: ‘Ngwz daengz rownz mawz yuq vangqdangh!’ 6Jixzawh dihnaeh miz dij goanz paeq ndaej yuqvangq, gaemz gaenqsu dongx paenqdix naeh zoq byenqbaenzzaeh, jixzawh rownz gawz doiq su mboq ndae, gaemz gaenqsu dongx paenqdix naeh zoq mboq baenzzaeh. 7Hoakgaengx hoj ndaej vaenzriangz, baenzzaqnaeh, su yuq rownz gawz ndowj, jin gaenq rownz dix aeu hawj naeh. Yuq rownz gawz ndowj zoq yuq rownz gawz ndowj, laek daeq rownz naeh ban bae rownz naeh. 8Mwz longq rawz gojndae, jixzawh daenh zaemz su, aeu gaenqjin hawj su jin, daenh baiz gaeng, su zoq jin gaeng. 9Ya puj chaej ndaw longq dix, daj paenqdix hax: ‘Goh dij Sen zawj su yah.’ 10Mwz longq rawz gojndae, jixzawh longq rawz mboq miz goanz hawj su ndowj, su zoq bae zang longq, 11hax: ‘Daengz sowh mowdmoanz longq su sowh biad din piu naeh, piu goj yuq doqnaj su jiat ni. Gaj su ruxndeq zuxbaenz: Goh dij Sen daeuj zawj yah.’ 12Gux haxdoq su, vaenz dij Sen saenxpanq dij goanz naeh, sowh longq naeh zoq zoah yah, naengz zoah naek nyeuz ndaw Soaxdozmax."#10:12 Mbaed saeh Soaxdozmax naeh yuq Sw Zwz nduq 19.
Yezsuz Hwt Sowh Longq Mboq Gaix Naeh
13"Longq Goazlazcunq aj, mawz zoah yah! Longq Boahsaiqdaq aj, mawz zoah yah! Unj, sowh saenh yaengh saenh yuq dih su hoak naeh, jixzawh zwz naeh yuq ndaw chaenh Taiq'ex daj ndaw chaenh Cizdunq hoak, paenqdix naengz rux naengh daeuj dihndin, aeu paeng mae'banq baz, aeu mowdmoanz sauq mwz to, gaix ndowj yaq eh. 14Taeng vaenz dij Sen saenxpanq dij goanz naeh zwzrawz, gaenqsu naengz zoah naek nyeuz aen chaenh Taiq'ex daj aen chaenh Cizdunq. 15Longq Zazbowhnungh aj, mawz mboq rux ndaej mwz ndaw fax, mawz ndaej bae dihndaem mboqyaq." 16Yezsuz daj jiatsip-ngih goanz gaengnaeh hax: "Gawz biak gaenqsu zoq zawh biak gux, gawz mboq biak gaenqsu zoq zawh mboq biak gux, gawz mboq biak gux zoq zawh mboq biak laux nemz gux daeuj naeh."
Jiatsip-ngih Goanz Gaengnaeh Dauh Maz
17Jiatsip-ngih goanz gaengnaeh faengzfaengz nyauznyauz dauh maz, daj Yezsuz hax: "Zaeuj aj, gaenqpiu aeu zwh mawz nemz dij pi, dij pi zoq daeq ndaw ndang dij goanz og daeuj. Daengz dij pi naengz biak piu." 18Yezsuz hax: "Gux leztaen Sazdanz daj faxmyaeb dungzlumj daeq ndaw fax doak daeuj. 19Gux haeuz aeu qenhliq hawj su, hawj su nditnduj dij nguz daj cezzwx ndaej,#10:19 Cezzwx lumj mehmungxqingqchau, gaj dix aeu tang dix ndaed, ndaed chaej taeuq, mbangj zwz rux ndaed hawj dij goanz tai. hawj su bex daengzle sowh doakriangz do daj raeuz hoak dangqbaih naeh, toj mboq rux miz gaeng hawj su baenzrawz. 20Gaenqsu laek cholaeng dij pi biak su zoq faengz, yauq cholaeng minxzwh su mai nyaengx ndaw fax ej faengz."
Yezsuz Faengz Taeuq, Biangz Dez Ndaw Fax
21Sowh gaunaeh, Minghkoan dij Sen hawj Yezsuz faengz taeuq. Yezsuz zoq hax: "Dez aj, Zaeuj ndaw fax daj dihndin, gux biangz mawz! Unj mawz aeu sowh saeh naeh gowx puj miz aen gvai daj puj miz aen dongx, gaj mawz hawj lug eng taen, ruxndeq. Dez aj, zawh zaeh, mawz ngaiq hoakzaqnaeh hoak. 22Dez gux haeuz gaeng goj aeu hawj gux, mizgaj dez gvaqmaz mboq miz gawz ruxndeq lug zawh gawz, mizgaj lug daj sowh puj lug hawj dix ruxndeq naeh gvaqmaz mboq miz gawz ruxndeq dez ndaw fax zawh gawz." 23-24Yezsuz ueq dauh maz, daj gaj cohsaenz dix hoakzaqnaeh hax: "Gawz ndaej taen sowh gaenq su leztaen naeh, gawz faengz yah! Gux haxdoq su, koax daekgoanq miz puj zawxkauq dij Sen daj puj hoak hongz lai taeuq, zawx taen sowh gaenq su taen naeh, gaj mboq ndaej taen, zawx ruxnyinz sowh gaenq su ruxnyinz naeh, gaj mboq ndaej ruxnyinz. Gawz ndaej taen sowh gaenq naeh, gawz faengz yah!"
Gawz Zawh Dungzbownh Gux
25Sowh lauxswz aeu Sw Dij Sen zau daenh naeh miz goanz ux dwnq maz daeg Yezsuz, dix hax: "Lauxswz, gux hoj hoak gaeng zux rux ndaej aen mingh daengznauq naeh mux?" 26Yezsuz daj dix hax: "Fahlih Moahciz mai naeh hax gaeng mux? Mawz doag yaq hoakzaqrawz nwh mux?" 27Dix yaeng: "Hoakzaqnaeh mai: ‘Mawz aeu daengz zaw, daengz mingh, daengz doakriangz, daengz aen og, ngaiq dij Sen laux zaeuj mawz naeh.’#10:27 Gaemz kauq naeh haeuz yuq Sw Fahlih Daih Ngih Naeh 6:4-5.Goj hoakzaqnaeh mai: ‘Nwh puj hoakri daj nwh hoakri dungzlumj.’"#10:27 Gaemz kauq naeh haeuz yuq Sw Liqvaeq 19:18, 34. 28Yezsuz yaeng: "Mawz yaeng ndaej hoj, mawz hoakzaqnaeh hoak, mawz zoq ndaej aen mingh daengznauq naeh." 29Goanz gaengnaeh zawx hawj daenh ruxndeq hoakri dix miz lix, zoq daj Yezsuz hax: "Sowh dij goanz rawz zux suanq zawh puj hoakri gux?" 30Yezsuz laemh diauq naeh yaeng dix: "Miz goanz ux daeq Yezluqsaxlaengx bae Yezliqgoz, doanhloh mex zoah puj laek, puj laek longx ndangnungh dix, dup dix zaekgaj tai zoq ni dix, jizzaz dix. 31Saebsangz miz goanz puj mbud dij Sen ux gvaq zoah haenz dix, leztaen dix, gaj dix yumq ni bae. 32Daeuq miz goanz puj Liqvaeq ux gvaq zoah haenz dix,#10:32 Dij goanz puj Liqvaeq zawh luglan Liqvaeq; zwzpujjeq dij Sen hawj paenqdix yuq Rownz dij Sen kvej. Lez ndaw Sw Ni Aizjih 28:1. leztaen dix, goj yumq vaenx ni bae. 33Mizgaj goanz puj Saxmaxliqyaq ux gvaq zoah haenz dix,#10:33 Puj Saxmaxliqyaqdaj puj Yaeuhtaiq mboq dungzhoj. leztaen dix, zoq zawchaej dix, 34daeq mwz aeu yuz daj laeujya daz dih chaej dix, toq ndae yaq, luz dix kviq doihdo hoakri, zowz dix mwz lixcowq, zauzhuz dix. 35Vaenzlaeng, dix aeu song dowhnah ngaenz hawj rownz lixcowq naeh, daj zaeujrownz naeh hax: ‘Vanz mawz zauzhuz dix, jixzawh jenz inxnaeh mboq doh, gux dauh daeuj zwzrawz gux daeuq aeu boiz mawz mboqyaq.’" 36Yezsuz daeuq daj goanz gaengnaeh hax: "Mawz nwh, sam goanz naeh, zawh gawz aeu goanz zoah puj laek dup naeh hoak puj hoakri mux?" 37Dix yaeng: "Zawh goanz zawchaej dix naeh." Yezsuz hax: "Mawz goj zaemh bae hoakzaqnaeh hoak ndeh."
Doiq Bihnongx Nyingz Maxdaq Daj Maxliqyaq
38Gau paenqdix goq daeq daeq naeh, Yezsuz ndonj mwz longq ux, miz goanz nyingz ux, minxzwh rongx hoak Maxdaq, qingj Yezsuz mwz rownz dix. 39Maxdaq miz goanz nongx nyingz ux, minxzwh rongx hoak Maxliqyaq. Maxliqyaq naengh yuq haenz din Zaeuj biak dix zau. 40Maxdaq baeuh gvaq, miz lai yowngh baenz kvej taeuq, ndaw zaw nyungj, zoq maz daj Yezsuz hax: "Zaeuj aj, nongx gux jizzaz gux haeggaj kvej, mawz mboq miz raeng rah? Vanz mawz yaix dix maz saeh gux mah." 41Zaeuj yaeng dix: "Maxdaq, Maxdaq. Mawz cho lai yowngh mboq vangq, cho lai yowngh huangz, 42gaj zux miz yowngh ux baenz hoak mboqyaq, Maxliqyaq haeuz lowg zoah yowngh ndae nyeuz daengzle naeh, mboq miz gaeng daet dix ndaej."
Currently Selected:
Luhzaz 10: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
