Zaburi Sya Daud 34
34
Benedicam Domino.
1Yanindumbe Bambo ngati kihomo kyene mwaka guyii woha:
Malumbo gake kitamile pa ndomo pangu.
2Pa Bambo yawihikilile umi wangu:
Wakuselela yawakiyufwanile, yawakahelele:
3Munkwise Bambo pamonga nu nenga:
Tikalinyanyamule lihina lyake pamonga.
4Nandondite Bambo, na akanihigite:
Na pa woga wangu woha akanifuwile.
5Wagelawine kwake, na wakamulikike:
Ni fyene fyawe nakuwona soni.
6Uyu wakuselela akemile, nu Bambo anjufwi‐ine:
Na pa fyoha fyakufinyikisa fyake anjokwile.
7Ajengela fikonjo malaika wa Bambo kusyungitila wala wawanjogopa:
Na awafuwula.
8Muyingilaye mukawone umu Bambo atamila nnofu:
Wakuwatuka mundu yula aukimbilila.
9Munjogopaye Bambo, mwenga wawalafu wake:
Ndawa payilepe kusowa kwa wala wawanjogopa.
10Waana wa lihimba walemuka, na wawona njala:
Koma wala wakundonda Bambo nakuwasowa kindu kiyii kyoha kinofu.
11Tiwuke, wana, mukaniyufwanile nenga:
Yaniwayigilise woga wa Bambo.
12Nna mundu akuyinamila kulama:
Wakugana magono mingi, afiwone wichu?
13Wigohe lumilo lwako kuleka fiwifu:
Ni milomo yako yisijowa fichenjefu.
14Waguka ni fiwifu, ukafikite finofu:
Ukilondelonde kindamba, ukakikise.
15Miho ga Bambo gayii pa wala wakukita malinga:
Na makutu gake gadindulika kwa kulila kwawe.
16Kyeni kya Bambo kiyii pawala wakukita fiwifu:
Kudumulila ngani pa ndima kikumbukumbu kyawe.
17Wakukita malinga wawuwula, nu Bambo ayufwine:
Na pa fyakufinyikisa fyawe fyoha awafuwile.
18Bambo awawandamila wala wakukayuka mwoyo:
Na awayokola wakutimbanyuka lihoka.
19Fyamahele fiwifu fya wala wakukita malinga:
Koma Bambo amfuwula pa fyoha
20Agalindilila mafupa gake goha:
Haka limonga nakukayuka.
21Kiwifu yakiwakome wawifu:
Na wala wakuwawipila wakukita malinga yawapisike wawifu.
22Bambo agukombola umi wa wakuhengela wake:
Na kaka yumo wakunkimbilila yombe yapisike mbifu.
Currently Selected:
Zaburi Sya Daud 34: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
