Zaburi Sya Daud 72
72
Deus judicium.
1Mlungu, umpele mutwa malamulo gako:
Nu mwana wa mutwa kukita malinga kwako.
2Yawajowele muhalo nnsafi wako pa kukita malinga:
Na wakuselela wako pa lilamulo lyene:
3Fidunda yafipise kindamba kwa nnsafi:
Ni fikwesu, pa kukita malinga.
4Yawapagule wakuselela wa nnsafi; yawayokole wana wa wakuhumbusika:
Yankayule kayule ywakunyaka.
5Yawakuyogope wona liyii lijuwa:
Na pa kyene kya mwesi, pa fihogosi fyoha.
6Yaselele ngati fula pa manyasi gayalika:
Ngati fula tututu yakulekela pa ndima machi.
7Pa magono gake wakukita malinga yawatuke:
Ni kindamba kingi, mpaka pangali mwesi.
8Yahangise kuhumila nyanja mpaka nyanja:
Kuhuma Nkuka mpaka songo sya ndima.
9Pa kyene kya yombe wandu wa mulipululu yawagwili kimbo:
Na wakumbipila yawamiange lufumbi.
10Watwa wa Tarshish na wa mufilumba yawapeleke nnsongo:
Watwa wa Seba ni Sheba yawatole fyakulipa.
11Ena watwa woha yawanng’wile kimbo:
Mihuku yoha yayimhengele.
12Ndawa yawafuwuli wakuhumbusika pa kulila kwake:
Na wakuselela, yula angali wakuntangatila.
13Yayufwangane, nu mundu wakutepa nu wakuhumbusika:
Ndi umi wa wakuhumbusika yaguyokole.
14Pa kuliwatila na pa filugu yawagukitile umi wawe, lihengo lya yaya:
Na wa uhemesi mwasi gwawe pa miho gake.
15Na yawalame: na yawampele yombe gold ya Sheba:
Na yawipembelele ndawa ya yombe kitamile; musi gwoha yawandumbe ngati kihomo kyene.
16Ngano yayiye kikwilile pa ndima pa mutu wa pa fidunda, fipambiko fyake yafikupule ngati Lebanon:
Na wala wa likaya yawalagale ngati linyasi lya ndima.
17Lihina lyake yalitame mumu pela; lihina yalilimbe mpaka yaliye lijuwa:
Na wandu yawapeleke kihomo pa yombe; mihuku yoha yayimbatuse.
18Alumbike ngati kihomo kyene Bambo Mlungu, Mlungu wa Israel:
Wakukita ywakape fila afikiteye fya kupambana.
19Likalumbike ngati kihomo kyene lihina lyake lyene kukwisika mumu pela:
Gukameme ndima gwoha nu kukwisika kwake, Amen na Amen.
Currently Selected:
Zaburi Sya Daud 72: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press