Zaburi Sya Daud 10
10
Ut quid, Domine?
1Ndawa kii, Bambo, uyima kutali:
Kwa kiki uyuwalila pa magono ga kulaga?
2Pa kwihikalila wawifu wakimbasika wagaju kitupalile makeko:
Wakole pa fyakuchenjela ifi wafipanga.
3Ndawa mmbifu ihikalila pa kugana kwake mwene:
Ni waluyumalakilo annsalisangani, ena amhepa Bambo:
4Mmbifu, pa kwikwisa kyene kyake, akita, Na kukilondalonda:
Mahola gake goha gaga, Pa waka Mlungu.
5Ndila syake sinonopa magono goha; mapaulo gako ni kunani ngahope, miho gake gangalola:
Munu munu wa mitumba wake woha, awakekela waka.
6Akite pa mwoyo wake, Yanitaluke lepa nenga:
Mpaka fihogosi fyoha nisihumbusika.
7Pa nndomo wake pamema ni kulapakisa ni kudeta, ni kusumula:
Pasi pa lumili lwake kupakana ni fyawaka.
8Itamila pasi pene kugwalila pa tumakaya: ang’eng’enela wandu wangali ndawa:
Miho gake gawalingulila wakutimbika.
9Agwalila pakuyuwalila ngati lihimba pa mpuli wake: agwala awakamula wagaju:
Chakaka awakamula wagaju pa kumfuta pa ukweme wake.
10Ayinama, atowa:
Ni wakutenguka agwa kwa wapalo wake wakangamafu.
11Ajowa pa mwoyo wake, Mlungu ayiwite:
Ifiha kyene; asakiwona kwa kumalakisa.
12Yima, Bambo, Mlungu, nyanyamusa kiwoko kyako:
Usawayiwa wagaju.
13Kwa kiki wawifu wamhepa Mlungu:
Nu kujowa pa mwoyo wake; Usakikisa?
14Wakiwona; ndawa matata ni kufyoma kufitola mukiwoko kyako:
Wakutenguka wakotukaye mmawoko gako; nawe wakuwatangatila wala wakiwa.
15Unndumule mmbifu kiwoko.
Ni munu munu mmbifu, ufikise fiwifu fyake mpaka na kufikolela fimalike.
16Bambo mutwa wahitamite mumu pela:
Mihuko yitagika pa nndima wake.
17Kugana kwawe wakuseleleka wayufwa, Bambo:
Yautendekese‐ngani mwoyo wawe, yauligololele likutu lyako.
18Kuwapaula walekwa ni wakuhumbusika:
Kamundu ka nndima kasidigadisa kawili.
Currently Selected:
Zaburi Sya Daud 10: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
