Zaburi Sya Daud 81
81
Exultate Deo.
1Mundulutilaye Mlungu wakutikangamisa:
Mukwesaye kwa Mlungu wa Yakobo.
2Muyupe zabur, mukapise limbombo:
Muhawala gwa neema ni lipango.
3Mukuwaye mbata pa mwesi ng’ali:
Pa mwesi baa, na pa ligono litu lihulungu.
4Ndawa iyi ya kidumulano kwa Israel:
Iyi apagula Mlungu wa Yakobo.
5Akiwikite kulasa ulungamakiso pa Yoseph, pa kupita kwake panani pa ndima wa Egupto:
Baho nayufwine ndomo gula nagumanyi lepa.
6Nawusite lipambala lyake pa nsigo:
Mawoko gake galutakise kuhuma pa lupalo lwa kutugulila lidupi.
7Pa kufinyikisa wakemile, na nakuyokwile kwa mbafu:
Nakuhigite pakuyuwalila mbamba ya kuwuluma; nakugesile nu mwoto pa machi ga Meribah.
8Nakiti, Yufwana, nnsafi gwangu, na yanikulase ulungamikiso:
Israel, ngauniyufwanile nenga koma!
9Nakutama kwako mlungu wakupatukana:
Na yaunigwili lepe kimbo mlungu wa nnsafi gungi.
10Nenga Bambo Mlungu wako, wakukukwelesa kuhuma pa ndima wa Egupto:
Widindulile pandomo pakulungu, na yanipamemese.
11Koma nnsafi gwangu wakuyufwini lepa njwawila yangu:
Na Israel wakugana pa nenga.
12Nanika wapite mwanja kwa mlingo wakukanalila pa mioyo yawe:
Wagende‐gende pa malango aga wagapangana wene.
13Uwi nnsafi wangu ngawaniyufwini nenga:
Israel ngagenda‐gendite pa ndila syangu.
14Pachokope nganiwakotamise wakuwipila wawe:
Ninganikilawise kiwoko kyangu pa nane pa wamitumba wawe.
15Wakuhoma nu Bambo ninga wamyangite kwake:
Koma lukumbi lwawe ngaluteme kitami pela.
16Ningawalisite na mafuta ga ngano:
Nu wuchi kuhuma pa liganga lya kulama nganiwatupalise.
Currently Selected:
Zaburi Sya Daud 81: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press