Luhzaz 11

Vanz Gaeng Zoq Ndaej Gaeng

1Miz vaenz ux, Yezsuz yuq dih ux daj dij Sen hax kauq, hax gah yaq, miz goanz cohsaenz ux daj dix hax: "Zaeuj aj, vanz mawz zau piu hoakrawz daj dij Sen hax kauq, hoakzaq Yezhanq zau cohsaenz dix naeh." 2Yezsuz hax: "Gaenqsu daj dij Sen hax kauq gaurawz, hoakzaqnaeh hax:

"‘Dez aj, ngwz dij goanz gaj goanz gaj zaemz mawz,

yinq mawz zawh dij Sen dwx nyeuz daengzle naeh.

Ngwz mawz daeuj gvanx daengzle nauq.#11:2 Sw Maxtaiq 6:10 miz gaemz naeh: Ngwz gaenq mawz daz naeh yuq dihndin baenz zaeh, hoakzaq yuq ndaw fax naeh baenz zaeh.

3Gaenqjin gaenqpiu, vanz mawz gaj vaenz gaj aeu hawj piu.

4Vanz mawz yangq gaenq hoakloang piu,

hoakzaq gaenqpiu yangq nij daenh naeh.

Laek hawj gaeng coak piu.’"#11:4 Sw Maxtaiq 6:13 miz gaemz naeh: Jeuq piu ni do mbowq tai mbowq naeuh gaengnaeh.

5-6Yezsuz daeuq daj paenqdix hax: "Jixzawh mawz miz goanz dungzbownh gvae ux byonghhwnz maz zawj mawz, mawz yowngh aeu gaeng baiz hawj dix jin mboq miz, mawz zoq bae rownz dungzzawj daj dix jeq sam aen binx. 7Goanz rownz dungzzawj naeh hoakzaqnaeh yaeng: "Laek mahfanh gux, rownz gux haeuz ngaemz du yaq, lug eng goj haeuz daj gux noanz ndaw tanj yaq, gux dwnq aeu hawj mawz mboq baenz eh." 8Gaj gux haxdoq su, daengz dix mboq cholaeng daj mawz zawh dungzbownh ej aeu hawj mawz, goj cholaeng mawz aen laizlom mboq zauh vanz ej aeu hawj mawz. 9Gux haxdoq su, vanz dij Sen goj zawh baenzzaqnaeh. Gaenqsu yauq vanz dij Sen oaj, gaenqsu vanz, dij Sen zoq aeu hawj su; gaenqsu yauq cha oaj, gaenqsu cha, dij Sen zoq hawj su cha taen; gaenqsu yauq rongx aj du oaj, gaenqsu rongx aj du, dij Sen zoq aj du hawj su. 10Unj gawz vanz, dij Sen zoq aeu hawj gawz, gawz cha, dij Sen zoq hawj gawz cha taen, gawz rongx aj du, dij Sen zoq aj du hawj gawz. 11Gaenqsu sowh puj hoak boh naeh, jixzawh lug zaiz su cham su aeu dij bya, su rux aeu dij nguz miz duh dang dij bya hawj dix mah? 12Lug cham aeu chaeq, su rux aeu sowh cezzwx miz duh naeh hawj lug maj? 13Daengz gaenqsu mbowq, su naengz ruxndeq aeu gaenq ndae hawj lug, Dez ndaw fax, hoakrawz mboq aeu Minghkoan dix hawj sowh dij goanz vanz dix naeh mux!"

Yezsuz Kauq Doakriangz Dij Sen Daem Dij Pi

14 Yezsuz daem do pi ux og daeuj, do pi naeh hawj dij goanz mboq rux hax kauq, do pi naeh og daeuj yaq, goanz mboq rux hax kauq naeh zoq rux hax kauq, daengzle menq sawz menq zaemz. 15Gaj goj miz dij goanz hax: "Dix zawh maengx Behcizbuq do gvanx dij pi naeh daem dij pi."#11:15 Sazdanz do gvanx dij pi naeh daenh goj rongx dix hoak Behcizbuq. 16Daeuq miz goanz maz daeg Yezsuz, hawj dix hoak sowh saeh ndaw fax naeh. 17Yezsuz ruxndeq paenqdix nwh gaeng, ruxndeq paenqdix zawh daeg dix, zoq daj paenqdix hax: "Aen goh ux jixzawh ndaw dix haeggaj dungzjeng, aen goh naeh toj lown mboqyaq. Rownzgoanz ux jixzawh ndaw rownz gaj vaenz gaj haeggaj dungzjeng, rownz naeh zoq dungzbyaeg mboqyaq. 18Gaenqsu hax gux zawh kauq Behcizbuq do gvanx dij pi naeh naeh daem dij pi. Gaj jixzawh Sazdanz haeggaj daj hoakri mboq dungzhoj, haeggaj dungzbyaeg, goh dix zoq gaemx mboq ndowj gajrawz yah! 19Jixzawh gux zawh kauq Behcizbuq daem dij pi, haenx, sowh puj nowngz su naeh goj zawh kauq Behcizbuq daem dij pi lox? Su hoakzaqnaeh hax gux, su goj hax zoah sowh puj nowngz su naeh. Hoakzaqnaeh, sowh puj nowngz su naeh haeggaj rux hax su mboq hoj. 20Jixzawh gux zawh kauq doakriangz dij Sen daem dij pi, zoq zawh hax goh dij Sen haeuz daeuj taeng zawj su, dij Sen haeggaj gvanx dij goanz dix yah. 21Sazdanz daj goanz puj zaengx ux dungzlumj, dix gaem gaenq dungzsaeuh dawz rownz dix, hawj za'hoq rownz dix mboq baenzrawz. 22Gaj gux goanz riangz nyeuz dix naeh maz saeuh dix, saeuh bex dix, longx gaenq dungzsaeuh dix maengx naeh, longx za'hoq dix bae baen hawj daenh. 23Gawz mboq zawh daj gux zaemh hoak, gawz zoq zawh dix gux. Gawz mboq nowngz gux zaemh caeu dij mbej, gawz zoq zawh daem dij mbej ni.

24"Gux haxdoq su, dij pi ni ndang dij goanz og daeuj zwzrawz, dix zoq laq dih kawq cha dih ndowj, jixzawh cha mboq mex, dix zoq hax: ‘Gux daeuq dauh mwz aen rownz mbaednduq gux ndowj naeh.’ 25Dix mwz taeng aen rownz mbaednduq, leztaen ndaw rownz haeuz gvaed sawrik, baiz singjringh. 26Dix zoq bae zowz maz jiat do pi zaemh ndowj, jiat do naeh naengz mbowq nyeuz dix. Doaklaeng goanz gaengnaeh gajfa zoah naek nyeuz mbaednduq."

Sowh Dij Goanz Rawz Zux Faengz

27Gau Yezsuz hax kauq naeh, boangx naeh miz goanz nyingz ux caqsiq daj dix hax: "Yah baz mawz, yah zowngx mawz naeh faengz yah!" 28Yezsuz hax: "Gaj naengz mboq ndeu sowh goanz biak kauq dij Sen bae hoak naeh faengz!"

Yezsuz Hwt Sowh Puj Zawx Lez Gaj Sowh Saeh Ndaw Fax Naeh

29Gau daengzle goq maz maz haenz dix naeh, Yezsuz hax: "Zoh naeh mbowq taeuq, zawx lez gaj sowh saeh ndaw fax naeh, gaj mizgaj gaenq hoak bae nowto Yeznah goanz puj zawxkauq dij Sen naeh,#Yeznah 1:17; 2:10. gvaqmaz mboq rux hoak sowh saeh ndaw fax naeh yowngh ndai tem hawj su lez yah. 30Zwz naeh dij Sen nemz Yeznah saengq dij goanz Nihnihvaez, gannaeh dij Sen nemz gux Lug Dij Goanz saengq zoh zawjraeuz. 31Zwzndowj, miz goanz nyingz ux gvanx Seqbaz goh, dix ruxnyinz laux hongz Soaxloahmaenh miz aen gvai, miz aen dongx, dix zoq daeq gvae maz biak kauq laux hongz Soaxloahmaenh. Su lez, inxnaeh miz goanz ux naengz dwx nyeuz laux hongz Soaxloahmaenh, gaj zoh dij goanz su gannaeh mboq biak dix. Hoanx naeh dij Sen saenxpanq dij goanz zwzrawz, goanz nyingz gaengnaeh toj hax zoh dij goanz gannaeh mboqyaq, hax gaenq loang paenqdix. 32Dij goanz Nihnihvaez biak kauq Yeznah yaq zoq gaix. Su lez, inxnaeh miz goanz ux naengz dwx nyeuz Yeznah, gaj su mboq biak. Dij Sen saenxpanq dij goanz zwzrawz, dij goanz Nihnihvaez hax zoh dij goanz gannaeh mboqyaq, hax gaenqloang paenqdix.

Aeu Hoakri Hoak Daj Daeng Dungzlumj

33"Mboq miz gawz diamj daeng yaq aeu daeng gowx bae dihndai rux aeu choiq gumq, dix toj aeu daeng nyaengx now zongz, hawj sowh dij goanz ndonj maz naeh lez taen. 34Ta mawz zoq zawh aen daeng ndang mawz, ta mawz ndae'ndowq, daengz ndang zoq rungh. Jixzawh ta mawz mboq ndae, daengz ndang zoq ndaem. 35Baenzzaqnaeh yauq caqsiq hem, yaj hawj gaenqrungh ndaw ndang mawz byenqbaenz gaenqndaem. 36Jixzawh mawz daengz ndang rungh, mboq miz saek dit ndaem, mawz zoq rungh nauq, daj sowh daeng rungh zauq daeuj ndang mawz naeh dungzlumj."

Yezsuz Hwt Dij Goanz Fahliqsaiq Daj Sowh Lauxswz Zau Sw Dij Sen Naeh

37Gau Yezsuz hax kauq naeh, miz goanz Fahliqsaiq ux qingj Yezsuz daj dix zaemh jinkaeuj, Yezsuz zoq ndonj mwz naengh zongz. 38Goanz Fahliqsaiq naeh leztaen Yezsuz naengz mboq soiq mungz zoq jinkaeuj, dix zoq sawz taeuq. 39Zaeuj daj dix hax: "Dij goanz Fahliqsaiq su daj sowh dij goanz langx gaj baihnog baedvanq sawrik naeh dungzlumj, gaj ndaw su mizgaj gaenq maeux daj gaenqndog. 40Puj uaj aj, laux chauq baihnog naeh goj chauq baihndaw. 41Jixzawh su mizzaw saeh puj baenzluk, soiq mungz rux mboq soiq mungz, suq su hoak naeh, gaeng dij Sen goj hax hoj. 42Dij goanz Fahliqsaiq aj, gaenqsu zoah yah! Gaenqsu aeu pyaek'aeux, pyaekjizzongz daj pyaek yowngh ndai, sip gong aeu gong ux hawj dij Sen, le gaenqnaeh goj baenz hoak zaeh lox, gajlej gaenqsu baenzrawz hoak saeh tw mboq piang, mboq ngaiq dij Sen? Le gaenqnaeh zungqyauq nyeuz, gaenqsu hoak zuxbaenz. 43Dij goanz Fahliqsaiq aj, gaenqsu zoah yah! Gaenqsu ngaiq yuq rownzndawcowq naengh aen sung nyeuz daengzle naeh, gaenqsu ngaiq yuq hangzhw hawj daenh goakdwk su. 44Gaenqsu zoah yah! Gaenqsu daj sowh mohbujreuh mboq miz boi, mboq myeanz maz naeh dungzlumj, dij goanz daeq bae now dix goj mboq ruxndeq dawj dix miz puj tai."#11:44 Puj Yaeuhtaiq hax jixzawh gawz lumh zoah puj tai, do tai, gawz mboq byenqbaenz mboq saw, le vaenz gaengnaeh zoq mboq ndaej mwz rownz dij Sen.

45Sowh lauxswz aeu Sw Dij Sen zau daenh naeh miz goanz ux yaeng Yezsuz: "Lauxswz, mawz hoakzaqnaeh hax, mawz goj haxmbowq daengz piu!" 46Yezsuz hax: "Sowh lauxswz aeu Sw Dij Sen zau daenh naeh, gaenqsu zoah yah! Gaenqsu aeu taeb naek hawj daenh tw, gaj hoakri su dit doakriangz rawz goj mboq saeh. 47Gaenqsu zoah yah! Gaenqsu hoak mohbujreuh puj zawxkauq dij Sen, sowh puj zawxkauq dij Sen naeh paenqdix zawh puj jeq rownz su kaj. 48Puj jeq rownz su kaj puj zawxkauq dij Sen, gaenqsu hoak mohbujreuh puj zawxkauq dij Sen, gaj gaenqsu mboq biak kauq paenqdix, gaenqsu hoakzaqnaeh zawh hax puj jeq rownz su hoak hoj. 49Baenzzaqnaeh dij Sen gaeng goj ruxndeq naeh, ndaej hoakzaqnaeh hax: ‘Gux nemz puj zawxkauq gux daj sowh dij goanz aeu kauq gux bae koanx dwk daenh naeh bae dih paenqdix naeh, mbangj goanz zoah paenqdix kaj, mbangj goanz zoah paenqdix vazkuz.’ 50-51Hoakzaqnaeh, daeq chauq fax chauq dihndin maz, daeq zwz Yaqboah zoah kaj naeh maz, taengdeg Saxzazliqyaq yuq jinghzang aen zongz mbud dij Sen daj rownz dij Sen naeh zoah daenh kaj naeh, nanghgaj zawh kaj puj zawxkauq dij Sen, gaenqloang naeh, lowd paenqdix, zoh dij goanz naeh tw. 52Sowh lauxswz aeu Sw Dij Sen zau daenh naeh, gaenqsu zoah yah! Gaenqsu aeu jezsaq bae gowx, zoq zawh jezsaq aj baegdu hawj dij goanz ruxndeq gaenq dij Sen naeh, hoakri gaenqsu mboq ndonj mwz, daengz sowh puj zawx ndonj mwz naeh gaenqsu goj dingz paenqdix." 53Yezsuz daeq dih gaengnaeh og daeuj, sowh lauxswz zau Sw Dij Sen naeh daj dij goanz Fahliqsaiq dix dix taeuq, paenqdix ngwz Yezsuz hax kauq loang, zoq cham yowngh cham yowngh, 54daz hawj dix cho kauq dix baenzsaeh.

Currently Selected:

Luhzaz 11: ZHN

Highlight

Copy