Jâ 19
19
1Kardené Pilat yégé ca kandia ’ima Jésu ’era tegaiang belau. 2Asengeriyong doi gundu go tasi, ké temdei Jésu cai. Ké si badigé ga gumu ga yilé gusi. 3Ké ’yé gusi ’yoab, ké yei wa: Lein waigi kelma go Juib kogé, kardené ké teiang kobegé.
4Pilat jogu andong dong, ddi yégé kalang ga yaué combu wa: Ga jageng, sela ’enung wa golegeng dang nai ni dong wa, ca keng sela ca ’enung wa kual go isini pena ca kema lé ’eno. 5Kardené Jésu andong dong dang gundu go tasi cai, dang badigé ga gumu ga yilé gusi bu’. Pilat yégé wa: Ga selageng kema lé. 6Ama kiddin ga gemdong ga tibé Kumu dang kalang ga gagé ba soli kain na, ké soi noigé, ké yé wa: Ga bbubelai ca sia go adegelé, ga bbubelai ca sia go adegelé. Pilat yégé wa: Keng gang, ga ’imai ’era bbubelai ca sia go adegelé, cawa ’enung wa kual go isini pena cai ’eno. 7Ga Juib jogu yei wa: Nianga so pena go ba yé wa: Gad ddi mara cawa ddi yé waldong wang, ddia Kumu Kurondi.
8Kiddin ga Pilat ba jé kual lé na, ddi lé muro ddang com. 9Ddi jogu duro kulu go termala, ddi ’enger Jésu wa: Ji saga andi ga? Ama Jésu debi kual cainé pena ’eno. 10Kardené Pilat ’engeri wa: Ji dar ca jia yoang kual pena ’eno ga? Ji sol ca ’enungang dono do bogoin dang bua, ’enungang dono do bbobelein ca sia go adegelé bu’ ’eno ga? 11Jésu jogu yei wa: Kumu nia binyang dono a dang ’eno na, jiang dono pena cang ’eno, na ca ma kema go aié gangeldeng boang koboin na, isinwa doi ddi do toin. 12Kiddin ga Pilat ba jé kual lé kain na, ddi dar ca bogoi dang, ama ga Juib soi noigé, ké yé wa: Ji nia bé kema lé dang na, jia go ddo ca bajandi ’eno, kema goni goni go ba yé waldong, na ddia kelma na, ddia go ddo ca koi go tebena.
13Kiddin ga Pilat ba jé kual lé kain na, ddi ’imga Jésu dong, ddi jom ca pogu go kaidé kual ca kiddin ga ké ba tégé dandang do bedang. (Dang kebu go Hébero na, ké té kiddin la Gabata.) 14Tumu wolé go kederé cindi kiddin ga teba ba ji ’yoab ca ’eré duro gulong na, Pilat yégé ga Juib wa: Ga sela kelmageng. 15Ama ké soi noigé osu, ké yé wa: Ga deddi, ga deddi, ga bbubelai ca sia go adegelé. Pilat ’engergé wa: Keng dar ’enung bbubelai ca sia go adegelé ga? Gemdong ga tibé Kumu jogu yei wa: Niang kelma go ddang ’eno, na go ddo ca pena mera. 16Kardené Pilat bu Jésu kobegé ca ké bbubelai ca sia go adegelé.
Ké bbobel Jésu ca sia go adegelé
(Matié 27:32–44; Mark 15:21–32; Luk 23:26–43)
Main kain na, ké ’yom Jésu. 17Jésu ’yé karu gulong dong, ddi bang ai sia goi go adegelé cai ca oré kiddin ga ké ba tégé ca do isé, (Dang kebu go Hébero na, ké té kiddin la Golgota.) 18A kiddin lé na, asengeriyong bbobel Jésu ca sia go adegelé. Ké bbobel kalang ga ddang sua ca sia go adegelé dur Jésu bu’.
19Pilat pasu kual ca kandia si ca sia go adegelé, ddi pasu wa: Jésu go Nasarat, ddia kelma go Juib kogé. 20Ga Juib combu ddoginyé pasé lé, cawa kiddin lé ga ké ba bbobel Jésu ca sia go adegelé na, na ’yoabang gulong go gumu, ké pasu kual lang kebu go Hébero, dang kebu go Latin, dang kebu go Grék kogé. 21Gemdong ga Juib kogé ga tibé Kumu yei Pilat wa: Ddo ji pasé ddia kelma go Juib kogé ’eno, ama ji pasa wa: Kema lé yé wa: Ddia kelma go Juib kogé. 22Pilat jogu yégé wa: Ga ddageng kual go ’enung ba pasi lé.
23Kiddin ga asengeriyong ba bbobel Jésu ca sia go adegelé na, ké nyim badigé gai, ké gosinyégé duroigé poddin, ké gosin pena ca asengar goni goni, ké nyim badigé gai ga gumu ga basé dang cogené gusugé. 24Asengeriyong yé gusugé wa: Ddo na sagegeng badigé ga gumu lé dugo ’eno, dda na sogeng garmé caigé ca na solé wanga go nyimégé ga? Ké lé main kainya ca ser to kual go cidab do Kumu toi kua go ba yé.
Ké gosindé badigé gang duroigé,
Ka bé woddengeleng ca badigé gang ga gumu.
Kua na henga ga asengeriyong ba lé.
25Jésu ’yoi ’eré ’yoabang sia go adegelé go Jésu koi, kang temdi ’yoi, kang ga Kelobas tamdi Maram, dang Maram do a gulong go gumu go Magdala. 26Jésu sol ’yoi dang anjama goi go kederei ba ’yei dang ’eré kardo, ddi ya ’yoi wa: Tama, sela Kurondé kua. 27Kardené ddi yei anjama lé wa: Sela ’yoin kua. A duro wolé lé na, anjama lé gola ’yang na tai gulong.
Maré go Jésu koi
(Matié 27:45–56; Mark 15:33–41; Luk 23:44–49)
28Kardené, kiddin ga Jésu ba sol ca kual mam na ka ’enda na, ddi yé ca ser to kual go duro cidab do Kumu toi kua: Kemasu wa loang. 29A kiddin lé na, ddarin pena wo kené wonang kang ga tasi. Kardené ga asengeriyong won bergemang kang ga tasi lé, ké si bergem lé ca sia go pena go ké ba tei nalu, ké si Jésu kebi. 30Kiddin ga Jésu ba si kang ga tasi lé na, ddi yé wa: Ka ’enda, kardené ddi dderengé cai dugo, kibi lebu.
Asengar jebu Jésu gasebei
31Ké la henga la tumu wolé go jurgum, ama ga Juib dar ca kema temaidé jo ca sia go adegelé duro wolé go jurgum ’eno. Cawa wolé go jurgum lé na wolé go gumu, ké ’enger Pilat ca kondia ddagé ca ka poié ké ga ké ba bbobelégé ca sia go adegelé lé gondigé, kardené ka sai nyim temaidigé. 32Kardené asengeriyong ’yé, ké pai kema go tumu gondi, kardené ké lang koné go sua lé go ké ba bbobeli ca sia go adegelé daiang Jésu main kain bu’. 33Ama kiddin ga ké ba ’yé gusu Jésu na, ké sol ca ddi ma ’enda, na ca ma ké pai gondi ’eno. 34Ama asengar go pena jebu gasebeiang so goi, kobipadda kebar kang kang bé dugo. 35Kema go ba yé hendé lé na, ddi sol henga langa cindi, hendé doi la cindi, ddi bang sol ca ddia ya hendé do cindi bu’, na ca ma keng kau ga bu cindi ca kual lé bu’. 36Henga lé la ca ser to kual go cidab do Kumu toi kua go ba yé wa: Ké go boié isei pena ’eno. 37Kual go pena go ddang a duro ddoginyé yé wa: Ka sol ddi go ké ba jebu gasebei.
Ké ’embé Jésu
(Matié 27:57–61; Mark 15:42–47; Luk 23:50–56)
38Kardené Josép go gulong go Arimaté ’enger Pilat ca ddia aié Jésu temaidé. (Josép la anjama go Jésu koi bu’, ama danga wasuai ca ddi la ga Juib muro.) Pilat ddei ca kondia aia Jésu temaidi. Kardené Josép ai Jésu temaidi lé. 39Kema go ké ba tei Nikodém go ba ’yé gusu Jésu kené tumu dang soindo na, ddi kau ’yé bu’, ddi ai suang go jamsinda go ké teiang kebu go Grék mir, dang tabala go ké ba teiang kebu go Grék alo, bbal woné kumbulu go bodo. 40Ké ca’ ai Jésu temaidi, ké temdeiang badigé ga béré ca hada do Juib togé, kiddin ga ka ca ’embé temai na, ké ba suang go ddowa tuna. 41A kiddin ga ké ba bbobel Jésu ca sia go adegelé na, yagé go pena wo kené ’yoabang nai, a duro yagé lé na, umbung go herua wo kené go ké ba ’embu kema duroi ’eno dé. 42Wolé go jurgum go Juib kogé ji ’yoab, na ca ma ké ’embé Jésu duro umbung lé, cawa ddia ’yoabang nai.
Currently Selected:
Jâ 19: TNG1978
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.
Jâ 19
19
1Kardené Pilat yégé ca kandia ’ima Jésu ’era tegaiang belau. 2Asengeriyong doi gundu go tasi, ké temdei Jésu cai. Ké si badigé ga gumu ga yilé gusi. 3Ké ’yé gusi ’yoab, ké yei wa: Lein waigi kelma go Juib kogé, kardené ké teiang kobegé.
4Pilat jogu andong dong, ddi yégé kalang ga yaué combu wa: Ga jageng, sela ’enung wa golegeng dang nai ni dong wa, ca keng sela ca ’enung wa kual go isini pena ca kema lé ’eno. 5Kardené Jésu andong dong dang gundu go tasi cai, dang badigé ga gumu ga yilé gusi bu’. Pilat yégé wa: Ga selageng kema lé. 6Ama kiddin ga gemdong ga tibé Kumu dang kalang ga gagé ba soli kain na, ké soi noigé, ké yé wa: Ga bbubelai ca sia go adegelé, ga bbubelai ca sia go adegelé. Pilat yégé wa: Keng gang, ga ’imai ’era bbubelai ca sia go adegelé, cawa ’enung wa kual go isini pena cai ’eno. 7Ga Juib jogu yei wa: Nianga so pena go ba yé wa: Gad ddi mara cawa ddi yé waldong wang, ddia Kumu Kurondi.
8Kiddin ga Pilat ba jé kual lé na, ddi lé muro ddang com. 9Ddi jogu duro kulu go termala, ddi ’enger Jésu wa: Ji saga andi ga? Ama Jésu debi kual cainé pena ’eno. 10Kardené Pilat ’engeri wa: Ji dar ca jia yoang kual pena ’eno ga? Ji sol ca ’enungang dono do bogoin dang bua, ’enungang dono do bbobelein ca sia go adegelé bu’ ’eno ga? 11Jésu jogu yei wa: Kumu nia binyang dono a dang ’eno na, jiang dono pena cang ’eno, na ca ma kema go aié gangeldeng boang koboin na, isinwa doi ddi do toin. 12Kiddin ga Pilat ba jé kual lé kain na, ddi dar ca bogoi dang, ama ga Juib soi noigé, ké yé wa: Ji nia bé kema lé dang na, jia go ddo ca bajandi ’eno, kema goni goni go ba yé waldong, na ddia kelma na, ddia go ddo ca koi go tebena.
13Kiddin ga Pilat ba jé kual lé kain na, ddi ’imga Jésu dong, ddi jom ca pogu go kaidé kual ca kiddin ga ké ba tégé dandang do bedang. (Dang kebu go Hébero na, ké té kiddin la Gabata.) 14Tumu wolé go kederé cindi kiddin ga teba ba ji ’yoab ca ’eré duro gulong na, Pilat yégé ga Juib wa: Ga sela kelmageng. 15Ama ké soi noigé osu, ké yé wa: Ga deddi, ga deddi, ga bbubelai ca sia go adegelé. Pilat ’engergé wa: Keng dar ’enung bbubelai ca sia go adegelé ga? Gemdong ga tibé Kumu jogu yei wa: Niang kelma go ddang ’eno, na go ddo ca pena mera. 16Kardené Pilat bu Jésu kobegé ca ké bbubelai ca sia go adegelé.
Ké bbobel Jésu ca sia go adegelé
(Matié 27:32–44; Mark 15:21–32; Luk 23:26–43)
Main kain na, ké ’yom Jésu. 17Jésu ’yé karu gulong dong, ddi bang ai sia goi go adegelé cai ca oré kiddin ga ké ba tégé ca do isé, (Dang kebu go Hébero na, ké té kiddin la Golgota.) 18A kiddin lé na, asengeriyong bbobel Jésu ca sia go adegelé. Ké bbobel kalang ga ddang sua ca sia go adegelé dur Jésu bu’.
19Pilat pasu kual ca kandia si ca sia go adegelé, ddi pasu wa: Jésu go Nasarat, ddia kelma go Juib kogé. 20Ga Juib combu ddoginyé pasé lé, cawa kiddin lé ga ké ba bbobel Jésu ca sia go adegelé na, na ’yoabang gulong go gumu, ké pasu kual lang kebu go Hébero, dang kebu go Latin, dang kebu go Grék kogé. 21Gemdong ga Juib kogé ga tibé Kumu yei Pilat wa: Ddo ji pasé ddia kelma go Juib kogé ’eno, ama ji pasa wa: Kema lé yé wa: Ddia kelma go Juib kogé. 22Pilat jogu yégé wa: Ga ddageng kual go ’enung ba pasi lé.
23Kiddin ga asengeriyong ba bbobel Jésu ca sia go adegelé na, ké nyim badigé gai, ké gosinyégé duroigé poddin, ké gosin pena ca asengar goni goni, ké nyim badigé gai ga gumu ga basé dang cogené gusugé. 24Asengeriyong yé gusugé wa: Ddo na sagegeng badigé ga gumu lé dugo ’eno, dda na sogeng garmé caigé ca na solé wanga go nyimégé ga? Ké lé main kainya ca ser to kual go cidab do Kumu toi kua go ba yé.
Ké gosindé badigé gang duroigé,
Ka bé woddengeleng ca badigé gang ga gumu.
Kua na henga ga asengeriyong ba lé.
25Jésu ’yoi ’eré ’yoabang sia go adegelé go Jésu koi, kang temdi ’yoi, kang ga Kelobas tamdi Maram, dang Maram do a gulong go gumu go Magdala. 26Jésu sol ’yoi dang anjama goi go kederei ba ’yei dang ’eré kardo, ddi ya ’yoi wa: Tama, sela Kurondé kua. 27Kardené ddi yei anjama lé wa: Sela ’yoin kua. A duro wolé lé na, anjama lé gola ’yang na tai gulong.
Maré go Jésu koi
(Matié 27:45–56; Mark 15:33–41; Luk 23:44–49)
28Kardené, kiddin ga Jésu ba sol ca kual mam na ka ’enda na, ddi yé ca ser to kual go duro cidab do Kumu toi kua: Kemasu wa loang. 29A kiddin lé na, ddarin pena wo kené wonang kang ga tasi. Kardené ga asengeriyong won bergemang kang ga tasi lé, ké si bergem lé ca sia go pena go ké ba tei nalu, ké si Jésu kebi. 30Kiddin ga Jésu ba si kang ga tasi lé na, ddi yé wa: Ka ’enda, kardené ddi dderengé cai dugo, kibi lebu.
Asengar jebu Jésu gasebei
31Ké la henga la tumu wolé go jurgum, ama ga Juib dar ca kema temaidé jo ca sia go adegelé duro wolé go jurgum ’eno. Cawa wolé go jurgum lé na wolé go gumu, ké ’enger Pilat ca kondia ddagé ca ka poié ké ga ké ba bbobelégé ca sia go adegelé lé gondigé, kardené ka sai nyim temaidigé. 32Kardené asengeriyong ’yé, ké pai kema go tumu gondi, kardené ké lang koné go sua lé go ké ba bbobeli ca sia go adegelé daiang Jésu main kain bu’. 33Ama kiddin ga ké ba ’yé gusu Jésu na, ké sol ca ddi ma ’enda, na ca ma ké pai gondi ’eno. 34Ama asengar go pena jebu gasebeiang so goi, kobipadda kebar kang kang bé dugo. 35Kema go ba yé hendé lé na, ddi sol henga langa cindi, hendé doi la cindi, ddi bang sol ca ddia ya hendé do cindi bu’, na ca ma keng kau ga bu cindi ca kual lé bu’. 36Henga lé la ca ser to kual go cidab do Kumu toi kua go ba yé wa: Ké go boié isei pena ’eno. 37Kual go pena go ddang a duro ddoginyé yé wa: Ka sol ddi go ké ba jebu gasebei.
Ké ’embé Jésu
(Matié 27:57–61; Mark 15:42–47; Luk 23:50–56)
38Kardené Josép go gulong go Arimaté ’enger Pilat ca ddia aié Jésu temaidé. (Josép la anjama go Jésu koi bu’, ama danga wasuai ca ddi la ga Juib muro.) Pilat ddei ca kondia aia Jésu temaidi. Kardené Josép ai Jésu temaidi lé. 39Kema go ké ba tei Nikodém go ba ’yé gusu Jésu kené tumu dang soindo na, ddi kau ’yé bu’, ddi ai suang go jamsinda go ké teiang kebu go Grék mir, dang tabala go ké ba teiang kebu go Grék alo, bbal woné kumbulu go bodo. 40Ké ca’ ai Jésu temaidi, ké temdeiang badigé ga béré ca hada do Juib togé, kiddin ga ka ca ’embé temai na, ké ba suang go ddowa tuna. 41A kiddin ga ké ba bbobel Jésu ca sia go adegelé na, yagé go pena wo kené ’yoabang nai, a duro yagé lé na, umbung go herua wo kené go ké ba ’embu kema duroi ’eno dé. 42Wolé go jurgum go Juib kogé ji ’yoab, na ca ma ké ’embé Jésu duro umbung lé, cawa ddia ’yoabang nai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.