Zaburi Sya Daud 51
51
Miserere mei, Deus.
1Uniganile, Mlungu, kwa ndingo wa lukolo lwako:
Kwa ndingo wakuyoloka lipyana lyako simisa fyakuhoka fyangu.
2Unikwafye upulupulu wangu:
Ukaniwalase pa zambi yangu.
3Ndawa nifimanyisa fyakuhoka fyangu:
Ni zambi yangu yiyii palongolo pangu kitamile.
4Nukukitile zambi wenga, wenga wakape, ninikikite kiwifu pa miho gako:
Nausi uwoneke wa malinga pakujowa kwako, utame wakuwalala pa kupagula kwako.
5Lola, pa upulupulu nawumbike:
Na pa zambi mao ayimite luleme lwa nenga.
6Lola, ya chakaka ulonda kuwetu:
Na pakuyuwalila yaunimanyise luhala.
7Uniwasile zambi na mahamba ga ezob, nayaniwalalike:
Uniguyule na yamtame mbee kulutila schnee.
8Uniyufwanise kuyangala nu kuhekelela:
Mapupa gala ugadumwile gakahine.
9Unifike kyene kyako pa zambi yangu:
Ukausimise upulupulu wangu gwoka.
10Unipangile, Mlungu, mwoyo wakuwalalika:
Ukayikite roho ya hino mgati mwangu.
11Usinitaga kuhuma pa kyene kyako:
Usininyaka roho yako ya pa yakape.
12Unikiliwusile kuyangala kwa uyokosi wako:
Nu ukaninyilikise ni roho ya kutumbula.
13Yanikawayigilise wakuhoka ndila syako:
Na weni zambi yawakukilukile.
14Unifuwule nenga pa muhalo wa kyasi, Mlungu, Mlungu wa uyokosi wangu:
Lumilo lwangu yalululute umu ukitila malinga.
15Bambo, ufunukule milomo yangu:
Na pa ndomo pangu yapayenese malumbo gako.
16Ndawa wiganisa lepe pa nyambiko yakudumula, pangi nganiyipelike:
Ni nyambiko syakukwela usiyitika lepe.
17Nyambiko sya kudumula sya Mlungu ni roho yakudumuka:
Mwoyo wakudumuka na wakukanyika, Mlungu uguhepa lepe.
18Ukitile Zion wichu pa kuyitika kwako:
Ugajenge mahiliwiga ga Yerusalem.
19Leka yawiganise pa nyambiko syakudamula ni nyambiko sya mfilimila:
Leka yawakwelese wana wa n’gombe pa mazbah gako.
Currently Selected:
Zaburi Sya Daud 51: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press