Mattayo 26
26
1Na ikayili kukita, baha Yesu akamaliti malowe aga goha, 2akawajowili wanafunsi wake, Mumanya kukita panyuma pa magono gawili yifika pasaka, ni Mwana wa adam yafumbulike kuwambika pa msalaba. 3Bahalapala wakakokini makasisi makulungu, ni wakuluwakulu wa nsafi, ku chengo kyake kya kasisi nkulungu, yuakemeleka Kayafa: 4leka wakapangini malango nausi wankamule Yesu pa kuchenjela, na wankome. 5Leka wakajowiti, Si pa ligono likulungu, nausi isiyufwanika njwawila pa nsafi.
6Leka Yesu pala akayili mu Betania, mu nyumba ya Simon wa matana, 7ndala akanchilili, ayii nayo nchupa ya alabastro ya mafuta gene uhemesi ukulungu, ni akamiminili pa mutu wake, pala akayili mu kutama pa kulya. 8Leka wanafunsi apa wakaweni wakafyomiti, kujowa, Ndawa kiki kuyananga uku? 9Pakuya aga ngahotoliki kuhemeleka kwa ndalama sya mahele, na kupelewa kwa wagaju. 10Leka Yesu pakawaloliti akawajowili, Kwa kiki mumhumbusa ndala uyu? pakuya akanihengili lihengo linofu. 11Pakuya magono goha muyii ni wagaju pamonga namu: koma nenga muyilepe nu nenga magono goha. 12Pakuya pakalekili mafuta aga pa mbili wangu, akakiti kwa kuwikika kwangu pa manyinja. 13Chakaka niwajowela, Payi poha evangel iyi yayiwandasike pa ndima woha, iki kawili akakiti ndala uyu yakilongaleke kwa kikumbukumbu kyake.
14Bahalapala yumonga wa kumi na wawili wala, yuakemeleka Yuda Iskariota, akabiti kwa makasisi makulungu, nakajowiti, Mulonda kunipela kiki, na nenga yanimfumbule kwinu? 15Na wampimili ndalama makumi gadatu. 16Leka kitumbulile lukumbi lula akayili mu kulonda‐londa lukumbi lunofu nausi amfumbukise.
17Leka pa ligono lyakutumbula lyangali kimela, wanafunsi wakanchilili Yesu, kujowa, Kuliku ulonda tikuwikile ngani kulya pasaka? 18Leka akajowiti, Mubitaye ku likaya kwa nunuyu, na munjowele, Mwalimu ajowa, Lukumbi lwangu luwandamile; kwako wenga nikita pasaka pamonga na wanafunsi wangu. 19Na wanafunsi wakakiti umu Yesu akawataukili; na wakawikili ngani pasaka. 20Leka pakufika kimihi, akayili mu kutama pa kyakulya pamonga na wanafunsi wake kumi na wawili; 21na pa kulya wombe, akajowiti, Chakaka niwajowela, kukita yumonga wa mwenga yanifumbukise. 22Na pa kuniongoneka nyahope, wakatumbwili yumonga yumonga kunjowela yombe, Bambo, ayii nenga? 23Leka pakahigiti akajowiti, Wa kuyina kiwoko pamonga na nenga pa kisayi, yuyu yanifumbukise. 24Mwana wa adam abita, ngati umu yilembikili ya yombe: leka ling’aho kwa mundu yula pa yombe Mwana wa adam afumbukasika! ngakayili kinofu kwa mundu yula kukita ngaahogoliki lepa. 25Leka Yuda, uyu akamfumbukisi, akahigiti ni kujowa, Rabbi, ayii nenga? Anjowela, Wenga utawili. 26Leka apa wakayili pa kulya, Yesu akatoliti nkate, akapili kihomo, nakametwili; nakawapili wanafunsi kujowa, Mutolaye, mulyaye; uwu uyii mbili wangu. 27Na akatoliti ntimbo, nakasengwisi, na akawapili, kujowa, Munywaye mwawoha pa uwu; 28pakuya uwu uyii mwasi wangu wa kilagano, uwu uyitika ndawa ya wa mahele kwa kulekelekesa sambi. 29Leka niwajowela mwenga, Kitumbulile hino yaninywe lepa fya kipambiko kya mbelesa, mpaka ligono lililalila baha yaninywe pamonga nu mwenga kya hino pa utwa wa Dadi wangu.
30Na apa wakayimbili nyimbo, wakapititi ku kidunda kya Miseituni.
31Bahalapala Yesu akawajowili, Mwenga mwawoha yamukuwasike pa nenga kilo iki: pakuya yilembiki, Yanintowe wa kudima, ni mambelele ga lipuga yagayambanisike. 32Leka panyuma pa kusyuka kwangu, yaniwalongolele mwenga ku Galilaya. 33Leka Petro akahigiti nakanjowili, Ngati woha yawakuwasike pa wenga, nenga nukuwasika lepa lukumbi luyi lwoha. 34Yesu akajowiti kwa yombe, Chakaka nikujowela, kukita kilo iki, lijogolo lyakona lyangawika, yaunikanile kadatu. 35Petro anjowela, Haka nganifwili pamonga nu wenga, nu kukukana lepa. Wiwila kawili wanafunsi woha wakajowiti.
36Bahalapala Yesu ahicha pamonga nawo pandu pakukemeleka Gethsemane, na awajowela wanafunsi wake, Mutame apa, mpaka apa yanibite uku ni kusali. 37Na akatoliti nuyombe Petro na wana wawili wa Zebedayo, na akatumbwili kuniongoneka ni kutenguka mwoyo. 38Bahalapala awajowela wombe, Mwoyo wangu uniongoneka nyahope, mpaka kufwa: muhwelaye apa, ni mutame miho pamonga nu nenga. 39Na akagenditi palongolo pachokope, nakagwili pa kyene kyake, nakasaliti kujowa, Dadi wangu, wona ihotoleka, ulutile pa nenga ntimbo uwu: leka nukuya umu nilondela nenga, koma umu wenga. 40Na awachila wanafunsi wake, ni awakolela wakugona lugono, na anjowela Petro, Wiwi, mukahotwili lepa kutama miho pamonga nu nenga saa yimonga? 41Mutame miho ni kusali, nausi musiyingila pa kugeseka: chakaka roho yilonda, koma nyama yilegelefu. 42Na kawili akabiti, nakasaliti kujowa, Dadi wangu, ngati uwu uhotoleka lepa kulutalila, wona nilema kuunywa, kila ulonda kikitike. 43Na akachiti kawili na akawakolili wagoniti lugono, ndawa miho gawe gayili mu kutopaleka. 44Na akawalekiti kawili, nakabiti, nakasaliti pa kadatu, kutawila malowe gagalagala. 45Bahalapala awachila wanafunsi, kuwajowela, Mugonaye lugono hino, na mupumulilaye: lola, saa yiwandamile, ni Mwana wa adam afumbulika mu mawoko ga wene sambi. 46Muyumukaye, tiwuke: lola, yombe wakunifumbukisa awandamila.
47Ni apa akayili mu kulongela, lola, Yuda, yumonga wa kumi na wawili wala, akachiti, na pamonga nako lipuga likulungu pamonga na maupanga ni ndonga, kuhumila pa makasisi makulungu na wakulu‐wakulu wa nsafi. 48Leka wakumfumbukisa yombe akawapili kiwalalilo, kujowa, Ayi yoha uyu yanimiange, ayii yuyu mwene: munkamule yombe. 49Ni hino apa akanchilili Yesu, nakajowiti, Salaam, Rabbi; na akammiangili. 50Leka Yesu akanjowili, Njangu, kita kila kwa ndawa yake uchiti. Bahalapala wakanchilili, na wakandekalili Yesu mawoko, na wakankamwili yombe. 51Na lola, yumonga wa awa pamonga nu Yesu akatambalisi kiwoko, akaholomwili upanga, na akantowiti mbanda wa kasisi nkulungu, na akambusiti likutu. 52Bahalapala Yesu anjowela yombe, Kilausa upanga wako pandu pake: pakuya woha wakutola upanga yawatagike ni upanga. 53Pangi uhola kukita nenga nakuhotola kumpembesa Dadi wangu, na yanipelekele hino mapuga mingi ga wamalaika kulutila kumi na gawili? 54Mumu malembo yagamemasike wuli, kukita wiwila ngafipatiti kuya? 55Saa yiyilayila Yesu akajowiti kwa mapuga, Mukapititi na maupanga ni ndonga kunitola nenga ngati mwifi? Mhina magono mu hekalu nikayili mu kuyigalisa, na mukanikamwili lepa. 56Leka ifi fyoha fipatiti kuya, nausi malembo ga wakulweta gamemasike. Bahalapala wanafunsi woha wakandekiti yombe, ni wakakimbili.
57Leka wala wakankamwili Yesu wakalutiti nako kwa Kayafa nkulungu wa makasisi, pala wakulembela na wakulu‐wakulu wakakokini pamonga. 58Koma Petro akankisiti patali, mpaka pa lihegele lya kasisi nkulungu, na akayingili kuhyetu, nakatemi pasi pamonga na wa polisi, kukuwona kwa kumalakila. 59Leka makasisi makulungu na wa chengo woha wakayili mu kulonda‐londa ulungamakiso wa mageya, nausi wamfwise; 60na wakaukolili lepa, haka wakachiti wakulungamakila wingi wa mageya. Leka panyuma pake wawili wakachiti, 61kujowa, Mundu uyu akajowiti, Nihotola kwibomola hekalu ya Mulungu, na magono gadatu kwijenga kawili. 62Nu kasisi nkulungu pakayimiti, akanjowili, Uhiga lepa kindu? kiki iki walungamakila awa? 63Koma Yesu akatemi kinunu. Ni kasisi nkulungu akanjowili, Nikulapalakisa kwa Mulungu wa kulama, kukita utitawalile wona wenga uyii Kristo, Mwana wa Mulungu. 64Yesu anjowela yombe, Utawili: haka wiwila niwajowela mwenga, Kitumbulile hino apa yamumbone Mwana wa adam ni atama pa kiwoko kya kigosi kya mbafu, ni ahicha pa mafundi ga kunani. 65Bahalapala kasisi nkulungu akakachwili nguo syake, kujowa, Ajowili ngani blasfemia: utisowa wuli ulungamakiso hino? lola, hino muyufwanili blasfemia: 66muwona wuli? Awa wakahigiti kujowa, Ayii ni mhalo wa kufwa. 67Bahalapala wakamfunyili pa kyene kyake ni wakantowiti ni likonde: na wangi wakantowiti lupi, 68kujowa, Utilwetele, wenga Kristo: nani akutowiti?
69Leka Petro akayili mu kutama kunja pa lihegele: nu mhinja akanchilili kujowa, Wenga kawili ukayili pamonga nu Yesu wa Galilaya. 70Koma akabeliti palongolo pa woha, kujowa, Nukumanya lepa kiki ujowa. 71Na pakapititi mu lufuka lwa pa ndyango, ndala yungi akambweni, na awajowela wala wakuya baha, Mundu uyu kawili akayili pamonga nu Yesu mNazarayo. 72Akapindwili nakakanili ngani ni kulapila, kukita, Nimmanya lepa mundu uyu. 73Na wakuyima baho nawombe panyuma pachokope wakanchilili ni kunjowela Petro, Chakaka wenga kawili uyii wa wombe awa; pakuya kajoweko kako kakufumbukisa. 74Bahalapala akatumbwili kulapalakisa ni kuliga, kujowa, Nimmanya lepa mundu uyu. 75Na bahalapala lijogolo likawikiti. Ni Petro akakumbukili lilowe lya Yesu lila akajowiti, Lijogolo lyakona lyangawika, yaunikane kadatu. Ni akapititi kunja, nakaliliti masoli kiwinile.
Currently Selected:
Mattayo 26: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Mattayo 26
26
1Na ikayili kukita, baha Yesu akamaliti malowe aga goha, 2akawajowili wanafunsi wake, Mumanya kukita panyuma pa magono gawili yifika pasaka, ni Mwana wa adam yafumbulike kuwambika pa msalaba. 3Bahalapala wakakokini makasisi makulungu, ni wakuluwakulu wa nsafi, ku chengo kyake kya kasisi nkulungu, yuakemeleka Kayafa: 4leka wakapangini malango nausi wankamule Yesu pa kuchenjela, na wankome. 5Leka wakajowiti, Si pa ligono likulungu, nausi isiyufwanika njwawila pa nsafi.
6Leka Yesu pala akayili mu Betania, mu nyumba ya Simon wa matana, 7ndala akanchilili, ayii nayo nchupa ya alabastro ya mafuta gene uhemesi ukulungu, ni akamiminili pa mutu wake, pala akayili mu kutama pa kulya. 8Leka wanafunsi apa wakaweni wakafyomiti, kujowa, Ndawa kiki kuyananga uku? 9Pakuya aga ngahotoliki kuhemeleka kwa ndalama sya mahele, na kupelewa kwa wagaju. 10Leka Yesu pakawaloliti akawajowili, Kwa kiki mumhumbusa ndala uyu? pakuya akanihengili lihengo linofu. 11Pakuya magono goha muyii ni wagaju pamonga namu: koma nenga muyilepe nu nenga magono goha. 12Pakuya pakalekili mafuta aga pa mbili wangu, akakiti kwa kuwikika kwangu pa manyinja. 13Chakaka niwajowela, Payi poha evangel iyi yayiwandasike pa ndima woha, iki kawili akakiti ndala uyu yakilongaleke kwa kikumbukumbu kyake.
14Bahalapala yumonga wa kumi na wawili wala, yuakemeleka Yuda Iskariota, akabiti kwa makasisi makulungu, nakajowiti, Mulonda kunipela kiki, na nenga yanimfumbule kwinu? 15Na wampimili ndalama makumi gadatu. 16Leka kitumbulile lukumbi lula akayili mu kulonda‐londa lukumbi lunofu nausi amfumbukise.
17Leka pa ligono lyakutumbula lyangali kimela, wanafunsi wakanchilili Yesu, kujowa, Kuliku ulonda tikuwikile ngani kulya pasaka? 18Leka akajowiti, Mubitaye ku likaya kwa nunuyu, na munjowele, Mwalimu ajowa, Lukumbi lwangu luwandamile; kwako wenga nikita pasaka pamonga na wanafunsi wangu. 19Na wanafunsi wakakiti umu Yesu akawataukili; na wakawikili ngani pasaka. 20Leka pakufika kimihi, akayili mu kutama pa kyakulya pamonga na wanafunsi wake kumi na wawili; 21na pa kulya wombe, akajowiti, Chakaka niwajowela, kukita yumonga wa mwenga yanifumbukise. 22Na pa kuniongoneka nyahope, wakatumbwili yumonga yumonga kunjowela yombe, Bambo, ayii nenga? 23Leka pakahigiti akajowiti, Wa kuyina kiwoko pamonga na nenga pa kisayi, yuyu yanifumbukise. 24Mwana wa adam abita, ngati umu yilembikili ya yombe: leka ling’aho kwa mundu yula pa yombe Mwana wa adam afumbukasika! ngakayili kinofu kwa mundu yula kukita ngaahogoliki lepa. 25Leka Yuda, uyu akamfumbukisi, akahigiti ni kujowa, Rabbi, ayii nenga? Anjowela, Wenga utawili. 26Leka apa wakayili pa kulya, Yesu akatoliti nkate, akapili kihomo, nakametwili; nakawapili wanafunsi kujowa, Mutolaye, mulyaye; uwu uyii mbili wangu. 27Na akatoliti ntimbo, nakasengwisi, na akawapili, kujowa, Munywaye mwawoha pa uwu; 28pakuya uwu uyii mwasi wangu wa kilagano, uwu uyitika ndawa ya wa mahele kwa kulekelekesa sambi. 29Leka niwajowela mwenga, Kitumbulile hino yaninywe lepa fya kipambiko kya mbelesa, mpaka ligono lililalila baha yaninywe pamonga nu mwenga kya hino pa utwa wa Dadi wangu.
30Na apa wakayimbili nyimbo, wakapititi ku kidunda kya Miseituni.
31Bahalapala Yesu akawajowili, Mwenga mwawoha yamukuwasike pa nenga kilo iki: pakuya yilembiki, Yanintowe wa kudima, ni mambelele ga lipuga yagayambanisike. 32Leka panyuma pa kusyuka kwangu, yaniwalongolele mwenga ku Galilaya. 33Leka Petro akahigiti nakanjowili, Ngati woha yawakuwasike pa wenga, nenga nukuwasika lepa lukumbi luyi lwoha. 34Yesu akajowiti kwa yombe, Chakaka nikujowela, kukita kilo iki, lijogolo lyakona lyangawika, yaunikanile kadatu. 35Petro anjowela, Haka nganifwili pamonga nu wenga, nu kukukana lepa. Wiwila kawili wanafunsi woha wakajowiti.
36Bahalapala Yesu ahicha pamonga nawo pandu pakukemeleka Gethsemane, na awajowela wanafunsi wake, Mutame apa, mpaka apa yanibite uku ni kusali. 37Na akatoliti nuyombe Petro na wana wawili wa Zebedayo, na akatumbwili kuniongoneka ni kutenguka mwoyo. 38Bahalapala awajowela wombe, Mwoyo wangu uniongoneka nyahope, mpaka kufwa: muhwelaye apa, ni mutame miho pamonga nu nenga. 39Na akagenditi palongolo pachokope, nakagwili pa kyene kyake, nakasaliti kujowa, Dadi wangu, wona ihotoleka, ulutile pa nenga ntimbo uwu: leka nukuya umu nilondela nenga, koma umu wenga. 40Na awachila wanafunsi wake, ni awakolela wakugona lugono, na anjowela Petro, Wiwi, mukahotwili lepa kutama miho pamonga nu nenga saa yimonga? 41Mutame miho ni kusali, nausi musiyingila pa kugeseka: chakaka roho yilonda, koma nyama yilegelefu. 42Na kawili akabiti, nakasaliti kujowa, Dadi wangu, ngati uwu uhotoleka lepa kulutalila, wona nilema kuunywa, kila ulonda kikitike. 43Na akachiti kawili na akawakolili wagoniti lugono, ndawa miho gawe gayili mu kutopaleka. 44Na akawalekiti kawili, nakabiti, nakasaliti pa kadatu, kutawila malowe gagalagala. 45Bahalapala awachila wanafunsi, kuwajowela, Mugonaye lugono hino, na mupumulilaye: lola, saa yiwandamile, ni Mwana wa adam afumbulika mu mawoko ga wene sambi. 46Muyumukaye, tiwuke: lola, yombe wakunifumbukisa awandamila.
47Ni apa akayili mu kulongela, lola, Yuda, yumonga wa kumi na wawili wala, akachiti, na pamonga nako lipuga likulungu pamonga na maupanga ni ndonga, kuhumila pa makasisi makulungu na wakulu‐wakulu wa nsafi. 48Leka wakumfumbukisa yombe akawapili kiwalalilo, kujowa, Ayi yoha uyu yanimiange, ayii yuyu mwene: munkamule yombe. 49Ni hino apa akanchilili Yesu, nakajowiti, Salaam, Rabbi; na akammiangili. 50Leka Yesu akanjowili, Njangu, kita kila kwa ndawa yake uchiti. Bahalapala wakanchilili, na wakandekalili Yesu mawoko, na wakankamwili yombe. 51Na lola, yumonga wa awa pamonga nu Yesu akatambalisi kiwoko, akaholomwili upanga, na akantowiti mbanda wa kasisi nkulungu, na akambusiti likutu. 52Bahalapala Yesu anjowela yombe, Kilausa upanga wako pandu pake: pakuya woha wakutola upanga yawatagike ni upanga. 53Pangi uhola kukita nenga nakuhotola kumpembesa Dadi wangu, na yanipelekele hino mapuga mingi ga wamalaika kulutila kumi na gawili? 54Mumu malembo yagamemasike wuli, kukita wiwila ngafipatiti kuya? 55Saa yiyilayila Yesu akajowiti kwa mapuga, Mukapititi na maupanga ni ndonga kunitola nenga ngati mwifi? Mhina magono mu hekalu nikayili mu kuyigalisa, na mukanikamwili lepa. 56Leka ifi fyoha fipatiti kuya, nausi malembo ga wakulweta gamemasike. Bahalapala wanafunsi woha wakandekiti yombe, ni wakakimbili.
57Leka wala wakankamwili Yesu wakalutiti nako kwa Kayafa nkulungu wa makasisi, pala wakulembela na wakulu‐wakulu wakakokini pamonga. 58Koma Petro akankisiti patali, mpaka pa lihegele lya kasisi nkulungu, na akayingili kuhyetu, nakatemi pasi pamonga na wa polisi, kukuwona kwa kumalakila. 59Leka makasisi makulungu na wa chengo woha wakayili mu kulonda‐londa ulungamakiso wa mageya, nausi wamfwise; 60na wakaukolili lepa, haka wakachiti wakulungamakila wingi wa mageya. Leka panyuma pake wawili wakachiti, 61kujowa, Mundu uyu akajowiti, Nihotola kwibomola hekalu ya Mulungu, na magono gadatu kwijenga kawili. 62Nu kasisi nkulungu pakayimiti, akanjowili, Uhiga lepa kindu? kiki iki walungamakila awa? 63Koma Yesu akatemi kinunu. Ni kasisi nkulungu akanjowili, Nikulapalakisa kwa Mulungu wa kulama, kukita utitawalile wona wenga uyii Kristo, Mwana wa Mulungu. 64Yesu anjowela yombe, Utawili: haka wiwila niwajowela mwenga, Kitumbulile hino apa yamumbone Mwana wa adam ni atama pa kiwoko kya kigosi kya mbafu, ni ahicha pa mafundi ga kunani. 65Bahalapala kasisi nkulungu akakachwili nguo syake, kujowa, Ajowili ngani blasfemia: utisowa wuli ulungamakiso hino? lola, hino muyufwanili blasfemia: 66muwona wuli? Awa wakahigiti kujowa, Ayii ni mhalo wa kufwa. 67Bahalapala wakamfunyili pa kyene kyake ni wakantowiti ni likonde: na wangi wakantowiti lupi, 68kujowa, Utilwetele, wenga Kristo: nani akutowiti?
69Leka Petro akayili mu kutama kunja pa lihegele: nu mhinja akanchilili kujowa, Wenga kawili ukayili pamonga nu Yesu wa Galilaya. 70Koma akabeliti palongolo pa woha, kujowa, Nukumanya lepa kiki ujowa. 71Na pakapititi mu lufuka lwa pa ndyango, ndala yungi akambweni, na awajowela wala wakuya baha, Mundu uyu kawili akayili pamonga nu Yesu mNazarayo. 72Akapindwili nakakanili ngani ni kulapila, kukita, Nimmanya lepa mundu uyu. 73Na wakuyima baho nawombe panyuma pachokope wakanchilili ni kunjowela Petro, Chakaka wenga kawili uyii wa wombe awa; pakuya kajoweko kako kakufumbukisa. 74Bahalapala akatumbwili kulapalakisa ni kuliga, kujowa, Nimmanya lepa mundu uyu. 75Na bahalapala lijogolo likawikiti. Ni Petro akakumbukili lilowe lya Yesu lila akajowiti, Lijogolo lyakona lyangawika, yaunikane kadatu. Ni akapititi kunja, nakaliliti masoli kiwinile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.