TĨĨGI WERE 36

WÃÃRE ESAW WO DE JAR NI ƁE

1Mokay diŋ wer mani Esawn wo, ga à hay ɗege ɓe ga Edom mono. 2Esaw da naare ɓen wo yoo jar Kanaan wo. Á da Ada may ma Elom je Hitid no. Oholibama may ma Ana, may ma Sibeon je Hifid no, 3wo de Basmad, may mani Ismayel maygeman Nebayod no. 4Ada biŋ Elifas ne Esaw, Basmad biŋ Reuwel. 5Oholibama biŋ Yewus, Yaelam wo de Kora. Mo lag diŋ jar ni Esaw maga á biŋ ra ɓi sir Kanaan mono. 6Esaw hoo naare ɓe wo, weere ɓe wo de mayre ɓe wo, de jar maga wo liŋ ni ɓe mo ɓuy, horog ɓen wo de fẽẽre ɓe maga se daʼ ra ɓi sir Kanaan mo ɓuy, hoo ra kal rawge ɓi sir ma tigriŋ wo go hãã see hẽn ɓe Jakobe. 7Werga á hay wo diŋ jar horog debaŋ, bay nen maga á lag wo see kããra wa, day sir maga á hay joŋ wo ni mono hay go ne hara pel de pẽẽre wer horog ɓaaran wo no.

8Esaw kal laa tiŋ ti húulì ma Seyiri. Esaw diŋ Edom.

9Mokay diŋ wer mani Esaw no, pan Edom, ti húulì ma Seyir no. 10Mokay diŋ ɗúu jar ni Esaw wo : Elifas je ni Ada wãy Esaw, Reuwel je ni Basmad wãy Esaw. 11Jar ni Elifas joŋ ge wo diŋ : Teman, Omar, Sefo, Gayetam wo de Kenase. 12Timna hay diŋ wãy Elifas je ni Esawn ma klee. Á kal biŋ Amaleg ne Elifas. Sen wo mo lag diŋ jar ni Ada wãy Esaw. 13Mokay diŋ jar ni Reuwel wo : Nahad, Sera, Kamma wo de Misa. Sen wo mo lag diŋ jar ni Basmad wãy Esaw.

14Mokay diŋ jar ni Oholibama wo, may ma Ana no, may ma Sibeon wãy Esaw. Á biŋ Yeus, Yaelam wo de Kora ne Esaw.

15Mokay diŋ waŋre jar ni Esaw wo. Mokay diŋ jar ni Elifas jag mbarga Esaw wo no : waŋ Teman, waŋ Omar, waŋ Sefo, waŋ Kenas. 16Waŋ Kora, waŋ Kaetam, waŋ Amaleg. Sen mo lag diŋ waŋre ma Elifas wo ɓi sir Edom. Sen wo mo lag diŋ jar ni Ada wo. 17Mokay diŋ jar ni Reuwel je ni Esaw no : Waŋ Nahad, waŋ Sera, waŋ Kamma, waŋ Misa. Sen wo mo lag diŋ waŋre ma Reuwel ɓi sir Edom. Sen wo mo lag diŋ jar ni Basmad wãy Esaw. 18Mokay diŋ jar ni Oholibama wãy Esaw wo. Waŋ Yeus, waŋ Yaelam, waŋ Kora, sen wo mo lag diŋ jar ni oholibama may ma Ana, wãy Esaw.

19Sen wo mo lag diŋ jar ni Esaw wo, mo lag diŋ waŋre ɓaaran wo. Esaw diŋ Edom.

20Mokay diŋ ɗúu jar ni Seyir wo, Je Horiyẽẽ no, jar maga hay wo go ɓaaɓaa ɓi sirn ni mono. Hotan, Sobal, Sibeon, Ana, 21Dison, Etser wo de Dekan. Sen wo mo lag diŋ waŋre Horiyẽẽ wo, jar ni Seyir wo ɓi sir Edom. 22Jar ni Lotan wo diŋ : Hori wo de Hemam. Maygeman Lotan hay diŋ Timna. 23Mokay diŋ jar ni Sobal wo, Alfan, Manahad Ebal, Kefo wo de Onam. 24Mokay diŋ jar ni Sebeon wo : Afa wo de Ana. Ana sen la daʼ kããge bii ma tuu ti puuli, de maga á hay koɗ gerhẽẽ mani pan ɓe Sebeon wo mono. 25Mokay diŋ jar ni Ana wo : Dison wo de Oholibaama may ma Ana. 26Mokay diŋ jar ni Disan wo : Hemdan, Esban, Yitran wo de Keran. 27Mokay diŋ jar ni Etser wo : Bilhan, Saafan wo de Akan. 28Mokay diŋ jar ni Disan wo : Uts wo de Aran. 29Mokay diŋ waŋre Horiyẽẽ wo : Waŋ Lotan, waŋ Sobal, waŋ Sibeon, waŋ Ana.

30Waŋ Dikon, waŋ Etser, waŋ Disan. Sen mo lag diŋ waŋre Horiyẽẽ wo, waŋre ɓaaran wo ɓi sir Seyir.

31Mokay diŋ waŋre maga hay joŋ wo ti sir Edom, taŋgu maga waŋ joŋ ti jar Israyel wora 32Bela, je ni Beorn joŋ ti Edom, day ɗúu ɓi leege ɓen hay ga Dinhaba. 33Bela huu go, day Yobab je ni Sera ma Botsra kol ti ngel ɓe. 34Yobab huu go, day Husam ma ti ɓaŋ Teman kol ti ngel ɓe 35Husam huu go, day Hadad je ni Bedadn kol ti ngel ɓe. Boo Madiyaŋ ti prog Mohad diŋ se. Du ɓi leege ɓen hay ga Afid 36Hadad huu go, day Samla ma Masreka kol ti ngel ɓe. 37Samla huu go, day Sawul ma Rehobod jag maarog kol go waŋ ti ngel ɓe. 38Sawul huu go, day Baal-Hanan je ni Akborn kol ti ngel ɓe. 39Baal-Hanan je ni Akborn huu go, day Hadar kal kolge ti ngel ɓe, ɗúu ɓi leege ɓen hay ga Pawu, day ɗúu wãy ɓen hay ga Mahetabeel, may ma Matred, may ma Mesahab.

40Mo kay diŋ ɗúu waŋre mani Esawn wo ti moobe ɓaara, ti sir ɓaara, ti ɗúu ɓaara. Waŋ Timna, waŋ Alfa, waŋ Yeted. 41Waŋ Oholibama, waŋ Ela, waŋ Pinon. 42Waŋ Kenas, waŋ Teman, waŋ Mibtsar, 43waŋ Magdiyel, waŋ Iram. Mo lag diŋ waŋre Edom wo so, de lagge ti ngel lagge ɓaara, ɓi sir maga hay diŋ ɓaara mono. Mono diŋ Esaw moo ɓaaran lay.

Currently Selected:

TĨĨGI WERE 36: TUP

Highlight

Copy