Zaburi Sya Daud 35
35
Judica, Domine.
1Pindikana na wala wawapindikana nu nenga, Bambo:
Kita ngondo na wala wawakita ngondo nu nenga.
2Ukifumbate kikopa ni kya kukwesela:
Uyimaye kunitangatila.
3Haloma kawili nngoha, ukasiwilikise ndila pa kipula pa wala wakunikisa:
Ugujowele umi wangu, Nenga uyokosi wako.
4Wakosele lihamu, na walekeleke mihenje wala walondalonda umi wangu:
Wakiliwusiki munyuma, na wakoseke soni wala wanilukila fiwifu.
5Wakatame ngati makupato palongolo pa mbepo:
Nu Malaika wa Bambo kuwakangisa.
6Yitame ndila yawe lwisi na pa kuseleleka seleleka:
Nu malaika wa Bambo kuwakisa.
7Ndawa kya waka wanifihila lipilili lyawe pa liwumba:
Kya waka wagugimila umi wangu kweme.
8Kukayuka njwee kunchili kwa ngakumanyika:
Ni lipilili lyake lila ulifihite yinng’anise; kikayukile njwee agwe mumu.
9Nu umi wangu yaguhine pa Bambo:
Yaguyangale pa uyokosi wake.
10Mafupa gangu goha yagakiti, Bambo nani ngati wenga:
Wakumfuwula yula wakuselela pa mawoko ga wakukangamalika kundutila yombe, ena, wagajuna wakuselela pa mawoko wakunsumula.
11Wayima wakulungamakila wa walugu:
Wala wanikotela fila nakufimanya.
12Wanilipilila fiwifu pandu pa finofu:
Kugukita ufwile umi wangu.
13Munimuni nenga, pa kutenguka kwawe, mingila yangu sako:
Nayiselise umi wangu na kwinota chakulya; koma liluwo lyangu lyakiliukile pa mwoyo pangu.
14Magendeko gangu ngati ngatemi ukosi wangu pangi mung’unangu:
Nagwilile kimbo kutama wa lukungati wakundilila nyongolo:
15Koma pa kuchipila nenga wahekite, nawawungine:
Wawangine wawaka kunikanila, nakukimanya nenga, wanikachwile, nakutama waka.
16Ngati wakuheka luheko nu kuhula chuka pa chakulya kya mota:
Wang’wenyite mino panani pa nenga.
17Bambo, mpaka lii yauwone:
Wakiliuse umi wangu pa kukayula njwee kwawe; waluhungu wangu pa mahingo.
18Yanikusenguse pa lipuga lingi:
Yanukulumbe pa nnsafi wa kutupa.
19Wasiniheka nenga kwa mageya wala wakuniwipila:
Wasinikupila liho wala wa waniwipila waka.
20Ndawa nakujowa ga kindamba:
Koma waluka mibalo ya kuchenjela kuwakanila wala watula pa nndima.
21Ena, wayayiwile pa ndomo pawe panani pa nenga:
Wakiti, Aha, Aha! liho litu likiweni.
22Ukiweni, Bambo; usitama teke:
Bambo, usitama patali pa nenga.
23Usitama mulugono, ukaisisimuse kwa kupagula pa nenga:
Ena pa mapindikano gangu, Mlungu wangu nu Bambo wangu.
24Unipagule, Bambo Mlungu wangu, umu ukitila malinga:
Na nukiniheka.
25Wasikita pa mwoyo wawe, Aha, umu ngatilondile:
Wasikita, Timmilite.
26Wakoseke lihamu na wawone soni pamonga wala wakuheka pa fiwifu fyangu:
Wafwikike ni lihamu ni mihenje wakwikwisa panani pangu.
27Walulute wakahekelele, wakufugamila kukita malinga kwangu:
Ena, wakitaye kilongosile, Bambo akwisike, yula akufugamila kufwanakila kwa wakuhengela wake.
28Lumilo lwangu yalwiyigilisi pa kukita malinga kwako:
Na malumbo gako musi woha.
Currently Selected:
Zaburi Sya Daud 35: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press