Zaburi Sya Daud 80
80
Qui regis Israel.
1Wakuwadima wa Israel, utege likutu, wakundongosa Yoseph ngati lipuga lya mambelele:
Wakuwatamila Akerub ngati mutwa, ukawalise.
2Palongolo pa Ephraim nu Benyamin, nu Manasseh:
Wusa kigosi kyako, ukayiche kutiyokola.
3Mlungu, utikiliuse:
Ukamulikise kyene kyako, na yatikayokoke.
4Bambo Mlungu wa mabanja:
Mpaka lii yaukite lyosi ni liluwo lya nnsafi gwako?
5Wawalisya nu nkate wa mahosi:
Wawanywesa mahosi ndingo ukulungu.
6Mutiwika mapindikano kwa wenesi witu:
Nawakuwipila witu wahekana luheko.
7Utikiliuse, Mlungu wa mabanja:
Ukamulikise kyene kyako, na yatikayokoke.
8Wayokile m pelesa kuhuma pa Egupto.
Wayikimbise mihuku, nu wagupandite.
9Wagulimalile palongolo pake:
Na gwiselise milela nyahope, nu gwamemise ndima.
10Fidunda fyafunakalike nu mfwili gwake:
Nu twakutuka twake ngati mikungusa ya Mlungu.
11Witambaswile mahamba mpaka munyanja:
Ni mikia yake mpaka Mkuka.
12Ndawa kii udumwile maluwa gake:
Na woha wa waluta pandila wawasa baho?
13Liguluwe ligosi kuhuma pa mikongo ligung’wenya;
Na fya kumelamela fya mudasi filisya pa gula.
14Mlungu wa mabanja, ukiliwuke tikupembesa, ugelewane kuhuma Kunani:
Ukalole ukagupeleke mpelesa ugu.
15Ni mbeyu, yila kiwoko kyako kya kigosi kiyipandite:
Na bahapo pa lutafi lula wikangamasile.
16Watinyika pa mwoto wadumulika:
Pakulakalila pa kyene kyako watagika wombe,
17Kiwoko kyako kiye bahapo pa mundu wa kiwoko kyako kya kigosi:
Bahabo pa mwana wa adam yula wikangamise.
18Nu tenga nakukilauka munyuma kukuleka:
Utilamise, na yatilikemelele lihina lyako.
19Bambo Mlungu wa mabanja, utikiliuse:
Wimulikise kyene kyako, yatikayokoke.
Currently Selected:
Zaburi Sya Daud 80: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press