Zaburi Sya Daud 79
79
Deus, venerunt.
1Mlungu, mihuku yiyingila pa lipwela lyako lyakugawa; walekela wafu pa hekal yako mbalafu:
Wawika Yerusalem lilundu lilundu.
2Wapeleka mitufi ya wakuhengela wako kuya chakulya kwa fyakuguluka fya kunani:
Nyama ya wala wa lukolo lwako kwa fikoko fya ndima.
3Uyambanise mwasi gwawe ngati machi kugusyungutila Yerusalem:
Na payilepe ywakuwawika.
4Tisandwike kya kudoga kwa wala wajengenela nu tenga:
Kya kuheka luheko ni kya kukuga kwa wala wakutisyungutila.
5Mpaka lili yaudadi, Bambo, kilongolile:
Yagutinyike wifu wako ngati mwoto?
6Upungulili kuwina mwoyo kwako pa mihuku wala wangakukumanya:
Na pa watwa wala wangakulikemelela lihina lyako.
7Ndawa wamulya Yakobo:
Nu upakaywile pandu pake pakutamila.
8Usikumbukila kwa tenga upulupulu wa wakadadi witu:
Lipyana lyako litiyangalile kiyumbatakile, ndawa titepatepite munu.
9Utitangatile, Mlungu wa uyokosi witu, ndawa kukwisika kwa lihina lyako:
Ukatifuwule, ukasinyamase zambi situ, ndawa ya lihina lyako.
10Kwa kii wona yikita mihuku, Ayii kuu Mlungu wawe?
Kumanyike pa mihuku pa miho gitu kwilipilila kwa mwasi gwa wakuhengela wako, gula guyambanika.
11Kuwuwula kwa yula ayii munigoyi kufike pa miho pako:
Kwa ndingo wa ukulungu gwa kiwoko kyako uwapatilise wana wala wa nyifwa.
12Ukawakiliusile wenesi witu muhano na pa wili pa mwoyo pawe:
Kudoga kwawe, uku wakudogile, Bambo.
13Nu tenga nnsafi gwako na mambelele ga pakulila pako; yatikufumbule mumu pela:
Kwa fihogosi fyoha yatikokose malumbo gako.
Currently Selected:
Zaburi Sya Daud 79: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press