Ruuka Obhutangati
Obhutangati
Ekitabho kinu ꞉kyakaamirwe na Ruuka. Ruuka ꞉eendaga muunu omurebhe, unu ꞉aatogwaga Tewofiro, amenye ekimari iiguru ya bhurame bhwa Yeesu, emirimu gyaye na ebhigwa bhinu ꞉aariga akorere. Kiyo nikyo ꞉kyakorere akaame ekitabho kyaye kinu. Na, ꞉aakaamire ekitabho ekindi kinu ekyaikira obhwambiro bhwa riikanisa, ekitabho kiyo ekibhirikirwa ati, Ebhikorwa bhya Abhatumwa. Kitakumenya mangʼana maafu aga Ruuka, nawe kimenyere ati, ꞉aariga ari muragusi, na akabhaga akandi ꞉aagendaga rugendo rumwi na omutumwa Pawuro mu-mirimu gya okuraasha Amangʼana Amajomu ganu agaaikira Yeesu Kiriisitu (Abhakorosaayi 4:14; 2 Timoteeyo 4:11; Firimooni 1:24).
Ekitabho kinu kiri na amangʼana agandi ganu gatakusimurwa muno mu-bhitabho ebhindi ebhya Iimuuma Iinyaaya, rwa amangʼana ga okwibhurwa na okuraasha kwa Yowana Omubhatiisha, okwibhurwa kwa Yeesu na amangʼana ga mu-bhwana bhaaye. Na Ruuka keeresha obhwendi bha Nyamuwanga kutyo bhuri ku-bhaanu bha mbaga nyafu. Yeesu ꞉eereshaga obhwendi bhuyo ku-bhaanu okuturira mu-bhirengekanyo bhinu ꞉aabhatonderaga, rwa ekirengekanyo kya Omusamaariya owa omutima omujomu, na ekirengekanyo kya omwana unu ꞉aabhurire.
Currently Selected:
Ruuka Obhutangati: kya
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved