Zaburi Sya Daud 9
9
Confitebor.
1Kuchengese yani Bambo nu mwoyo wangu goha:
Yanikokose fya kupambana fyako fyoha.
2Yanihekelele na yanilulute pa wenga:
Yaniliyimbile lihina lyako zabur, wenga wa Panani pene.
3Pala wakuwipila wangu wakilauka munyuma:
Wapuwa ni wasowa pa miho gako.
4Ndawa wakita kupaula kwangu ni mihalo yangu;
Utama pasi pa kitihu kya kiwutwa kipaulile malinga.
5Wayilakalile mihuku, wawatagite wawifu:
Walisimisa lihina lyawe kwa kimalakile mumu pela.
6Wakuwipila wamalika, wayile mahami gakape mpaka pakumalakila:
Na makaya gala watupula, haka kikumbukiso kyawe kitagike.
7Koma Bambo chakaka utama pasi ngati mutwa miaka:
Awikingani kitihu kyake kya kiwutwa kwa kupaula.
8Nayombe yaupaule nndima pa kukita malinga:
Yawadumulile misafi mihalo pa fyakugoloka.
9Bambo kawili yatame pakukwelela kwa uyu wakutimbinyuka:
Pakukwelela pa miaka ya kulaga.
10Nawala wakulimanya lihina lyako yawakuhuwalile:
Ndawa wenga, Bambo, uwalekite‐lepa wala wakulonda.
11Munnjimbilaye Bambo malumbo, uyu atama mu Zion:
Mukwisyaye pa misafi fya kupangika fyake.
12Ndawa uyu alondela kyasi awakumbukila awa:
Nu kuyiwa kuwuwula kwawe awa wagajo.
13Uniganile, Bambo; ukalole kuselela kwangu pa mawoko ga awa wakufyoma na nenga;
Mwene kuninyanyamula nenga pa milyango pa nyifwa.
14Nawusi nigakokose malumbo gako goha:
Pa milyango ya mwana nndala wa Zion, yanihekelele pa uyokosi wako.
15Mihuku yiyongomalela pa liwumba lila walikite:
Pa lipilili lila walifihite, lwayo lwawe lukolite.
16Bambo imanyise, adumulile ngani mihalo.
Wawifu wakolite pa ifi gakiteye mawoko gake.
17Wawifu yawakilaukile pandu pa mahoka:
Ena misafi yoha wakunnjiwa Mlungu.
18Ndawa nukuya kwa kumalakila wakuhumbusika yawayiwike:
Kukayile kuhuwalila kwawe wakuseleseka nukutagika kimalakile.
19Wuka, Bambo; kamundu kasitama:
Mihuku yipaulike bahapa pa kyene kyako.
20Uwalekalele woga, Bambo:
Mihuku yimanye kukita tiyile tawandu watupu.
Currently Selected:
Zaburi Sya Daud 9: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
