Zaburi Sya Daud 50
50
Deus deorum.
1Mlungu, Mlungu Bambo, ajowite:
Na akemile ndima pa kupita lijuwa mpaka kuyiwila kwake.
2Kuhuma pa Zion, kumalakisa pakuniamba:
Mlungu amulika.
3Yayiche Mlungu witu, na nakutama nuu:
Mwoto yagulye pa kyene kyake, nu gunsyutila mpungu muni.
4Yakukemele Kunani kuhuma panani:
Nu ndima, wajowe mihalo ya nnsafi wake.
5Muwakokanise kwangu wala wa lukolo lwangu:
Wala wapangana malango ni nenga bahapo pa nyambiko yakudumula.
6Nu Kunani yakulase umu akitila malinga:
Ndawa Mlungu ayii Wakupagula mwene.
7Muyufwanaye, nnsafi wangu, na yanijowe; Israel, na yanikakulase ulungamakiso:
Nenga Mlungu, Mlungu wako.
8Nakuya ndawa ya nyambiko syakudumula syako yannkulakalile:
Ni nyambiko syako syakukwela siyii pa miho pangu kitamile.
9Nenga yanitole mwana wa ng’ombe pa nyumba yako;
Haka lipongo pa fiwaya fyako.
10Ndawa kikoko kya ku dasi kiyii kyoha kiyii kyangu:
Ni fyakukwawa pa fidunda elf.
11Nimanya kiyuni kiyii kyoha pa fidunda:
Na fyoha fyakumelemela mudasi pamonga nu nenga.
12Ngati niwona njala, nganakukujowela:
Ndawa pene wandu payii pangu, na fila fimema mumu.
13Nganilile nyama mbadibadi:
Nganinywile mwasi wa lintondolo.
14Dumula nyambiko yasengusa kwa Mlungu:
Nu mundipile Yula wa Panani pene fila wafilapalakise.
15Ukanikemele pa ligono lya fya kufinyikisa:
Yanikufuwule mumu na yaukwise.
16Koma kwa wawifi akita Mlungu, Uyii ni kii kuwalanga fyakudumula fyangu:
Na watola malagano gangu pandomo pako?
17Pakukita ufyoma nu kuyambulisa:
Nu ugataga malowe gangu pa nyuma pako.
18Baho wambweni mwifi, wayitangine nu yombe:
Na pamonga na wa keme lilundu lyako.
19Upeleka pa ndomo pako pa fiwifu:
Nu lumilo lwako lukunganila kuchenjela.
20Utama pasi nu ujowa panani pa nung’unawo:
Umijifula mwana wa nyoko.
21Ifi ukite, ni natemi nuu, waholalilaga kukita nayile kitamile ngati wenga:
Koma yanikulakalile, na yanifikokose pa miho gako.
22Muwalalilaye iki, mwenga wakunjiwa Mlungu:
Nisawakachula, na pangali wakufuwula.
23Yula adumula nyambiko yakusengusa, aniginikisa:
Na yula wakutendekesa matamilo ghake, yanindase uyokose wa Mlungu.
Currently Selected:
Zaburi Sya Daud 50: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press