Mǒhtûlû̌hǎhtûsa 36
36
PhaĚtò̌ akhlialè gelò̤ tokhlǒ
1Hǒo mî̌ PhaĚtò̌ akhlialè gelò̤ tokhlǒ hǒ, dě kòyò kaǎ pô̤̌ lû̌û kû̌ KhûEdû.#Lî̤wě̤mǎnǎ awǐlǒ tôbǎ 1:35 2PhaĚtò̌ phî̌ ama kû̌ Khana khlilèmǒ̤ tokhlǒ, dě a phî̌ kû̌ Hǐtǐ khlilèphû̌ Khûelû aphû̌pwa̤mǒ̤ Mǒ̤adǎ kû̌ Hǐwǐ khlilèmǒ̤ Mǒ̤ahòlǐbamǎ. A mî̌ Khûana aphû̌pwa̤mǒ̤, Khûsǐbǔû Ali̤pwa̤mǒ̤.#Mǒhtûlû̌hǎhtûsa 26:34 3Dě a phî̌ pô̤̌ kû̌ Mǒ̤basôma, a mî̌ Khûishômelǎ aphû̌pwa̤mǒ̤, Khûnabayû apṳ̌pwa̤mǒ̤.#Mǒhtûlû̌hǎhtûsa 28:9 4PhaĚtò̌ ama Mǒ̤adǎ phû̌ô̌lò̤ Khûelǐphǎ. Mǒ̤basôma dě a phû̌ô̌lò̤ Khûrǔela. 5Dě Mǒ̤ahòlǐbamǎ phû̌ô̌lò̤ nṳ̌ Khûyǔshǎ kû̌ Khûyala kû̌ Khûkû̌ri. Asî mî̌ PhaĚtò̌ aphû̌pwa̤khû dǒ a ô̌phijǎlò̤ lô̌khô bǎ Khanagǎkû nutokhlǒ hǒ. 6PhaĚtò̌ kaǎnṳ̌ ama tokhlǒ kû̌ aphû̌pwa̤khû kû̌ aphû̌pwa̤mǒ̤ tokhlǒ kû̌ lǒ̤bò kòyò ô̌ dǒ ahǐdǒkûnu tokhlǒ, htokhôtô̤̌ a tô̤̌nṳ̌bò ata̤mi̤ta̤mò̤̌ tokhlǒ kû̌ lǒ̤bò timǐtitè dǒ a nǐ̤bǎ bǎ Khanagǎkûnu tokhlǒ, htodě a hǎhtò̌cû̌ ô̌khô̌yî̤kè kû̌ apṳ̌ Phaya̤kò. 7Asî ta̤phû̌ta̤li̤ tokhlǒ nî̌ a ô̌dû̌wî̤ tûlû̌ shû̌lě dě a ô̌cujò pe lû̌û tô̤̌. Asî ta̤mi̤ta̤mò̤̌ tokhlǒ mî̌ a ô̌wô̤̌ô̌dû̌ shû̌lě akhû̌akhî, asî sò̌ginǐ̤ a lǎ̤kè̌pô̤̌ ta̤mi̤ta̤mò̤̌ gûlǎ̤ ayanu a dô̌nṳ̌ pe tô̤̌.#Mǒhtûlû̌hǎhtûsa 13:6 8Pô̤̌nudě PhaĚtò̌ dǒ kòyò kaǎ lû̌û kû̌ Phaedû tôpwa̤ nî̌ acû̌ô̌kè dǒ Sè̌ǐra khôlôkla nutûkû.#Yṳ̂shǔ 24:4
9Hǒo mî̌ Edû khlilèphû̌ tokhlǒ apha, PhaĚtò̌ akhlialè dǒ a ô̌ lô̌khô dǒ Sè̌ǐra khôlôkla nutokhlǒ ata̤wě̤nǎma̤nǎ hǒ. 10PhaĚtò̌ aphû̌pwa̤khû tokhlǒ mî̌ kwè̌ mò̌pè hî̌dě, Khûelǐphǎ mî̌ ama Mǒ̤adǎ aphû̌pwa̤khûnu kû̌ Khûrǔela mî̌ ama Mǒ̤basôma aphû̌pwa̤khû nuhǒ. 11Khûelǐphǎ aphû̌pwa̤khû tokhlǒ mî̌ kwè̌ mò̌pè hî̌dě, Khûtema, Khûûmara, Khûsephò̌, Khûgata kû̌ Khûkenǎ sî tokhlǒ hǒ. 12PhaĚtò̌ aphû̌ Khûelǐphǎ amanô̌ tôpwa̤ mî̌ ami̤ kû̌ Mǒ̤tǐmanǎ dě a phû̌ô̌lò̤nṳ̌ Khûamalè̌. Lǒ̤bònu tokhlǒ mî̌ PhaĚtò̌ ama Mǒ̤adǎ ali̤pwa̤khû tokhlǒ hǒ. 13Khûrǔela aphû̌pwa̤khû tokhlǒ mî̌ Khûnahǎ, Khûserǎ, Khûshamǎ, kû̌ Khûmǐsǎ sîtokhlǒ hǒ. Dě lǒ̤bò asî tokhlǒ numî̌ PhaĚtò̌ ama Mǒ̤basôma ali̤pwa̤khû tokhlǒ hǒ. 14Mǒ̤ahòlǐbamǎ mî̌ PhaĚtò̌ ama. A mî̌ PhaAna aphû̌, Phasǐbǔû ali̤pwa̤mǒ̤ tôpwa̤. Mǒ̤ahòlǐbamǎ aphû̌pwa̤khû tokhlǒ mî̌ Khûyǔshǎ, Khûyala kû̌ Khûkû̌ri nutokhlǒ hǒ.
PhaĚtò̌ akhlialè tokhlǒ
15Dǒ PhaĚtò̌ akhlialè hǎtě̤gelò̤ tokhlǒ akla, pwa̤ dǒ a htû akhlilè tôcǒ kû̌ tôcǒ ikǒlǒkò tokhlǒ numî̌ PhaĚtò̌ aphû̌wè̤̌pwǎ̤ Phaelǐphǎ aphû̌ Khûtema, Khûûmara, Khûsephò̌, Khûkenǎsǎ, 16Khûkû̌ri, Khûgata kû̌ Khûamalè̌ sî tokhlǒ hǒ. Pwa̤htû ikǒlǒkòdû̌ tokhlǒ mî̌ Khûelǐphǎ aphû̌pwa̤khû ô̌ dǒ Edûgǎkû nutokhlǒ hǒ, dě asî mî̌ Mǒ̤adǎ ali̤pwa̤khû tokhlǒ hǒ. 17PhaĚtò̌ aphû̌pwa̤khû Khûrǔela aphû̌pwa̤khû dǒ ahtû ikǒlǒkòdû̌ tokhlǒ mî̌ Khûnahǎ, Khûserǎ, Khûshamǎ kû̌ Khûmǐsǎ sî tokhlǒ hǒ. Dě pwa̤htû ikǒlǒkòdû̌ tokhlǒ mî̌ akhlialè hǎtě̤gelò̤ dǒ Pharuěla dǒ a ô̌ bǎ Edûgǎkû nutôpwa̤ hǒ, dě asî mî̌ PhaĚtò̌ ama Mǒ̤basôma ali̤ pwa̤khû sî tokhlǒ hǒ. 18PhaĚtò̌ ama Mǒ̤ahòlǐbamǎ aphû̌pwa̤khû dǒ ahtû ikǒlǒkò tokhlǒ numî̌ Khûyǔshǎ, Khûyala kû̌ Khûkû̌ri sî tokhlǒ hǒ. Pwa̤htû ikǒlǒkò tokhlǒ mî̌ Khûana aphû̌pwa̤mǒ̤ amè̤̌kû̌ PhaĚtò̌ ama Mǒ̤ahòlibamǎ ali̤ pwa̤khû sî tokhlǒ pwǎ.
19Kòyò tokhlǒ numî̌ PhaĚtò̌ dǒ ami̤ ô̌khô̌pô̤̌ kû̌ Phaedû aphû̌pwa̤khû tokhlǒ dě asî nutokhlǒ mî̌ a htû Edû khlilèphû̌ aikǒlǒkò tokhlǒ hǒ.
Phasè̌ǐra akhlialè tokhlǒ
20Hûrǐ kòyò khlilèphû̌ Phasè̌ǐra aphû̌pwa̤khû dǒ a ô̌ lô̌khô bǎ gǎkûnu tokhlǒ mî̌ Khûlûta, Khûshûbalǎ, Khûsǐbǔû, Khûana, 21Khûdǐshû, Khûěsha kû̌ Khûdǐsha nu tokhlǒ hǒ. Phasè̌ǐra aphû̌ dǒ a ô̌ bǎ Edûgǎkû tokhlǒnu mî̌ Hûrǐ khlilèphû̌ aikǒlǒkò tokhlǒ hǒ. 22Khûlûta aphû̌pwa̤khû tokhlǒ mî̌ Khûhûri kû̌ Khûhîma, Mǒ̤tǐmanǎ mî̌ Khûlûta apṳ̌pwa̤mǒ̤. 23Khûshûbalǎ aphû̌pwa̤khû tokhlǒ mî̌ Khûala, Khûmanaha, KhûĚbalǎ, Khûshephû, kû̌ Khûûna sî tokhlǒ hǒ. 24Khûsǐbǔû aphû̌pwa̤khû tokhlǒ mî̌ Khûayǎ kû̌ Khûana hǒ. Khûana mî̌ pwa̤ dǒ akè̌ǐ bǎ apha Phasǐbǔû amǐû̌lǎ dě bǎ a cû̌kè̌ǐ akha, a cû̌kè̌lǎ kè̌shǐǐ shihǎhtò̌ tokhlǒ dǒ gǎshashigǎkhû̌ tôpwa̤. 25Khûana aphû̌ tokhlǒ mî̌ Khûdǐshû kû̌ Mǒ̤ahòlǐbamǎ nuhǒ. 26Khûdǐshû aphû̌pwa̤khû tokhlǒ mî̌ Khûhemada, Khûěshaba, Khûǐtara kû̌ Khûkera sîtokhlǒ hǒ. 27Khûěsha aphû̌pwa̤khû tokhlǒ mî̌ Khûbǐlaha, Khûsawû, kû̌ Khûaka tokhlǒ hǒ. 28Khûdǐsha aphû̌ mî̌ Khûǔsǎ kû̌ Khûara. 29Pwa̤ dǒ a htû Hûrǐ kòyò khlilèphû̌ ikǒlǒkòdû̌ tokhlǒ mî̌ Khûlûta, Khûshûbalǎ, Khûsǐbǔû, Khûana, 30Khûdǐshû, Khûěsha kû̌ Khûdǐsha sîtokhlǒ hǒ. Kòyò hǒo tokhlǒ mî̌ pwa̤htû Hûrǐ kòyò khlilèphû̌ ikǒlǒkòdû̌ bǎ sè̌ǐragǎkû nu tokhlǒ hǒ.
Khwǐ dǒ Ědûgǎkû tokhlǒ#Lî̤wě̤mǎnǎ awǐlǒ tôbǎ 1:43-54
31Bǎ Isôrělaphû̌ tokhlǒ akhwǐ ô̌ tûû̌ nò̌khôtô̤̌ akhanu, khwǐ dǒ a pǒǐ bǎ Edûgǎ tokhlǒ numî̌ kwè̌ mò̌pè numî̌, 32Khûbaûra aphû̌ Khûbela htûhtò̌ khwǐ bǎ Edûgǎkû nu. Awî̤̌ mi̤ kû̌ Wî̤̌dǐnuhabǎ. 33Bǎ Khwǐbela sihto akhanu, Bò̌saragǎphû̌ Khûserǎ aphû̌ Khûyṳ̂ba htûhtò̌ khwǐ. 34Bǎ Khwǐyṳ̂ba si hto akhanu, Temanǐgǎphû̌ Khûhǔshamǎ htûhtò̌ khwǐ. 35Bǎ Khwǐhǔshamǎ si hto akhanu, Khûbedǎ aphû̌ Khûhadǎ dǒ a shěpě̤ Mǐdiya khlilèphû̌ tokhlǒ bǎ Mò̤̌bǎgǎkû nu tôpwa̤ htûhtò̌ khwǐ. Awî̤̌ mi̤ kû̌ Wî̤̌abǐ. 36Bǎ Khwǐhadǎ si hto akhanu, Masarè̌kagǎphû̌ Khûsamalǎ htûhtò̌ khwǐ. 37Bǎ Khwǐsamalǎ si hto akhanu, Khûshò̌lǎ htûhtò̌ agûlǎ̤. A mî̌ Rahûbûwî̤̌phû̌ dǒ a ô̌ bǎ shidû̌shite̤we̤ htu nutôwî̤̌. 38Bǎ Khwǐshò̌lǎ si hto akhanu, Khûakhabò aphû̌ Khûbalahana htûhtò̌ khwǐ. 39Bǎ Khûakhabò aphû̌ Khwǐbalahana si hto akhanu, Khûhada htûhtò̌ khwǐ. Awî̤̌ mî̌ Wî̤̌paǔ dě ama mî̌ Mǒ̤mahetabelǎ, dě a mî̌ Mǒ̤mesaha ali̤ pwa̤mǒ̤, Mǒ̤matarè̌ aphû̌pwa̤mǒ̤.
40PhaĚtò̌ akhlialè hǎtě̤gelò̤ dǒ ahtû ikǒlǒkòdû̌ dǒ akhlilè kû̌ akhlilè tûû̌, agûlǎ̤ kû̌ agûlǎ̤ tûû̌ nutokhlǒ mî̌ Khûtǐmanǎ, Khûalabǎ kû̌ Khûyetè,#Lî̤wě̤mǎnǎ awǐlǒ tôbǎ 1:51 41Khûahò̌lǐbamǎ, Khûěla, Khûpî̌nû 42Khûkenǎ, Khûtema, Khûmǐbasa, 43Khûmakaděla kû̌ Khûěra sîtokhlǒ hǒ. Asî nutokhlǒ mî̌ a htû bǎ Edûgǎphû̌ aikǒlǒkò tokhlǒhǒ. Pô̤̌ asî phî̌ô̌ agûlǎ̤ tôkû kû̌ tôkûnu a kaǎ ǐ lô̌khô kû̌ ami̤ sô̌ tû̌. PhaĚtò̌ mî̌ mè̤̌hǒ Ědû khlilèphû̌ tokhlǒ apha hǒ.
Currently Selected:
Mǒhtûlû̌hǎhtûsa 36: KXF
Highlight
Share
Copy
Want to have your highlights saved across all your devices? Sign up or sign in
Wycliffe USA
