Mattayo 23
23
1Bahalapala Yesu akalongili na mapuga na wanafunsi wake, 2kujowa, Wakulembela na waFarisayo watama pa kitihu kya Musa: 3mumu fiyi fyoha ifi wawataukila mwenga, mufikite ni kugoha: koma musikita kwa ndingo wa mahengo gawe; pakuya wajowa, ni wakita lepa. 4Ena, wakunga misigo ya kutopa ni yangapindika, ni wayitwika pa mawega ga wandu; koma wene nawombe nukulonda lepa kuyigendesa kwa lukonji lumonga. 5Leka makitiko gawe goha wagakita nausi walolaseke na wandu: pakuya wayonjakesa kitando fulakteria syawe, ni wakulisa mipeto, 6ni wagana pandu pa liginiko pa fyakulya, ni fitihu fya liginiko pa masunagoge, 7na malowe ga kulamukilana pa machengo, na kukemeleka na wandu, Rabbi. 8Leka mwenga musikemeleka Rabbi: pakuya yumonga ayii mwalimu winu, na mwenga mwawoha muyii alongo. 9Leka musinkemela mundu pa ndima Dadi winu: pakuya yumonga ayii Dadi winu, uyu ayii kunani. 10Na musikemeleka wabambo: pakuya yumonga ayii bambo winu, yuyu Kristo. 11Leka nkulungu winu yaaye wakutumakila winu. 12Leka ayi yoha uyu yayikwese mwene yaseleseke; na ayi yoha uyu yayiselese mwene yaakweseke.
13Leka ling’aho kwinu, wakulembela na waFarisayo, wakwikangalakisa! ndawa mudindisa utwa wa kunani palongolo pa wandu: leka mwawene nukuyingila lepa, haka wala wayii mu kuyingila muyitakila lepa kukita wayingile.
14Ling’aho kwinu, wakulembela na waFarisayo, wakwikangalakisa! pakuya mulya nyumba sya wafwili, ni pa kuwoneka musali sala sitali: kwa ndawa iyi yamuyupe lipawulo lya kulutila.
15Ling’aho kwinu, wakulembela na waFarisayo, wakwikangalakisa! pakuya musyungutila nyanja nu ndima kunkita yumonga wa proselute; na baha apatiti kuya, munkita yombe mwana wa gehena kulutila mwawene kawili.
16Ling’aho kwinu, mwenga wakulongosa wa kukoyoka miho, wala wajowa, Ayi yoha uyu yalapile pa hekalu, pangali kandu; koma ayi yoha yalapile pa zahabu ya pa hekalu, ayii ni nsigilo. 17Muwahimu na wakukoyoka miho: pakuya kiki kikulungu, kwali zahabu, pangi hekalu yiyiwalasa zahabu yila? 18Na, Ayi yoha uyu yalapile pa mathbahu, pangali kandu; leka ayi yoha uyu yalapile pa kiyetulo iki kiyii panani pake, ayii ni nsigilo. 19Mwenga wakukoyoka miho: pakuya kiki kikulungu, kwali kiyetulo, pangi mathbahu yila yiwalasa kiyetulo? 20Mumu uyu alapila pa mathbahu, alapila pa gombe, ni pa fyoha fiyii panani pake. 21Na yula alapila pa hekalu, alapila pa yombe, na pa yula atama mumulamula. 22Na yula alapila kunani, alapila pa kitihu kya Mulungu, na kwa yombe wakutama panani pake.
23Ling’aho kwinu, wakulembela na waFarisayo, wakwikangalakisa! pakuya mulipa kakumi kya kunungalila ni aniseye ni kumin, ni mulekiti fya kutopela fya torah, kupawula, ni lipyana, ni kiyitakiso: leka ifi ngamufikiti, na fifilafila ngamufilekiti lepa. 24Mwenga wakulongosa wakukoyoka miho, muwusa usuwuwu ni ngemeko, leka ngamila mumilila ngani.
25Ling’aho kwinu, wakulembela na waFarisayo, wakwikangalakisa! pakuya muguyula kunja kwa ntimbo ni kisayi, koma mugati fimemiti fya kunyaka na fyangali kwibesa. 26Farisayo wakukoyoka miho, uguyule huti mugati mwake ntimbo ni kisayi, nausi kunja kwake yakuye kwakuguyulika kawili.
27Ling’aho kwinu, wakulembela na waFarisayo, wakwikangalakisa! pakuya muhwanangana ni manyinja ga kuwalasika, gala nagombe kunja gawoneka manofu, koma mugati gamemiti mafupa ga wakufwa, nu wafu woha. 28Wiwila nu mwenga kawili muwoneka kunja wagolofu kwa wandu, koma mugati mumemiti kwikangalakisa na usokosi.
29Ling’aho kwinu, wakulembela na waFarisayo, wakwikangalakisa! pakuya mujenga manyinja ga wakulweta, ni mutendakesa manyinja ga wagolofu, 30ni mujowa, Wona tikayili pa magono ga wakadadi witu, ngatihasangini nawo lepa pa mwasi wa wakulweta. 31Mumu mulasa ulungamakiso mwawene, kukita muyii wana wa wala wawakomeye wakulweta. 32Mumu mumemesaye ndingo wa wakadadi winu. 33Mwenga mayoka, wakuhogoleka ni mamoma, yamukimbile wuli kuhuma pa lipawulo lya gehena? 34Kwa ndawa iyi, lola, nituma kwinu wakulweta, ni wa malango, ni wakulembela: wangi wa wombe yamuwakome ni kuwawamba pa msalaba; na wangi wa wombe yamuwatowe pa masunagoge ginu, ni kuwahyunga kuhumila likaya mpaka likaya lingi: 35nausi uwachile mwasi wa wagolofu wula uyambaniki pa ndima, kitumbulile mwasi wa Habil ngolofu mpaka mwasi wa Zakaria mwana wa Barakia, yula mukankomiti pagati pa pandu papakape na mathbahu. 36Chakaka niwajowela, Ifi fyoha yafiyiche panani pa kihogosi iki.
37Yerusalem, Yerusalem, wa kuwakoma wakulweta, ni kuwatumalila maganga awa watumiki kwa yombe! kalinga yanilonde kuwawunganisa wanawo, ngati umu nguku yiwunganasila twana mundu pasi pa mapapatilo gake, ni mukalonditi lepa Lola, 38nyumba yinu yilekiki kwinu mahami. 39Pakuya niwajowela mwenga, Na kuniwona kawili lepa kitumbulile hino, mpaka apa yamutawile, Wakuhikalika yombe yuayicha pa lihina lya Bambo.
Currently Selected:
Mattayo 23: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
