མཛད༌པ། 7
7
1ཉི་བླ་མ་གོང་མ་གི་ ཨུ་ཐུ་དེན་པ་གི་ལ་སྨོ་དག་ཉི་ ཨིས་ཏི་ཕ་ནཱས་ག་ཇི་མ༌ལ།
2ཨིས་ཏི་ཕ་ནཱས་གི་ ལན་མཇལ་ཉི་ གུས་ཞབས་ཨ་ཁཱན་ ཇ་ག་ཨ་ཏ་ཀོ་ཏ་དང་ ཕ་མ་བ་ ཇི་གི་ཞུ་ཁཱན་ག་སྙན་གསེང༌ཅོ། ཨ་ཧ་ཕ་མ་ཨ་བཱརའ་ཧམ་ ས་ཆ་ཧ་རཱན་ག་ མ་བྱོན་མེ་གོ་མ་ འོད་ཆར་ཁཱན་ དཀོན་མཆོག་གི་ མེ་སོ་པོ་ཏྲ་མི་ཡ་དག་ས་ག་ རོ་ཀ་མཇལ་ཁ་གནང་ཐཱན་ 3རོ་ཀ་གསུངས་མ་ལ་ ན་ག་ཉེ་ཝ་ཐུང་མ་དང་ རྒྱལ་ཁབ་ཐུབ་ཐཱན་ཐཱན་ ཇི་གི་ན་ག་གེན་ཁཱན་ ས་ཆ་ག་ཏཱན་དི་#7:3 ཇུན་པ་ག་དཔེ་ཆ་ 12:1ཨ༌ཉི། 4ཉི་རོ་ཀི་ རོ་ཀ་རྒྱལ་ཁབ་ཐུབ་ཐཱན་ཐཱན་ ཧ་རཱན་ག་བྱོན་ཉི་བཞུགས་པ༌ལ། ཉི་ཨ་བཱརའ་ཧམ་ག་ ཡབ་གཤགས་ཏེན་གེ་ དཀོན་མཆོག་གི་ རོག་ཨོ་ཉ་ས་ཆ་གེ་ཤོན་ཐཱན་ ཨོ་མ་ན་ཧ་བ་ ཨོ་ག་བཞུགས་པ་ཅ་གི་ལ་སྨོ་ ཨོ་ཉ་ས་ཆ་ག་ཏཱན་ ཕ་ཉི་གནང་མ༌ལ།
5ཨུ་ཉུ་གང་ཀ་ དཀོན་མཆོག་གི་ ཨ་བཱརའ་ཧམ་ རོག་ཏེན་ག་དེན་གེ་ ས་ད་སུར་རང་མ་གནང་ཤི། ཉི་མ་གནང་མེ་ནང་ཀེ་བུ་ ས་ཁང་ཐུར་བུ་མ་གནང་ཤི། ཨ་བཱརའ་ཧམ་ག་ སྲས་སྲས་མོ་ མཱན་ཐཱན་རང་གི་ནེ་བུ་ ཨོ་ཉ་ས་རོ་ཀ་གནང༌མེ། ཉི་རོག་དང་རོ་ཀ་མི་རྒྱུད་བ་ཀ་ ས་རི་ལེ་ཨ་ཉི་ དཀོན་མཆོག་གི་ དབུ་མནའ་བཞེས་ཝ༌ལ། 6དག་པ་ཀབ་ཉི་ དཀོན་མཆོག་གི་ རོ་ཀ་ ཨོ་ཐེན་གསུངས་མ་ལ་ ན་ག་མི་རྒྱུད་བ་ བཱརའ་ག་རྒྱལ་ཁབ་ག་ དི་ཉི་ཆོ་ལེ་ཁེ༌ལེ། རོག་ཏེ་བ་ བཱརའ་ག་ཕརའ་ཁེ་ཟ་པ་ཨ་ཉི་ གནམ་མེད་ས་མེད་ཏི་ཉི་ ཉིང་ 400 སག་པུ་ཐ༌ལེ། 7དག་པ་ཀབ་ཉི་ དཀོན་མཆོག་གི་གསུངས་མ་ལ་ རོག་ཏེ་བ་ཏི་ཁཱན་ རྒྱལ་ཁབ་ག་སོ་ངོ་བ་ ཇི་གི་ཁྲིམས་ཀེ༌བེ། ཉི་ཨོ་ཉ་ཚི་ངེ་ ན་ག་རྒྱུད་པ་བ་ ཟ་པ་གེ་ཤོ་ཉི་ཨུན་ཐཱན་ ཨོ་ཐ་ས་ཆ་ག་ རོག་ཏེ་བ་ཀི་ ཇ་ག་མགུར་མ་ཞུ་ལེ་#7:7 ཇུན་པ་ག་དཔེ་ཆ་ 15:13, 14ཨ༌ཉི།
8ཉི་དཀོན་མཆོག་གི་ ཨ་བཱརའ་ཧམ་ག་ ཤ་ཅཱད་པེ་ག་འགན་རྒྱ་ གནང་མ༌ལ། ཉི་ཨ་བཱརའ་ཧམ་ ཨི་སག་ག་ཨ་པ་རི་ཉི་ ནོང་ཡེན་ག་ནོང་ཀ་ ཨ་བཱརའ་ཧམ་གི་ ཨི་སག་ག་ཤ་ཅཱད་པ༌ལ། ཉི་ཨི་སག་གི་ རོ་ཀ་སྲས་ཡ་ཀུབ་ག་ ཤ་ཅཱད་པ༌ལ། ཉི་ཡ་ཀུབ་གི་ རོ་ཀ་སྲས་སོང་ཉིག་ཙིང་ག་ ཤ་ཅཱད་པ༌ལ། ཉི་ཨིས་རེལ་ག་ མི་རིགས་སོང་ཉིག་ཙིང་ཤོ་ རོག་ཏེ་བ་ཀེ་ཨ་ཉི་ རི་ཝ་གི༌ལ།
9ཡ་ཀུབ་ག་སྲས་ག་བ་ རོག་ཏེ་བ་ཀ་བོ་ཉིང་ ཡོ་སེཕ་ག་གོད་ཉི་ མིང་ཤོག་པ་ཨ་དེན་གེ་ རོག་ཏེ་བ་ཀི་ ཡོ་སེཕ་ཨི་ཇིབ་ག་ཏཱན་ ཟ་པ་ཨ་ཉི་ཙོང་མ༌ལ། དག་པ་ཀབ་ཉི་ དཀོན་མཆོག་རོག་ཀབ་ཉི་ བཞུགས་པ་ཆོ༌ཝ། 10ཉི་རོག་ཧང་ད་བུ་ ཏབ་མ་ཉམ་པ་ཤོ་ཉི་ ནང་དོག་ནེ་བུ་ དཀོན་མཆོག་གི་ རོ་ཀ་སྐྱབས་གཟིགས་པ༌ལ། ཉི་རོག་ ཨི་ཇིབ་ག་དཔོན་ ཕ་རོ་ག་སྐུན་མདུན་ག་ བཅག་ཅ་ཨ་ཉི་ དཀོན་མཆོག་གི་ རོ་ཀ་ཐུགས་རྗེ་གཟིགས་ཉི་ རིག་པ་གནང་མ་ཨ་དེན་གེ་ རོག་ཁེ་པ་ དཔོན་ཕ་རོ་གི་ རོ་ཀ་རྒྱལ་ཁབ་ཨི་ཇིབ་དང་ རོ་ཀ་གཟིམ་ཅུང་དབང་ཁཱན་ ཅོད་ཉི་གནང་མ༌ལ།
11ཨོ་ཉ་ཚི་ངེ་ ཨི་ཇིབ་ཐམས་ཅན་དང་ ཀ་ནཱན་ག་#7:11 དཀོན་མཆོག་གི་ ཨ་བཱརའ་ཧམ་ག་ཏཱན་ རོ་ཀ་རྒྱུད་པ་བ་ཀ་ གནང་མེ་དག་ཉི་ དབུ་མནའ་བཞེས་ཉི་གནང་ཁཱན་ ས་ཆ་ག་མིང་ཤོ་ ཀ་ནཱན་དག་ཉི་ཆིན་ཅ་གི༌ལ། ཨོ་ཉི་ཨ་དེན་གེ་ ཀ་ནཱན་ཤོ་ གནམ་མེད་ས་མེད་ བྱིན་རླབས་ཅན་ག་ ས་ཆ་དག་ཉི་ཆིན༌ཅ། ཉི་ཐི་ནོང་ནམ་ནིང་ཤོ་ ཀ་ནཱན་ག་ པེ་ལིས་ཊིན་དག་ཉི་ཆིན༌ཅ། ཟ་ལེ་ག་བེས་ཉི་ སོ་ངོ་བ་ གནམ་མེད་ས་མེད་ ནང་དོག་པ༌ལ། ཉི་ཨ་ཧ་ཕ་མ་བ་ཀི་ ཟ་ལེ་ལྟོ་མ་ཉོང་པ༌ལ། 12ཉི་ཡ་ཀུབ་གི་ ཨི་ཇིབ་ག་ བུ་དང་ལ་དང་ཨ་ཉི་ ན་ཐ་ལ་ཀབ་ཉི་ རོ་ཀི་ཨ་ཧ་ཕ་མ་བ་ གོ་དང་པ་ ཨི་ཇིབ་ག་ཏཱན་ཀུན་ཏི་ཝ༌ལ། 13ཉི་ཨོམ་ཆང་ ཚི་ངེ་དི་ཉི་ ཤེབ་ཉིག་ཙིང་དག་པ་ཀབ་ཉི་ ཡོ་སེཕ་གི་ རོ་ཀ་ཨ་ཏ་བ་ཀ་ཏཱན་ རོག་རོག་ཏེན་ག་ ངོ་པག་ཉི་གནང་མ༌ལ། ཉི་དཔོན་ཕ་རོ་གི་ ཡོ་སེཕ་ག་ ཕའི་ནང་ཀ་སོ་ངོ་བ་ གུམ་ཡེ་ཝ༌ལ། 14ཉི་ཡོ་སེཕ་གི་ རོ་ཀ་ཨ་པ་དང་ རོ་ཀ་ཉེ་ཝ་ཐུང་མ་བ་ ཨི་ཇིབ་ག་ཏཱན་ར་ཝ༌ལ། རོག་ཏེ་བ་དོམ་གེ་ སོ་ངོ་ 75 ཆོ་ཝ༌ལ། 15ཨ་ཧ་ཕ་མ་བ་པུརུས་ཀིན་ཨ་ཉི་ ཡོ་སེཕ་ག་ཨ་པ་ ཨི་ཇིབ་ག་དིན་ཐཱན་ ཉ་ག་རང་གཤགས་པ༌ལ། 16ཉི་ཨོ་ཉ་ཚི་ངེ་ རོག་ཏེ་བ་ཀ་ཕུང་པུ་ ཤ་ཀེམ་དག་ས་ག་ཏཱན་བུན་ཐཱན་ ཉི་ཨ་བཱརའ་ཧམ་གི་ ཧ་མོར་དག་ཁཱན་ག་ རྒྱུད་པ་བ་ཀེ་ ངེ་ལོང་བི་ཉི་ངོ་ཁཱན་ དུར་ག་བུ་ཉི་ ཝང་ཕི་ཝ༌ལ།
17དག་པ་ཀབ་ཉི་ དཀོན་མཆོག་གི་ ཨ་བཱརའ་ཧམ་ཀབ་ཉི་ དབུ་མནའ་བཞེས་ཁཱན་ཁེ་པ་ འགྲུབ་ཕེ་ག་དུས་ཙུན་རེན་པ་ཀབ་ཉི་ ཨི་ཇིབ་ག་ཆོ་ཁཱན་ ཨིས་རེལ་ག་སོ་ངོ་བ་ མང་པུ་རི་ལེ་གོ་ཙུག་ཉི་ དར་བ༌ལ། 18ཉི་ཇུ་ཀ་དག་པ་ཀབ་ཉི་ ཡོ་སེཕ་གུམ་མ་ཡེ་ཁཱན་ དཔོན་གི་ ཨི་ཇིབ་དབང་པེ་གོ་ཙུག༌པ། 19རོ་ཀི་ ཨ་ཧ་སོ་ངོ་བ་ཀ་ མགུ་སྐོར་ཕི་ཉི་ གནམ་མེད་ས་མེད་ མ་ལེག་པ་ཨ་ཉི་ཏི༌བ། ཉི་རོག་ཏེ་བ་ཀ་ཝག་ཙ་བ་ ཤིན་ཆེན་དག་པ་གི་ བང་ཙོང་ཉི་རང་ ཐུབ་ཐ་ལེ་བིན་ཆོ༌ཝ།
20ཨུ་ཉུ་གང་ཀ་ མོ་ས་སྐུ་འཁྲུངས་མ་གི༌ལ། ཉི་རོག་ཤོ་ ཕོ་རབ་ཐུར་ཆོ༌ཝ། ཉི་ལ་ཉི་སམ་སག་པུ་ རོ་ཀ་ཕ་མ་ཉིག་ཙིང་གི་ ཕའི་ག་རང་ བདག་འཛིན་ཨ་ཉི་ཐ་ཝ༌ལ། 21ཉི་རོག་ རོ་ཀ་ཕའི་གེ་ཕིས་ཀ་ ཤོན་གེམ་དེན་གེ་ དཔོན་ཕ་རོ་ག་སྲས་མོ་གི་ རོག་རོ་ཀ་སྲས་ཅོད་ཐཱན་ རོག་ཏེན་ག་སྲས་ཙི་ཉི་ སིང་མ༌ལ། 22ཨི་ཇིབ་ག་སོ་ངོ་བ་ཀ་ ཡོན་ཏན་ཐམས་ཅན་རང་ མོ་ས་ག་ཡེ་ཉི་བི་ཝ༌ལ། ཉི་རོ་ཀ་ཆཱས་ཨ་ཐང་དང་ ལའི་ཨ་ཐང་ག་ དབང་ཚད་ཆོ་ཝ༌ལ།
23ཉི་རོག་ ཉིང་ 40 དི་དེན་གེ་ རོ་ཀི་རོ་ཀ་ ཨིས་རེལ་ག་སོ་ངོ་བ་ རུ་མེ་ག་སེམས་ཨ་ཝ༌ལ། 24ཨི་ཇིབ་ག་སོ་ངོ་ཐུར་གི་ ཨིས་རེལ་ག་སོ་ངོ་ཐུར་ ཀོང་ཉི་ཚབ་ཉི་ཨ་ཝ་ག་ ཐོང་མ༌ལ། ཉི་རོ་ཀི་ ཨིས་རེལ་ག་སོ་ངོ་ག་ ཁ་ཨན་ཅ་ཨ་ཉི་ ཨི་ཇིབ་ག་སོ་ངོ་ཁེ་པ་ ཤེན་ཐ་ཝ༌ལ། 25རོ་ཀི་མི་ཝ་ཆོ་ཝ་ རོག་ཤོ་ རོ་ཀ་སོ་ངོ་བ་ ཟ་པ་གེ་ཐར་བེ་དེན་གེ་ དཀོན་མཆོག་གི་ ཀུན་ཏི་ཝ་གི་ལ་དག་ཉི་ རོ་ཀ་སོ་ངོ་བ་ཀི་ ཧ་གོ་ལེ་ཨ་ཉི་ དག་པ་ཀབ་ཉི་ རོག་ཏེ་བ་ཀི་ ཧ་མ་གོ་ཝ༌ལ།
26ཉི་ནམ་ནིང་ད་བུ་ རོ་ཀི་ཨིས་རེལ་ག་སོ་ངོ་ཉིག་ཙིང་ ཁོ་ལོང་ཕི་ཝ་ག་ཐོང་མ༌ལ། ཉི་རོག་ཉིག་ཙིང་ག་བར་ཀ་ ཆ་མེ་གོད་ཉི་ གསུངས་མ་ལ་ ན་ཆིང་ཉིག་ཙིང་རང་ ཨིས་རེལ་ག་སོ་ངོ་གི༌ལ། ཉི་ཧང་ཨ་ཉི་ཨོ་ཐེན་ ཁོ་ལོང་ཕིན་ཅ་ཡ་དག༌ཉི།
27དག་པ་ཀབ་ཉི་ ཨོམ་ཐུར་ག་ཏཱན་ ཀོང་ཉི་ཚབ་ཉི་ ཨ་ཁཱན་གི་ མོ་ས་བེརེག་ཉི་གེམ་ཐཱན་ ཡེག་པ་ལ་ ནཱན་ཨའི་དབང་ཁཱན་དང་ ཁྲིམས་ཅཱད་ཁཱན་ ཨི་བི་གི་ཅོད་པ་ཡ། 28ནཱན་གི་ ཨི་ཉིང་ཨི་ཇིབ་ག་ སོ་ངོ་ཤེ་ཝ་པུརུས་ཀིན་ཨ་ཉི་ ཇང་བུ་ ཤེ་ལེ་སྨོ་དག༌ཉི། 29ཨོ་ཐེན་ན་ཐ་ལ་ཀབ་ཉི་ མོ་ས་ ཨི་ཇིབ་གེ་གཱན་ཇོང་ཉི་ མེ་དཱན་དག་ཁཱན་ ས་ཆ་ག་ཏཱན་དི་ཉི་ ཆོ་ཝ༌ལ། ཉི་ཉ་ག་ རོག་ཕིས་ཀ་སོ་ངོ་རི་ཉི་ ཝག་ཙ་ཉིག་ཙིང་ག་ ཨ་པ་རི་ཝ༌ལ།
30ཉིང་ 40 ག་ཚི་ངེ་ ཕུ་སི་ནའི་#7:30 སི་ནའི་དག་ཁཱན་ཤོ་ ཨ་ར་བི་ཡ་ག་ ས་ཏོང་པ་ནང་ཀ་ཆོ་ཁཱན་ ཕུ་ཐུར་ག་མིང་གི༌ལ། ཉི་ཨོ་ཐ་ཕུ་ཐུང་ཀ་ དཀོན་མཆོག་གི་ ཨིས་རེལ་ག་ སོ་ངོ་བ་ཀ་དེན་གེ་ མོ་ས་ག་ཏཱན་ བཀའ་ཁྲིམས་སེ་པ་གནང་མ༌ལ།ག་ར་ག་ཆོ་ཁཱན་ ས་ཏོང་པ་ནང་ཀ་ མི་དིར་ཉི་ཆོ་ཁཱན་ བེན་ཀོང་གེ་ཞིང་ཁམས་ག་འཐེན་པ་གི་ རོ་ཀ་མཇལ་ཁ་གནང་མ༌ལ། 31རོ་ཀི་ཐོང་ཁཱན་ག་གོད་ཉི་ མོ་ས་ཡིད་ཆི་ཝ༌ལ། ཉི་ལེག་པུ་ཨ་ཉི་ གོད་པེ་དེན་གེ་ བེན་ཀོང་ར་ག་དི་ཝ༌ལ། དག་པ་ཀབ་ཉི་ རོ་ཀི་གཙོ་བོ་ག་ གསུང་སྐད་ ན་ཐ་ཝ༌ལ། 32ཇང་ཤོ་ ན་ག་ཕ་མ་བ་ཀ་ དཀོན་མཆོག་གི༌ལ། ཨ་བཱརའ་ཧམ་ ཡ་ཀུབ་ ཉི་ཨི་སག་ག་ དཀོན་མཆོག་གི་ལ་དག༌ཉི།#7:32 ཤོན་དི་ཝ་ག་དཔེ་ཆ་ 3:6 ཉི་མོ་ས་ ཡོང་ཁེ་ཝ་ཨ་དེན་གེ་ ཁང་ནེང་ནེང་ཨ་ཉི་ གོད་པེ་མར་བ༌ལ།
33གཙོ་བོ་གི་ རོ་ཀ་གསུངས་མ་ལ་ ན་ག་བི་དར་ཕེག༌ཅོ། ཧང་ཡ་དག་ནེ་ལ་ ནཱན་ཨོ་ག་ཐིང་མ་ཅ་གི་ལ་སྨོ་ ཨུ་ཉུ་བཱརང་ཁེ་པ་ དམ་པ་གི༌ལ། 34ཇ་ག་ཨིས་རེལ་ག་སོ་ངོ་བ་ ཨི་ཇིབ་ག་ ཧང་ཏེན་ཏི་ཉི་ ཐ་ཝ་ཅ་གི་ལ་སྨོ་ ཇི་གི་ཐོང༌མ། ཉི་རོག་ཏེ་བ་ཀི་ སྐྱིད་སྡུག་ལང་ཉི་ ཇིག་ཁཱན་ཁེ་པ་ ཇི་གི་ན་ཐ༌ཝ། ཉི་རོག་ཏེ་བ་ ཟ་པ་གེ་ཐར་བེ་དེན་གེ་ ཇང་ཞིང་ཁམས་གེ་དོང་ འཛམ་གླིང་ག་ཨོ་ཕ༌ཅ། ཉི་ནཱན་ཐ་ཨོ་དོ་ ཇི་གི་ནཱན་ ཨི་ཇིབ་ག་ཀུན་ཏི་ལེ་#7:34 ཤོན་དི་ཝ་ག་དཔེ་ཆ་ 3:5,7,8,10 དག༌ཉི།
35མོ་ས་ཤོ་ ཨིས་རེལ་སོ་ངོ་བ་ཀི་ མ་ཚཱས་པཱན་ ནཱན་ཨའི་དབང་ཁཱན་དང་ ཁྲིམས་ཅཱད་ཁཱན་ ཨི་བི་གི་ཅོད་པ་ཡ་དག་ཉི་ ཡེག་པ་ཆོ་ནེ་བུ་ མི་དིར་ཉི་ཆོ་ཁཱན་བེན་ཀོང་ག་ རོ་ཀ་མཇལ་ཁ་གནང་ཁཱན་ ཞིང་ཁམས་ག་འཐེན་པ་ག་ཐུང་ཀེ་ཨ་ཉི་ རོག་ཤོ་ སོ་ངོ་བ་དབང་ཁཱན་དང་ ཟ་པ་གེ་ཐར་ཁཱན་ཨ་ཉི་ དཀོན་མཆོག་གི་ ཀུན་ཏི་ཝ་ཆོ༌ཝ། 36རོ་ཀི་ཨིས་རེལ་སོ་ངོ་བ་ ཨི་ཇིབ་ག་ཟ་པ་གེ་ཤོ་ཉི་ ཕིས་ཀ་བུ༌ཝ། ཉི་ཨི་ཇིབ་དང་ མཚོ་ཙ་ལུ་ག་ ཉི་ས་ཏོང་པ་ནང་ཀ་ ཉིང་ 40 སག་པུ་ རྫུ་འཕྲུལ་དང་ ཡིད་ཆི་ཝ་ག་ ལའི་མང་པུ་ཐུར་ མཛད་ཉི་གནང༌མ།
37མོ་ས་གི་ རོ་ཀ་ཨིས་རེལ་ག་སོ་ངོ་བ་ཀ་ གསུངས་མ་ཆོ་ཝ་ དཀོན་མཆོག་གི་ ཇང་ཀུན་ཏི་ཝ་པུརུས་ཀིན་ཨ་ཉི་ ན་ཧ་སོ་ངོ་བ་ཀ་པོང་ཀེ་རང་ ལུང་བསྟན་པ་ཐུར་ ཀུན་ཏི་ལེ་#7:37 ཁྲིམས་ལུགས་ག་དཔེ་ཆ་ 18:15 དག༌ཉི། 38ཉི་རོག་ ས་ཏོང་པ་ནང་ཀ་ ཨིས་རེལ་ག་སོ་ངོ་བ་ ཛོམ་ཁཱན་ག་དྲེ་ཀ་ བཞུགས་པ་ཆོ༌ཝ། ཉི་རོག་ ཨ་ཧ་ཕ་མ་བ་ཀབ་ཉི་དང་ ཕུ་སི་ནའི་ག་ རོག་ཀབ་ཉི་ གསུང་གྲོས་མཛད་ཁཱན་ ཞིང་ཁམས་ག་འཐེན་པ་ཀབ་ཉི་བུ་ བཞུགས་པ་ཆོ༌ཝ། ཉི་ཨ་ཧ་གནང་མེ་དེན་གེ་ དུས་ཏ་བུ་རང་བཞུགས་ཁཱན་ དཀོན་མཆོག་ག་ གསུང་ག་བ་ རོ་ཀི་ཞུ༌ཝ།
39དག་པ་ཀབ་ཉི་ ཨ་ཧ་ཕ་མ་བ་ཀི་ རོ་ཀ་ ཆ་གནས་ཐ་ལེ་མ་ནཱན་ཤི་ ཉི་རོག་ཏེ་བ་ ལོག་ཉི་ཨི་ཇིབ་ག་དི་ལེ་ག་ སེམས་ཨ་ཝ་ཆོ༌ཝ། 40ཨོ་ཉི་ཨ་དེན་གེ་ རོག་ཏེ་བ་ཀི་ ཧ་རུན་ག་ ཨོ་ཐེན་ཡེག་པ་ལ་ ཨ་ཧ་ལམ་རིག་ཁཱན་ ལྷ་ཚེ་བང་ཅོད༌ཅོ། ཧང་ཡ་དག་ནེ་ལ་ ཨ་ཧ་བ་ ས་ཆ་ཨི་ཇིབ་གེ་ཤོ་ཉི་ཕ་ཁཱན་ མོ་ས་ག་ཐུང་ཀ་ ཧང་ཇུང་མ་གི་ལ་སྨོ་ ཨ་ཤི་སེ་ལུ་མ་ལ་#7:40 ཤོན་དི་ཝ་ག་དཔེ་ཆ་ 32:1 དག༌ཉི། 41ཉི་རོག་ཏེ་བ་ཀི་ ཏོ་ཀ་ད་ཟ་ག་སྐུ་ཅོད་ཐཱན་ ཨོ་ཉ་ག་ཏཱན་ མཆོད་པ་ཕུལ་བ༌ལ། ཉི་རོག་ཏེ་བ་ཀ་ ག་དང་གི་ཅོད་ཁཱན་ག་ ཤོ་ནང་ཕེ་ཉི་ སྤྲོ་བ་ཙི་ཝ༌ལ། 42ཨིས་རེལ་ག་སོ་ངོ་བ་ ན་ཤི་ས་ཏོང་པ་ནང་ཀ་ ཉིང་ 40 ཆོ་ལེ་གང་ཀ་ སེམས་ཅན་ཤེན་ཐཱན་ ཇ་ག་ཏཱན་མཆོད་པ་ཕུལ་བ་སྨོ་དག་ཉི་ ལུང་བསྟན་པ་བ་ཀ་ དཔེ་ཆ་ནང་ཀ་ འབྲི་བ་དང་ཏུ་ཉི་ དཀོན་མཆོག་གི་ རོག་ཏེ་བ་ ཐུབ་ཐ་ཝ༌ལ། ཉི་ངམ་ཐུང་ཀ་ངམ་དང་ ལ་ཉི་ངམ་ ཉི་སྐར་མ་བ་ཀ་ གསོལ་ཝ་ཏ་པེ་ག་ བིན་ཐ་ཝ༌ལ། 43ན་ཤི་ ལྷ་མོ་ལོག་ག་གུར་དང་ སྐར་མ་སྨིན་དྲུག་ག་ ལྷ་རེ་ཕཱན་བང་མེན་མ་ཆོ༌ཝ། ཉི་ཨོ་ཉ་བ་ཤོ་ ན་ཤི་གསོལ་ཝ་ཏ་པེ་དེན་གེ་ཅོད་ཁཱན་ སྐུ་ག་བ་གི་ཝ་ཆོ༌ཝ། ཨོ་ཉི་ཨ་དེན་གེ་ ཇི་གི་ན་ཧ་བ་ བེ་བི་ལོན་གེ་ཉི་ ན་ཧ་དགྲ་བྱང་ཕིཤི་བ་ཀི་ བུ་ལེ་བི༌ལེ།#7:43 ཨ་མོས་ག་དཔེ་ཆ་ 5:25
44ས་ཏོང་པ་ནང་ཀ་ ཨ་ཧ་ཕ་མ་བ་ཀི་ འཛོམས་དཔང་ག་གུར་ཁང་མེན་མ་ཆོ༌ཝ། ཉི་ཨོ་ཉ་གུར་ཁེ་པ་ མོ་ས་གི་ཐོང་ཁཱན་ དཔེ་དང་དཀོན་མཆོག་གི་ གསུངས་མ་དང་ཏུ་ཉི་ ཅོད་པ་ཆོ༌ཝ། 45ཚི་ངེ་ ཨ་ཧ་ཕ་མ་བ་ ཡ་ཧོ་ཤུ་#7:45 ཡ་ཧོ་ཤུ་དག་ཁཱན་ཤོ་ ཨིས་རེལ་ག་འགོ་དཔོན་ ཆི་ལུ་བ་ཀ་པོང་ཀེ་ ཐུར་གི༌ལ། མོ་ས་གཤགས་ཏེན་གེ་ ཨིས་རེལ་ག་སོ་ངོ་བ་ དབུ་མནའ་བཞེས་ཉི་གནང་ཁཱན་ ས་ཆ་ཀ་ནཱན་ག་ཏཱན་ རིག་པེ་ག་དེན་གེ་ དཀོན་མཆོག་གི་ མོ་ས་ག་ཚབ་ཨ་ཉི་ ཡ་ཧོ་ཤུ་ ཀེ་ཉི་གནང་མ༌ལ།གི་རིག་ཉི་ མི་རིགས་མ་འདྲ་ཝ་ག་ རྒྱལ་ཁབ་བ་ཀབ་ཉི་ དམག་ཕི་ཉི་ དཀོན་མཆོག་གི་ རོག་ཏེ་བ་ ཨོ་ཐ་ས་ཆ་གེ་ ཁོན་གེ་མ་ཀབ་ཉི་བུ་ ཨོ་ཉ་གུར་ཁང་ཁེ་པ་ ཨ་ཧ་ཕ་མ་བ་ཀབ་ཉི་ བུ་ཝ་ཆོ༌ཝ། ཉི་ཨོ་ཉ་གུར་ཁང་ཁེ་པ་ ད་ཝུད་ག་གང་ཀ་སག་པུ་ ཉ་ག་རང་ཆོ༌ཝ།
46ཉི་རོག་ཀབ་ཉི་ དཀོན་མཆོག་ ཐུགས་བཞེས་ཝ་ཨ་དེན་གེ་ རོ་ཀི་ཡ་ཀུབ་ག་ དཀོན་མཆོག་ག་དེན་གེ་ བཞུགས་པེ་ག་བཱརང་ཐུར་ བཞེངས་པེ་ག་གནང་ཤོ་དག་ཉི་ དཀོན་མཆོག་ག་ཞུ་ཝ༌ལ། 47དག་པ་ཀབ་ཉི་ དཀོན་མཆོག་ག་དེན་གེ་ ཕའི་ཤོ་ སོ་ལོ་མོན་གི་ བཞེངས་པ༌ལ། 48དག་པ་ཀབ་ཉི་ ཐམས་ཅན་གེ་ཆི་ལུ་ དཀོན་མཆོག་ཤོ་ སོ་ངོ་ག་ག་དང་གི་ཅོད་ཁཱན་ ཕའི་བ་ཀ་ནང་ཀ་ བཞུགས་པུ་མཱན༌ཅ། ལུང་བསྟན་པ་གི་བུ་ ཨོ་ཐེན་གསུངས་མ་ཅ་ 49གཙོ་བོ་གི་ གསུངས་མ་ཅ་
ཞིང་ཁམས་ཤོ་ ཇ་ག་ཁྲི་གི༌ལ། ཉི་འཛམ་གླིང་ཤོ་ ཇ་ག་བི་ཐ་ཁཱན་ བི་ཏཱན་གི༌ལ། ནཱན་གི་ ཇ་ག་དེན་གེ་ ཧང་ད་བུ་ཕའི་ཅོད་པེ་ཡ། ཇང་ཆོ་ལེ་ག་བཱརང་ ཨོ་ག་ཅ་ཡ། 50ཨོ་ཐ་བ་ ཐམས་ཅན་རང་ ཇ་ག་ག་དང་གི་ ཅོད་པ་མང་གི་སྨོ་#7:50 ཡ་ཤའི་ཡ་ག་དཔེ་ཆ་ 66:1–2 དག༌ཉི།
51ན་ཧ་བ་ ཧབ་ཏུར་ལུང་ཏོང་ལ་ཡ། ན་ཧ་སེམས་དང་ ན་ཁེ་པ་ ཡ་ཧུ་དི་པ་མང་གི་ཁཱན་བ་ཀ་ སེམས་དང་ ན་ད་བུ༌ལ། ནའི་ན་ཧ་ཕ་མ་བ་ད་བུ་རང༌ལ། ཧང་ཡ་དག་ནེ་ལ་ ན་ཤི་བུ་ ཧ་ལ་རང་གི་ནེ་བུ་ དམ་པའི་ཐུགས་ཉིད་ག་ དགྲ་ཨ་ན། 52ན་ཧ་ཕ་མ་བ་ཀི་ མ་ལེག་པ་མ་ཨ་ཁཱན་ ལུང་བསྟན་པ་ཨི་བི་ཅ་ཡ། ཐམས་ཅན་གེ་དམ་པ་ཁེ་པ་ བྱོན་མེ་དག་ཉི་གསུངས་ཁཱན་བ་ ན་ཧ་ཕ་མ་བ་ཀི་བཀྲོངས༌མ། ཉི་ན་ཤི་བུ་ རོ་ཀ་མགུ་སྐོར་ཕི་ཉི་ བཀྲོངས་མ་གི༌ལ། 53ཞིང་ཁམས་ག་འཐེན་པ་བ་ཀི་གནང་ཉི་ དཀོན་མཆོག་ག་ བཀའ་ཁྲིམས་ཁེ་པ་ཞུ་ཁཱན་ ནའི་གི༌ལ། ཨོ་ཉེ་རང་གི་ནེ་བུ་ ན་ཤི་བཀའ་ཁྲིམས་ག་ ཆ་གནས་ཐ་ལུ་མ་ལ་དག༌ཉི༎
ཨིས་ཏི་ཕ་ནཱས་བཀྲོངས་མ༌ལ།
54ཚོགས་འདུ་ཆི་ལུ་ག་ ཚོགས་པ་བ་ ཨིས་ཏི་ཕ་ནཱས་གི་ གསུངས་ཁཱན་ག་ ཉཱན་ཅ་ཨ་ཉི་ རོག་ཏེ་བ་ གནམ་མེད་ས་མེད་ རོ་ཙིག་པ༌ལ། ཉི་རོ་ག་མ་དི་ལཱན་ ཤ་རིག་པ༌ལ། 55དག་པ་ཀབ་ཉི་ ཨིས་ཏི་ཕ་ནཱས་ དམ་པའི་ཐུགས་ཉིད་གི་ཕུང་ཉི་ ག་ཞིང་ཁམས་ག་ཏཱན་ གཟིགས་ཅ་ཨ་ཉི་ དཀོན་མཆོག་ག་ འོད་ཟེར་དང་ཡི་ཤུ་ དཀོན་མཆོག་ག་ ལ་ཉོང་ལོ་ཀ་ བཞུགས་པ་ཨ་ཝ་ མཇལ་བ༌ལ། 56རོ་ཀི་གསུངས་མ་ལ་ གཟིགས་ཅོ་ ཇི་གི་ཞིང་ཁམས་ ཕེག་པ་ཐོང༌ལ། ཉི་སོ་ངོ་ག་ཟ་ དཀོན་མཆོག་ག་ ལ་ཉོང་ལོ་ཀ་ བཞུགས་པ་ཐོང་ལ་དག༌ཉི།
57རོག་ཏེ་བ་ཀི་ ཤ་དར་ཆི་ལུ་ཕི་ཉི་ རོག་ཏེ་བ་ཀ་ ག་དང་གི་ན་བུག་ཐཱན་ རོག་ཏེ་བ་ ཐམས་ཅན་རང་ ཨིས་ཏི་ཕ་ནཱས་ བཞུགས་ས་ག་ཏཱན་ ཇུག་པ༌ལ། 58རོག་ཏེ་བ་ཀི་ རོག་ཁྲོམ་ཆེན་གེ་ ཕིས་ཀ་ཤོན་ཐཱན་ ལུ་ཤི་དྲོ་མ༌ལ། ཉི་འཛོམས་དཔང་ཨ་ཁཱན་བ་ཀི་ རོག་ཏེ་བ་ཀ་ཁ་མུང་ཕེག་ཐཱན་ ཤ་ཝུལ་དག་ཁཱན་ ཡམ་ལང་ཐུར་ག་ ག་དང་ག་སྤྲོད་པ༌ལ།
59རོག་ཏེ་བ་ཀི་ ལུ་ཤི་དྲོམ་ཅ་ཨ་ཉི་ ཨིས་ཏི་ཕ་ནཱས་གི་ སྨོན་ལམ་ཞུ་ཝ་ལ་ གཙོ་བོ་ཡི་ཤུ་ ཇ་ག་རྣམ་ཤེས་བསྣམས་ཅོ་དག༌ཉི། 60ཏོང་ཟིང་ས་ག་ཏེས་ཐཱན་ གསུང་སྐད་ཆི་ལུ་ཨ་ཉི་ ཞུ་ཝ་ལ་ གཙོ་བོ་ རོག་ཏེ་བ་ཀ་ ཨོ་ཐ་སྡིག་པ་ག་ བཤགས་པ་གནང་ཤོ་དག༌ཉི། ཨོ་ཐེན་གསུངས་ཐཱན་ རོག་གཤགས་པ༌ལ༎
Currently Selected:
མཛད༌པ། 7: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
