Zaburi Sya Daud 27
27
Dominus itluminatio.
1Bambo ayii lulangalila lwangu nu uyokosi wangu, nna yannjogope:
Bambo mbafu sya kulama kwangu, nna yanimbonele woga.
2Pakuniwandamila mbifu kulya nyama yangu:
Wamitumba wangu wakuniwipila, wakuwile na wagwile.
3Haka libanja wona linijengile fikonjo, nakuyogopa mwoyo wangu:
Haka ngondo wona yiniwukila, nenga kihuwalile.
4Kimonga nikiluwite kuhuma pa Bambo, iki yanikilondelonde:
Nitame pa nyumba ya Bambo magono goha ga kulama kwangu, kuwona ngati mangumbisi kuniamba kwake Bambo, nu kukotela mu Hekalu mwake.
5Ndawa yanifunakile pa ligono liwifu pa kikonjo kyake:
Yanifihe nenga pakuyuwalila pa Hema yake; pa liganga lya kukangamala yaninyanyamule.
6Na hino mutu wangu yagunyanyamulike panani pa wakuniwipila kisyungutile:
Na yanidumule pa hema yake nyambiko syakudumula sya kimwemwe; yaniyimbe, ena, yanikite zabur kwa Bambo,
7Yufwana, Bambo, pa kukemela nenga ni njwawila ngulungu:
Nu uniganise, wona unihiga.
8Baho wakite, Mulondaye kyene kyangu; mwoyo wangu wakite kwa wenga:
Kyene kyako, Bambo, yanilonde.
9Usifiha kyene kyako kwa nenga; usimpatula wa kuhengela wako pa kudada:
Unitangatilaye; usinitaga, usinileka, Mlungu wa uyokosi wangu.
10Ndawa dadi wangu nu mao wanilekite:
Koma Bambo yaninyanyamule.
11Unilase, Bambo, ndila yako:
Unilongose mwakuluta mukugolofu ndawa ya wakunifinyikisila:
12Usinipeleka umu walondela wa mitumbo wangu:
Ndawa wakulungama wa mageya wayima pa nenga, wakukeka mfuki gwa walugu
13Nganisindwike, ngati nakukela kuwona unofu wa Bambo:
Pa nndima wa kulama.
14Unkumbatile Bambo; kangamala, ukasindamise mwoyo:
Ena, unkumbatile Bambo.
Currently Selected:
Zaburi Sya Daud 27: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
