Zaburi Sya Daud 28
28
Ad te, Domine.
1Kwako, Bambo, yanikemelele, liganga lya kukangamalika lyangu, usitama wangogolo kwa nenga:
Haka, wona utama teke kwa nenga, yanilinganile na wala wawaselela pa liwumba.
2Yufwana njwawila sya kupembesa kwangu, wona nilila kwako:
Pa kwinyanyamula mawoko gangu kwa pakujowela pandu pako pawalafu.
3Usinifuta pamonga na wawifu, na pamonga na wakukita fya waka:
Wa wajowa kindamba pamonga na wenesi wawe, koma kiwifu kiyule mumioyo yawe.
4Uwapele kwa ndingo wa ifi wakitaga, nu kwa ndingo wa kiwifu kya fyakutalatala fyawe:
Kwa ndingo wa mahengo wa mawoko gawe uwapele, uwakiliusile njombi yawe.
5Ndawa nakuwalalila ifi akiteye Bambo, haka ifi gakita mawoko gake:
Yawabomolele na nukuwayengesa.
6Alumbikike Bambo ngati kihomo kyene:
Ndawa ayufwine njwawila yakwiganakisa kwangu.
7Bambo mbafu syangu ni kikopa kyangu; pa yombe mwoyo wangu guhuwalile; nitangatalika:
Leka mwoyo wangu guyangala, na pa nyimbo yangu yaniwandise mbili yake.
8Bambo ni mbafu syawe:
Na ayii pene mbafu pa uyokosi kwa wakubakala wake.
9Uguyokole nsafi wako, nu ugupele lipwela lyako lya kugawila kihomo.
Ukawadime kawili, nu uwanyanyamule mpaka kitamile mumu pela.
Currently Selected:
Zaburi Sya Daud 28: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
