Jâ 20
20
Umbung duroi ji kalin
(Matié 28:1–8; Mark 16:1–8; Luk 24:1–12)
1Kara wolé go jurgum a duro wolé go tumu dang joguddu coalala na, Maram do Magdala ’yé ca kemgané. To sol ca ké hangu keddang a kebu umbung lé cong. 2To geré waié Simon Piér dang anjama go kederei ba ’ye Jésu. To yégé wa: Ké ai Jésu, ddi wo ’eno a duro umbung, ni sela kiddin ga ké tol debei kené ’eno. 3Piér kang anjama go pena lé ’yé ca kemgané lé. 4Ké ca’ ké geré, ama anjama go pena lé geré tumu Piér, ddi ’yé waié kemgané lé tumu jua. 5Ddi ddingé dugo sol umbung duroi, ddi sol bagedang bogé dugo, ama ddi andong duro umbung lé ’eno. 6Kardené Simon sai ’erga bu’, ama kobipadda ddi andong duro umbung lé. Ddi sola bagedang bogé dugo mera. 7Ddi sol badigé ga ké ba temdégé ca Jésu dang bogé kaindegé dang temdé bu’. 8Kardené anjama go ba geré ’yé kebu umbung tumu jua lé, ddi andong duroiné bu’, ddi sol henga lé, ddi bu cindi. 9(Kual go ké ba pasi duro cidab do Kumu toi do ba yé wa: Jésu da belang cindi a duro ga maré na, ga anjama sela toi ’eno dé.) 10Kardené anjama ga sua lé jogu ’yé tagé.
Jésu gel gusi cin Maram do Magdela
(Matié 28:9–10; Mark 16:9–11)
11Maram ’eré kebu umbungang ’elé. Kiddin ga to wa ’elé na, to ddingé dugo ca solé umbung duroi. 12To sol kangiyong sua, dang badigé ga berong terec dang jomé ca kiddin ga ké ba debu Jésu kené. Go pena jom kuaba go a cai, koné jom kuaba go a gondi bu’. 13Kangiyong lé ’engero wa: Tama mé ’ela cawa ga? To jogu yégé wa: Ké ai Bagulondang wo ’eno, ’enung sela kiddin ga ké ba tol debei kené ’eno. 14Kiddin ga to ba yé kual lé na, to boi ca dugo, to sol Jésu dang ’eré ama to sela na Jésu ’eno. 15Jésu ’engera wa: Tama, mé ’ela cawa ga? Mé dara wang ga? To ’erem na kema go yagé, na ca ma to yei wa: Ji nia aiei cogeli kiddin ga ddang na, ji yang, ddai ’enung sai aiei. 16Jésu jogu ya wa: Maram. To belé cindo gusi, to yeiang kebu go Hebero wa: Raboni. (To do poré, Go Gelé.) 17Jésu ya wa: Mé cilang ’eno, cawa ’enung naia ’era gusu Ba ’eno dé, ama mé ’era yagé karmeng wa: ’Enung nai tol gusu Bang, ddia Baigeng bu’. ’Enung nai tol gusu Kumu guang, ddia Kumu gogeng bu’. 18Kardené Maram do Magdala ’yé yogé ga anjama wa: ’Enung sol Bagulong. To yégé kual mam go ddi ba ya bu’.
Jésu gel gusi cin anjama gai
(Matié 28:16–20; Mark 16:14–18; Luk 24:36–49)
19Dang borndo do duro wolé lé na, ga anjama yau duro kulu go pena, ké lebu tumu caigé dang gurongé cawa ké la ga Juib muro. Jésu andong ’eré duroigé, ddi yégé wa: ’Enung logeng waigi na. 20Kiddin ga ddi ba yégé kual lé kain na, ddi gelgé kalndi duroigé, dang gasebei. Kiddin ga ké ba sol na Bagulong na, gusugé mowegé bbani ’eno. 21Jésu jogu yégé ddang com: ’Enung logeng waigi. Main Ba ba gigeng dang kain na, ’enung kau da gigenga main kain bu’. 22Kiddin ga ddi ba yégé kual lé kain na, ddi pi habé caigé, ddi yégé wa: Ga ’yageng Habé ga Kumu kai. 23Keng nia burogu kalang isinwa dogé na, isinwa dogé lé da burogu, ama keng nia buraga kalang isinwa dogé ’eno na, isinwa dogé lé go burogé ’eno bu’.
Jésu kang Tomas
24Kiddin ga Jésu ba ’erga gusugé na, anjama go pena go a duro ké ga moac ca sua go ké ba tei Tomas na, ddi wo ’eno a duroigé. (Gusondi toi do poré na Mugena.) 25Anjama kané yei wa: Ni sol Bagulong, ama Tomas jogu yégé wa: ’Enung nia sela doarang do doain toa a kalndi ’eno bua, ’enung nia si tebeneng duro doarang do umburong ga doain ka ’eno bua, ’enung nia si kobang duro doarang do a gasebei bu’ ’eno na, ’enung go bo cindi ’eno.
26Kardené bbal main wolé margem kain na, anjama ga Jésu kai yau a duro kulu go pena com, Tomas wo kenang nagé bu’, ké lebu kulu kebi caigé dang gurongé, ama Jésu ’erga ’eré duroigé, ddi yégé wa: ’Enung logeng waigi na. 27Kardené ddi yei Tomas wa: Ji siang tebenein kua, sela kalndeng, siang kobin gasebong. Ddo ji ’eremé sua sua ’eno. 28Tomas jogu yei wa: Bagulondang, dang Kumu guang. 29Jésu ’engeri wa: Ji bu cindi canga ca ji ba soleng dang cindin kua ga? Ké ga ba bu cindi basé ké ba soalang dang cindegé na, kanga gusu mowa.
Ké pasu cidab lé kua ca kalang bu cindi ca Jésu
30Jésu lé gié go dono go kagelokemo tumu anjama gai com ga ké ba pasegé duro cidab lé kua ’eno. 31Ama henga kané ga ké ba pasegé kua, na ca keng bu cindi ca Jésu, ddia Krist Kumu Kurondi. Ca bo go cindi lé na, keng waia jomé goang cindegeng a gusi.
Currently Selected:
Jâ 20: TNG1978
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.
Jâ 20
20
Umbung duroi ji kalin
(Matié 28:1–8; Mark 16:1–8; Luk 24:1–12)
1Kara wolé go jurgum a duro wolé go tumu dang joguddu coalala na, Maram do Magdala ’yé ca kemgané. To sol ca ké hangu keddang a kebu umbung lé cong. 2To geré waié Simon Piér dang anjama go kederei ba ’ye Jésu. To yégé wa: Ké ai Jésu, ddi wo ’eno a duro umbung, ni sela kiddin ga ké tol debei kené ’eno. 3Piér kang anjama go pena lé ’yé ca kemgané lé. 4Ké ca’ ké geré, ama anjama go pena lé geré tumu Piér, ddi ’yé waié kemgané lé tumu jua. 5Ddi ddingé dugo sol umbung duroi, ddi sol bagedang bogé dugo, ama ddi andong duro umbung lé ’eno. 6Kardené Simon sai ’erga bu’, ama kobipadda ddi andong duro umbung lé. Ddi sola bagedang bogé dugo mera. 7Ddi sol badigé ga ké ba temdégé ca Jésu dang bogé kaindegé dang temdé bu’. 8Kardené anjama go ba geré ’yé kebu umbung tumu jua lé, ddi andong duroiné bu’, ddi sol henga lé, ddi bu cindi. 9(Kual go ké ba pasi duro cidab do Kumu toi do ba yé wa: Jésu da belang cindi a duro ga maré na, ga anjama sela toi ’eno dé.) 10Kardené anjama ga sua lé jogu ’yé tagé.
Jésu gel gusi cin Maram do Magdela
(Matié 28:9–10; Mark 16:9–11)
11Maram ’eré kebu umbungang ’elé. Kiddin ga to wa ’elé na, to ddingé dugo ca solé umbung duroi. 12To sol kangiyong sua, dang badigé ga berong terec dang jomé ca kiddin ga ké ba debu Jésu kené. Go pena jom kuaba go a cai, koné jom kuaba go a gondi bu’. 13Kangiyong lé ’engero wa: Tama mé ’ela cawa ga? To jogu yégé wa: Ké ai Bagulondang wo ’eno, ’enung sela kiddin ga ké ba tol debei kené ’eno. 14Kiddin ga to ba yé kual lé na, to boi ca dugo, to sol Jésu dang ’eré ama to sela na Jésu ’eno. 15Jésu ’engera wa: Tama, mé ’ela cawa ga? Mé dara wang ga? To ’erem na kema go yagé, na ca ma to yei wa: Ji nia aiei cogeli kiddin ga ddang na, ji yang, ddai ’enung sai aiei. 16Jésu jogu ya wa: Maram. To belé cindo gusi, to yeiang kebu go Hebero wa: Raboni. (To do poré, Go Gelé.) 17Jésu ya wa: Mé cilang ’eno, cawa ’enung naia ’era gusu Ba ’eno dé, ama mé ’era yagé karmeng wa: ’Enung nai tol gusu Bang, ddia Baigeng bu’. ’Enung nai tol gusu Kumu guang, ddia Kumu gogeng bu’. 18Kardené Maram do Magdala ’yé yogé ga anjama wa: ’Enung sol Bagulong. To yégé kual mam go ddi ba ya bu’.
Jésu gel gusi cin anjama gai
(Matié 28:16–20; Mark 16:14–18; Luk 24:36–49)
19Dang borndo do duro wolé lé na, ga anjama yau duro kulu go pena, ké lebu tumu caigé dang gurongé cawa ké la ga Juib muro. Jésu andong ’eré duroigé, ddi yégé wa: ’Enung logeng waigi na. 20Kiddin ga ddi ba yégé kual lé kain na, ddi gelgé kalndi duroigé, dang gasebei. Kiddin ga ké ba sol na Bagulong na, gusugé mowegé bbani ’eno. 21Jésu jogu yégé ddang com: ’Enung logeng waigi. Main Ba ba gigeng dang kain na, ’enung kau da gigenga main kain bu’. 22Kiddin ga ddi ba yégé kual lé kain na, ddi pi habé caigé, ddi yégé wa: Ga ’yageng Habé ga Kumu kai. 23Keng nia burogu kalang isinwa dogé na, isinwa dogé lé da burogu, ama keng nia buraga kalang isinwa dogé ’eno na, isinwa dogé lé go burogé ’eno bu’.
Jésu kang Tomas
24Kiddin ga Jésu ba ’erga gusugé na, anjama go pena go a duro ké ga moac ca sua go ké ba tei Tomas na, ddi wo ’eno a duroigé. (Gusondi toi do poré na Mugena.) 25Anjama kané yei wa: Ni sol Bagulong, ama Tomas jogu yégé wa: ’Enung nia sela doarang do doain toa a kalndi ’eno bua, ’enung nia si tebeneng duro doarang do umburong ga doain ka ’eno bua, ’enung nia si kobang duro doarang do a gasebei bu’ ’eno na, ’enung go bo cindi ’eno.
26Kardené bbal main wolé margem kain na, anjama ga Jésu kai yau a duro kulu go pena com, Tomas wo kenang nagé bu’, ké lebu kulu kebi caigé dang gurongé, ama Jésu ’erga ’eré duroigé, ddi yégé wa: ’Enung logeng waigi na. 27Kardené ddi yei Tomas wa: Ji siang tebenein kua, sela kalndeng, siang kobin gasebong. Ddo ji ’eremé sua sua ’eno. 28Tomas jogu yei wa: Bagulondang, dang Kumu guang. 29Jésu ’engeri wa: Ji bu cindi canga ca ji ba soleng dang cindin kua ga? Ké ga ba bu cindi basé ké ba soalang dang cindegé na, kanga gusu mowa.
Ké pasu cidab lé kua ca kalang bu cindi ca Jésu
30Jésu lé gié go dono go kagelokemo tumu anjama gai com ga ké ba pasegé duro cidab lé kua ’eno. 31Ama henga kané ga ké ba pasegé kua, na ca keng bu cindi ca Jésu, ddia Krist Kumu Kurondi. Ca bo go cindi lé na, keng waia jomé goang cindegeng a gusi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.